عطله عيد الاضحى 2016 (بوكيت-بانكوك) - الصفحة 15

opera_kw · 17-11-2016, 09:44 AM

اقتباس : المشاركة الأصلية كتبت بواسطة yamoone

جزء جميل وفكرة المول حلوووووه بس جد لو فيها جزء عربي كمان بطلع احلى

هاد السوق بالليل هو نفسه النايت بازار؟ كيف ممكن اوصله؟

وان شاء الله دايما بسعاده الكم ولجميع المسلمين والمسلمات يارب

شكراا

لا هذا مجرك كشكات على امتداد شارع سيام .. موجودين كل يوم ماعدا الاحد

والنايت بازار ذكرته بجزء سابق

hearty · 17-11-2016, 09:49 AM

شو هالفن في التصوير اوبرا روعه جدا لاحظو تحت عبارة بانكوك تايلند واسم اوبرا تحتهم يا سلام اشكرج يا اخت اوبرا علي هذا الفن والابداع

قصة حب و الايمان معجبون بهذا.

opera_kw · 17-11-2016, 10:16 AM

اليوم الثامن: الاربعاء 15\9\2016

اليوم اخر يوم تسوق لنا في بانكوك

باجر نطلع الصبح ونرد الكويت

فلازم نحط اولويات شنو الاشياء الي ابيها وماقدرت اخذها بسبب ضيق الوقت و مع الاطفال صعب التسوق

كل مره اسافر بروحي

اقعد بالمول ما اطلع الا مخلصه كل المحلات عادي

بس شويه الحركه صعبه مع عربانه الاطفال و يتمللون و يبون ياكلون

رجعت لمجع بلاتينيوم فاشن مول

ذكرته من قبل اني رحت له

بس كان في دورين ماخلصتهم

ومايمنع انه نعيد الادوار اللي عاجبتنا

الجينز مكتسح وبقوه

قررت اصير فاشينيستا على تصوير المحلات والملابس

المشكله مو جذي

المشكله اغلب المحلات حاطين غرامه للي يصور و مايرضون

كنت اصور بالخش

وهذا محل يطبع الاسم على الكابات

وكل واحد اختار الون والطباعه

على ذوقهم

لمن يهمه الامر

والعدسات الكوريه

بعدها طلعنا نتمشى بالسكيك المجاوره للمول

بوكيمون

يعني في اشياء حلوه

رجعنا فاشن مول تغدينا بمطعم هندي حلال

وطلعنا

واستخدمنا القطار المعلق

كانت وجهتنا مول يديد بعد سمعت عنه

وسألنا شنو اقرب محطه يمه ودلونا

بصراحه وااايد اسرع من التاكسي

لانه بانكوك زحمه

وصلنا مول

emquartier

المول كله ماركات عالميه

وانا ما اشتري براندات كبيره من تايلند لانه اسعارهم مثل الكويت بالضبط

اللي يبي ماركات يشتري من دول اوربيه وايد فرق

المول فيه جزئين

وهذا المحل لمصممين تايلنديين

البضاعه حلوه .. والاسعار زينه

ملابس رجاليه

ونسائيه

خلصنا تسوووق عالسريع

و صعدنا لاخر دور

لازم الاطفال مايقدرون يشوفون هالشخصيات ومايصورون عندهم

وعلى ستاربكس

اعرف شخص يشتري من كل ستاربكس بالعالم يروحله كوب باسم الدوله

بس انا هوايتي تجميع المغناطيسات اللي تنحط عالثلاجه

خلصنا وبنطلع

وصورنا مع هذا الحارس اللطيف عند البوابه

والى مجمع ام بي كي

عالخطوط التايلنديه لمن طرنا من بوكيت لي بانكوك

قدمولنا وجبه خفيفه تشبهه المعمول

بس داخلها كاسترد وكانت لذيذه

لقيناه موجود بالكافيهات ومحلات الدونت

واخذت منه هديه

مثل اللي بالصوره

بزيارتي لاي دوله لازم اروح مكانين مهمين بالنسبه لي

السوبر ماركت .. والصيدليه

و اشتري منهم وايد اشياء مو موجوده عندنا

ومن تجربه

ماسكاتهم عجيبه

وبنهايه اليوم

رحنا للدور الاخير وتعشينا في بيتزا هت

ورجعنا الفندق نرتب اغراضنا

fahad_q8, hearty, قصة حب و 6 آخرون معجبون بهذا.

Gunner10 · 17-11-2016, 10:16 AM

يعني في جزء يديد اليوم

الايمانمعجبون بهذا.

fahad_q8 · 17-11-2016, 10:27 AM

عجبني اللي يطبع اسماء على الكابات

ولو في تيشيرتات بعد احسن واحسن

خلاص يعني ماكو 17/9 [emoji1321]

وانتي بخير ي رب ومستمتعين بالجزء الجميل

وبانتظار عودتكم للكويت [emoji257]

أرسلت بواسطة iPhone بإستخدام Tapatalk

قصة حب و الايمان معجبون بهذا.

Gunner10 · 17-11-2016, 10:29 AM

سبقتيني بالرد ههههههه

الايمانمعجبون بهذا.

hearty · 17-11-2016, 10:30 AM

روعه روعه تصوير وسرد ما شاء الله عليج يا اوبرا وما شاء الله علي تايلند شكرا جزيلا واقسم بالله اني اشوف واطالع التقرير عدة مرات في اليوم اشوف صور بانكوك خاصه وتايلند عامه من تصويرك المميز شكرا اختي

الايمانمعجبون بهذا.

opera_kw · 17-11-2016, 10:32 AM

اليوم التاسع: الخميس 16\9\2016

قعدنا مبجر لانه اليوم اخر يوم لنا ومتفقين مع التاكسي يمرنا الساعه 6:30

طلبنا ريوق بالغرفه

الريوق لشخصين بس كميته كبيره .. احنا اربع اشخاص و ما كملناه

والى مطار سوفارنابومي

نخطط لرحاه قادمه

ونختار وجهه يديده

ووصلنا الدوحه

ترانزيت بسيط

قعدنا بالفود كورت

موقع استراتيجي والله

نشوف الطيارات اللي تطير واللي توصل

لقطع احترافيه لازم برجر كينق يدفعلي فلوس عليها

والتسووق بالسوق الحره من متع السفر

خلصنا مشتريات و صعدنا الطياره

ووصلنا الكويت بالسلامه

.................

شكرا لكل شخص تابع التقرير .. وشكرا لكل شخص كتب كلمه ...

و تابعوني بتقاريري القادمه

وتقارير السابقه

:e032:

hearty, fahad_q8, قصة حب و 4 آخرون معجبون بهذا.

hearty · 17-11-2016, 10:36 AM

اطالب وبشده تثبيت هذا التقرير المميز في مسابقة الجوائز لاحسن تقرير لعام 2016 وشكرا لكي اختي اوبرا

fahad_q8 · 17-11-2016, 10:38 AM

الف الحمدلله ع السلامة

صورة برغر كنغ عالمية [emoji1303]

واستمتعنا بالتقرير والله العظيم

ويكفي غيرتي فكرتي عن تايلند

وفعلا لا تاخذ العلم الا من اهل الاختصاص

حافظكم ربي ان شالله ونلتقي بتقرير مثل جمالية هذا

أرسلت بواسطة iPhone بإستخدام Tapatalk

heartyمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربة الإقامة في فندق الميراث أو الميروز-بانكوك-2016	عاشقة مسقط	بوابة تايلند	24	23-08-2016 01:09 PM
مخططي الى الفلبين في اجازه عيد الاضحى ان شاء الله ارائكم ياخبراء اول مره اروح لها	رحـال	بوابة الفلبين	8	18-08-2016 01:58 PM
رحلتي القصيرة للعاصمة بانكوك - مايو 2016	سوسو الصغيرة	بوابة تايلند	22	17-07-2016 10:13 PM
التنقل بين مدن تايلند (من بوكيت إلى تشيانق ماي إلى بانكوك	بوفهد	بوابة تايلند	7	26-03-2015 02:16 PM