عطله عيد الاضحى 2016 (بوكيت-بانكوك) - الصفحة 10

opera_kw · 02-11-2016, 08:17 AM

اقتباس : المشاركة الأصلية كتبت بواسطة الايمان

البيت المقلوب روعه دخلته في ميامي وافتر راسي
ماشاءالله البوب كورن حجمه مو طبيعي
شنو الافضل بالنسبة لج السكن في الفندق الاول بوسط المدينة في بوكيت والا الفيلا بالمنتجع البعيد؟؟؟؟

البوب كورن حجم عائلي .. مشاركه للجميع وهم زاد منه

بالنسبه لي شخصيا ..

احب اللويه ماحب اسافر اقعد بمكان مافي شي بس طبيعه وخضرا و بحر وهالسوالف كلش مو ستايلي

فانا شخصيا افضل السكن بوسط بوكيت بشارع اللي فيه حركه واسوقه وانشطه واستعراضات وكل شي

خصوصا بالليل لمن كل شي يسكر حلو انه تكونين قريب من مكان في حركه

والفيلا كانت تجربه .. وحلو الواحد يقعد بمكان يوم يوميين بس استرخاء وراحه واستجمام

بس يومين مو كل السفره

واحنا اصلا بالديره حياتنا كلها راحه و مانتعب نفسنا بشي .. وطول الصيف احنا بالشاليهات

فحلاته الواحد اذا سافر يجرب اشياء يديده موموجوده عندنا ويعيش حياه غير حياته اللي عايشها بالديره

الايمان و قصة حب معجبون بهذا.

opera_kw · 02-11-2016, 08:18 AM

اقتباس : المشاركة الأصلية كتبت بواسطة قصة حب

أوبرا اااااااااااااااااااااااا
وينك لا تتأخرين متحمسة اشوف المشتريات وباقي التقرير

اقتباس : المشاركة الأصلية كتبت بواسطة yamoone

وينك اوبرا حبيبتي عم نستناكييييييي ما تطولي علينا ☺☺☺

اقتباس : المشاركة الأصلية كتبت بواسطة فيصل

عسي المانع خير

اقتباس : المشاركة الأصلية كتبت بواسطة yamoone

ان شاء الله تكوني بافضل حال حبيبتي اوبرا واللي مأخرك يكون خير يارب .... ناطرينك

شكرااااا جميعا عالسؤال

خير ان شالله

بس كنت مسافره سفره سريعه

واليوم ان شالله بنزل جزء يديد

ميرسي

Haksa77, فيصل, قصة حب و 1 آخرون معجبون بهذا.

opera_kw · 02-11-2016, 08:25 AM

اقتباس : المشاركة الأصلية كتبت بواسطة عامر الزعابي

تقرير جميل اختي اوبرا عن تايلند

وحبيت فلل بنيان تري وحوض السباحة الخاص

اجمل عبارة بالنسبة لي في التقرير
( يبقى السفر للاستفادة والاكتساب من الشعوب والتعرف على عاداتهم)

واعجبني يوم قلتي
(ماعندج مشكلة باي جو ولا اي اكل ولا اي سكن وعادي انج تاكلين بالمطاعم الشعبية) حسيت انج اكشن

وننتظر تكملة التقرير على احر من الجمر

ههههههه

حد الاكشن انا

شوف بالنسبه لي ..

مثل ماقلت ماعندي مشكله ابداا ولا اتذمر من حر ولا رطوبه ولا برد ولا مطر ولا اي شي

وهذا تحدي اسمه (ضبط النفس) وتهذيب الذات

احنا عايشين حياه الراحه والترف

وكل شي نبيه موجود

وبالسفر احب اتخلى حتى عن اسمي واعيش انا ك انسان بسيط واتعامل مع كل الناس بالانسانيه

وطبعا لازم الاكشن لانه بالديره كلش ماعندنا مغامرات ولا اكشنات ولا شي

فمايمنع انه نجرب

فيصل, عامر الزعابي و صيف2016 معجبون بهذا.

الايمان · 02-11-2016, 10:37 AM

اقتباس : المشاركة الأصلية كتبت بواسطة opera_kw

البوب كورن حجم عائلي .. مشاركه للجميع وهم زاد منه

بالنسبه لي شخصيا ..

احب اللويه ماحب اسافر اقعد بمكان مافي شي بس طبيعه وخضرا و بحر وهالسوالف كلش مو ستايلي

فانا شخصيا افضل السكن بوسط بوكيت بشارع اللي فيه حركه واسوقه وانشطه واستعراضات وكل شي

خصوصا بالليل لمن كل شي يسكر حلو انه تكونين قريب من مكان في حركه

والفيلا كانت تجربه .. وحلو الواحد يقعد بمكان يوم يوميين بس استرخاء وراحه واستجمام

بس يومين مو كل السفره

واحنا اصلا بالديره حياتنا كلها راحه و مانتعب نفسنا بشي .. وطول الصيف احنا بالشاليهات

فحلاته الواحد اذا سافر يجرب اشياء يديده موموجوده عندنا ويعيش حياه غير حياته اللي عايشها بالديره

صاجه كلامج صحيح

فيصلمعجبون بهذا.

opera_kw · 03-11-2016, 06:13 PM

اليوم الخامس: الاحد 12\9\2016

اليوم كان يصادف عيد الاضحى المبارك

طلعنا عقب الريوق

وعلى توصيه احد الاخوان

قالنا روحو مجمع بوبي ... لا يطوووفكم

وتوكلنا على الله ورحنا باستخدام التوك توك

صارو اليهال كلما طلعنا يقولون نبي توك توك

استانسووو

والجنطه اللي بالتوك توك اذا شايفينها لزوووم الشوبنق

خبراء تايلند يعرفونها

وصلنا بوبي

لو طايفنا المجمع وايد احسن

المجمع كبير وااايد في محلات

بس المحلات كلها جمله مايبيعون مفرد

يعني اللي عنده محل

او بيشتري هدايا ينفع

لانه اقل شي يبيعون 6 حبات

ومتنوع ملابس اطفال .. حريم .. رجال .. بيجامات

كل شي موجود

بس من اول جم محل شفت ان الكل يبيع جمله

طلعنا ما شرينا شي

شنسوي ب 6 قطع

مع انه اسعارهم رخيييييصه تطلع

طلعنا ورحنا الي باتينوم فاشن مووول

للي مايعرفه هذا اللي لايطووووفكم

تمينا فيه وقت طووووويل

انا اسفه كنت صج مشغوووله

كل شي موجود ملابس .. اكسسوارات .. احذيه عزكم الله .. العاب

ماصورت شي

وعموما هذا اليوم كان حافل بالتسوووق ماصورت وايد

عقبها ردينا الفندق حطينا اغراضنا ومشي

الى المولات القريبه منها

هذي المجمعات ارقى وفيها البراندات العالميه

وعند المول حاطين هذي المجسمات

و رحنا اول شي نحلي

حبيبنا العم توتسووو

جيز كيك ياباني لذييييييييييييييييذ

واللي شايف تقرير اللي طاف لرحله ماليزيا يدري شكثر كليت منه

بس للاسف كان خالص وماراح يسون بعد

حلينا بسويننز

ايس كريم

وانطلقنا للشوبنق

ولازم اليهال كلما شافو دبدوب هارودز يبون يصورون عنده

بس هالمره بالتحيه التايلنديه

وبعد ما تسوقنا وتعشينا وسكر المول

رحنا الى

سوق الليل

بات بونق

السوق صغير مافي وايد محلات

شويه اكسسوارات وملابس و الكترونيات

يعني ماياخذ وقت طويل

ومثل ماقلت لكم اليوم كله سوق بسوق

اي نسيت اقولكم انه اتفقنا مع سايق حق باجر انه يودينا السفاري

وقالنا اوديكم وتشترون تذاكر من عند البوابه ارخص

لكن سألنا عندنا بالفندق خدمه الكونسيرج

عطونا تذاكر للسفاري والمارين بارك مع وجبه الغدا بسعر ارخص ب 1000 و 850 بات للكبار والصغار

واحنا مو متأكدين من سعر التذاكر عند البوابه بس اخذناهم من الفندق

وان شالله الجزء القادم اقولكم شنو صار وتفاصيل السفاري

fahad_q8, قصة حب, فيصل و 8 آخرون معجبون بهذا.

fahad_q8 · 03-11-2016, 06:34 PM

توك توك ركبته بسوريا مادري لبنان وانا عمري 9 سنين
ناسيه اصلا

منظر الكاكاو بالصورة يقتلني ترى

عفوا بس الالف بات جم كويتي !!

وبإنتظار السفاري

أرسلت بواسطة iPhone بإستخدام Tapatalk

الايمانمعجبون بهذا.

hearty · 03-11-2016, 10:59 PM

الحمدلله علي عودتج سالمه ما شاء الله تسوق ومولات علي أعلي مستوي وزيدينا من ايّام بانكوك الجميلة وشكرا علي هذا التقرير الرائع

أرسلت بواسطة iPhone بإستخدام Tapatalk

فيصل و قصة حب معجبون بهذا.

فيصل · 04-11-2016, 02:52 AM

تجربه التوك حلوه للاطفال
التسوق ما تمل منه المرأه
ننتظر تفاصيل التذاكر بكره ارخص أو السائق ما عنده سالفه

yamoone · 04-11-2016, 07:33 PM

يا حلو الشوبنق بكون احلى جزء بالرحله ��.

بس معلش كيف تأكدتو انو التشيز كيك كان حلال ؟

لازم اجربه شهيتيني عليه ��

وعم ننطر باقي التقرير

والحمد لله ع سلامتك حبيبتي ��

فيصل و قصة حب معجبون بهذا.

Gunner10 · 04-11-2016, 11:36 PM

يعطيج العافيه اختي

يوم كله تسوق يتعب اليهال

اخوي ميلاني

الالف بات تقريبا 8,500 كويتي

fahad_q8معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربة الإقامة في فندق الميراث أو الميروز-بانكوك-2016	عاشقة مسقط	بوابة تايلند	24	23-08-2016 01:09 PM
مخططي الى الفلبين في اجازه عيد الاضحى ان شاء الله ارائكم ياخبراء اول مره اروح لها	رحـال	بوابة الفلبين	8	18-08-2016 01:58 PM
رحلتي القصيرة للعاصمة بانكوك - مايو 2016	سوسو الصغيرة	بوابة تايلند	22	17-07-2016 10:13 PM
التنقل بين مدن تايلند (من بوكيت إلى تشيانق ماي إلى بانكوك	بوفهد	بوابة تايلند	7	26-03-2015 02:16 PM