عدنا لكم من جديد وعذرا على التأخير .....

أصبحنا وأصبح الملك لله .... استيقظنا للصلاة والنزول للإفطار وهذا اليوم الأخير في الصنواي ....







يا إخوان هذا إدمان في السفر وصار خويي طول الرحلة



بعد الفطور مريت أخذت كم صورة وسبحت في مسبح الفندق ....





















في المخ بصراحة


بعد ذلك تجهزنا وتوجهنا للألعاب المائية حيت ثم شراء تذكرتين مسبقا من موقع اسيا ترفل بسعر 196 رينجت ....








تجربة السباحة بالجوال جوا الموية


بعد ذلك توجهنا للألعاب المائية وأول ما دخلت قال ممنوع ... قلت : ايش ؟ قال : ممنوع العباية .. اي والله هذا اللي صار قلت انت وش تقول قال : لازم تشيل زوجتك العباية وتلبس الملابس المخصصة عندهم قلت : طيب من تحت العباية قال : لازم تشيل العباية .... أنا بصراحة ما تحملت باقي شوي والله وأكفخ العامل وقلت وين المشرف وجا ونفس الكلام كنت أنا وزوجتي و3 سعوديين كل واحد وزوجته معاه ... استغربت من اللي صار ..... المهم ما لعبنا بالألعاب المائية واكتفيت أنا بالسباحة ... والأخلاق صارت قافلة لا أنا ولا زوجتي وتوجهنا إلى حديقة الحيوانات وتفرجنا عليها وخرجت بعد الظهر توجهت للفندق للراحة وسألت العاملين بالفندق قالوا ما يحق له عادي تلبس الحرمة الملابس تحت العباية ... المهم قلت لعل في الأمر خير

ارتحنا بعد ضربة الشمس وضيقة الأخلاق وصحينا العصر نزلنا وطلعنا برا الفندق فيه مسطحات خضراء للجلسات وتقهوينا هناك إلى أن أذن المغرب وصلينا واتجهنا بعدها للبرايميد مول للعشاء ...














بتوصية من الأخت قصة حب كان عشانا في هذا المطعم ولها تقرير رائع عن المطعم هذا... له فرع ثاني في بينانج ولكن حبيت أزور هذا دامه قريب من الفندق .....






نظام المطعم بوفيه مفتوح خذ من الأكل على قد حاجتك وراح تسويه انت على طاولتك










إن حبيت المشوي أو المطبوخ وكلها حلوة




صلصة الصويا على الروبيان دماااااااااار










لافتة معلقينها في المطعم وهو أن الاكل الزايد راح يكون عليه غرامة لذلك لازم تخلص الأكل




الحساب كان 105 رينجت




في طريق العودة مرينا على مطعم تاهي وإن شاء الله أخونا عبدالله راح يخبرنا عن تجربته للمطعم


كذا خلص يومنا على خير ....

مصاريف اليوم الأخير :
196 رينجت تذاكر ألعاب صنواي لاجون
100 رينجت عصيرات وكيك في مقهى الفندق
105 رينجت عشا في مطعم سيؤول قاردن

المجموع /401 رينجت


التقيكم إن شاء الله في جزء آخر والرحلة القادمة إلى .......... يتبع


دمتم بود