تفاصيل ومعلومات عن رحلتي للشمال التركي واسطنبول - الصفحة 4

زهرة نيسان · 05-10-2016, 07:13 PM

مبروووك الترقية
ومنها للأعلى

مشوار 15 ساعة يالطيف هههههه

احمد الحربي · 10-10-2016, 09:08 AM

لا تتأخر علينا

توبليرونمعجبون بهذا.

الفراهيدي · 16-10-2016, 08:25 AM

الله يبارك فيك يالأمير

اسلوب تشويق ههههه لابد منه

تشرفت بكـ

الله يبارك فيك والحمد لله وصل التكليف

لولاية عرعر

بالنسبة لأوزنجول بكمل التقرير ان شاء الله

الله يبارك فيك يالأمير

تابع واعرف السبب

احمد الحربي و توبليرون معجبون بهذا.

الفراهيدي · 16-10-2016, 08:27 AM

الله يبارك فيك هههههههه

والله وصلت راسي بينفجر ههههههه الله يعين

كلها من الخطوط الزفت السعوديه

لا ان شاء الله ما فيه تأخير

الحين اخذت اللاب للدوام وما عندي شي

الأ المنتدى وفاضي لكم

احمد الحربي, فيصل, زهرة نيسان و 1 آخرون معجبون بهذا.

النوور · 16-10-2016, 11:06 PM

اقتباس : المشاركة الأصلية كتبت بواسطة الفراهيدي

نلتقيكم في الجزء القادم وفيه

ماذا حدث في مطار اتاتورك صباح يوم الرحله

الى طرابزون

كم هي اسعار ايجار السيارات في طرابزون

لماذا توقف الطريق على مدخل اوزنجول بحوالي 5 كلم

منتظرين التقرير الجميل عشان نستفيد من رحلتك

توبليرونمعجبون بهذا.

الفراهيدي · 17-10-2016, 08:32 AM

لحظات وتنطلق الرحله كونوا بالقرب

توبليرونمعجبون بهذا.

الفراهيدي · 17-10-2016, 09:13 AM

اهلين وسهلين فيكم واعتذر عن التأخير بس الحين الأمور تمام وبأسرع وقت

ان شاء الله نضيف بقية الأجزاء ....

كان سعر الحجز لشخصين بالغين وطفل 3 سنوات ذهاب واياب

1500 ريال مع اختيار مقاعد ووجبه ....

صباح يوم الأقلاع لطرابزون والشمال التركي يوم الخميس كان موعد الرحله التاسعه والنصف على خطوط اونر اير كلمت الفندق يوصلنا للمطار بسيارتهم وهذا هو المهم والأضمن طلب سعر 60 ليره وهو سعر ممتاز

وسيارتهم فان كبيره احسن من التكاسي المهم بلغته الساعه 7 نتجه للمطار ( وهو الأفضل انك تطلب سياره من الفندق ) وصلنا المطار خلصت الأجراءات وشحنا الشنط وافطرنا وانتظرنا نقلع وصلت 9 ونص ما فيه بوابة فتحت 10 ما فيه بوابة فتحت 10 ونص ما فيه بوابة فتحت 11 ما فيه للحين قلت شكلها تتاجل اكثر

وصلت 11 ونص وفتحوا البوابة الحمد لله اخيراً بعد انتظار دام لساعات كان من المفترض الوصول الساعه 11 والربع
للأسف وصلت الساعه 1 والنصف تقريباً استقبلتنا طرابزون بأجمل الأجواء امطار ولله الحمد استلمت الشنط وبعدها

اتجهت لمكاتب تأجير السيارات وكانت المفاجئة اسعار السيارات نار نار نار عكس العام الماضي الدبل في نفس توقيت السنة الماضيه العام الماضي استأجرت فيات قير عادي ديزل بسعر 70 ليره للأسف السنة

هذي اقل سيارة 140 والشركات الثانيه توصل 180 استأجرت من شركة افاس لمدة 6 ايام وطلب تأمين اما كاش او عن طريق الفيزا واخترت كاش ودفعت له 750 ليره مسترده بعد التسليم مباشره طلعت استلمت

السياره وشيكت على كل شي من الصدمات الخفيفه والحكات اللي فيها ولازم الواحد يحرص على كل شي في السياره وينتبه للزجاج والاستبنه بعدها على اقرب محطة وفل ديزل بـ 140 ليره

هذي صوره مشابهه للسياره

بعدها اتجهنا للفاتنه وعروس الشمال التركي اوزنجول طبعاً ما كنت حاجز وكانت الخطه بعد ما اوصل

قبل اوزنجول بحوالي 5 كيلو زحمه والطريق متوقف والأسعاف راجع من الفاتنه اوزنجول المشكله طريق اوزنجول صعود واذا كانت سيارتك قير عادي راح تتعبك خاصه والطريق واقف وانت في صعود تعب شديد

ههههههه انا اطالع واحلل ممكن حادث ممكن باص مقلوب من القروبات لأن من 3 سنوات وازور اوزنجول ما صادفت الزحمه هذي المهم جلسنا اكثر من ساعه في 5 كيلو لين ما وصلنا واكتشفت انها زحمة الأتراك

جايين يحتفلون بالعيد في اوزنجول اول طله على اوزنجول زحمه وأول مره اشوف عسكري في اوزنجول ينظم السير ههههههههه الكل فيها يعيد ويحتفل المهم اليوم من بداية متعكر من تاخر الرحله الى تأخر الوصول

وزحمة الطريق لأوزنجول تعبت لفيت على كم فندق الأسعار كانت نار ما رديت عليها الفنادق اللي سكنت فيها العام الماضي مثل ماي هوم وانان كانت فل رحت لأخر القريه وحصلت فندق اكبينار بعد البحيره وكان

السعر 180 والأهم نظيف

وهذي صور ورابط للفندق

Booking.com: ظپظ†ط¯ظ‚ ط§ظƒط¨ظٹظ†ط§ط± - ط£ظˆط²ظˆظ†ط؛ظˆظ„, طھط±ظƒظٹط§

المهم نزلنا الشنط وكانت الساعه قريب من 4 ونص 5 بعدها طلعنا نتمشى حول البحيره

يا جماعه اوزنجول تغيرت كثير عن العام الماضي المواقف اصبحت برسوم في بعض الاماكن اللي كانت مجانيه العام الماضي
المحلات زادت بشكل كبير والألعاب زادت بشكل كبير المطاعم زادت اخذنا نلف على البحيره ونشوف

المقاهي والكافيهات والاكشاك بنتي لين ماتت تبي تلعب والألعاب واقفه بسبب الأمطار الخفيفه هههههه بلشت فيها شلون تفهمها انها مقفله راحت بنفسها هذاك اليوم بس عوضناها ثاني يوم كملنا تمشيه وبعد

المغرب تغدينا في مطم ادا بجوار الجامع اسعارهم حلوه وزرته العام الماضي على الساعه 8 ونص رحنا الفندق نريح من يوم طويل جداً ومتعب

نلتقيكم في الجزء الثاني من اوزنجول

احمد الحربي, فيصل, طوق الياسمين و 4 آخرون معجبون بهذا.

Gunner10 · 17-10-2016, 09:57 AM

بداية ممتازة اخوي

انا اشوف ان الي يبي يزور اوزنجول يبتعد عن السبت والاحد بسبب زحمة الاتراك

يعني يكون اول يوم له يوم الاثنين ويغادر يوم السبت صباحا

احمد الحربي, فيصل و الايمان معجبون بهذا.

احمد الحربي · 17-10-2016, 10:17 AM

في عز الموسم اكيد بتكون زحمه بس الغريب وجود الاتراك يعني مافيه غير اوزنجول

يعطيك العافية على الجزء الرائع

واصل يابطل

توبليرونمعجبون بهذا.

هلا مدريد · 17-10-2016, 10:45 AM

تبارك الرحمن تفاصيل التقرير رائعة جزاكم الله خير

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي لشهر سبتمبر 2015 للشمال التركي واسطنبول 14 ليلة بالتفصييييل	صقره 2013	بوابة تركيا	260	05-06-2022 02:08 PM
رحلتي الى الشمال التركي واسطنبول بالصور والفيديو 11 ليلة	عناقيد الربيع	تركيا	500	08-02-2018 05:29 PM
برنامج سياحي بجدول للشمال التركي واسطنبول	أبو أسامة	تركيا	48	24-01-2018 02:56 PM
114 صورة من رحلتي إلى الشمال التركي واسطنبول	AbuSami77	تركيا	10	15-06-2016 02:41 AM