موعد السفر قريب بااذن الله

ام فهوودي · 07-10-2016, 04:33 AM

السلام عليكم
ومثل م قلت اول اني اول مره اسافر خارج السعوديه والخوف ماخذ نصيبه مني كامل ومكمل
الجدول كالتالي سيلانجور يومين فندق البيراميد
بينانج ثلاث ايام فندق الهاردروك
لنكاوي يومين الى الان م استقريت ؏ شي
كوالا خمس ايام وابغى شقق افضل من الفندق
ياليت اللي عنده خبره يعلمني وابغاها تكون نظيفه واامنه للعوايل وسعرها معقول
بالنسبه للمطاعم انا معاي قولون وجرثومه ومتخووووفه من اكلهم وحابه اعتمد وجبتنا الرئيسيه
بنفسي اسويها عشان كذا ابي شقق هل يحتاج ااخذ عزبتي معاي ولا متوفر كل شي هناك
الدجاج والرز والبصل والماجي وووووو. واضح انها كبسه ♡ ھَھٍھَھٍھَھٍ ھَھٍھَھٍھَھٍـ😹 
لنكاوي كثير قال انها مو حلوه للاطفال وممله لهم عكس بينانج
فااللي عنده خبر او معلومه لا يبخل علي فيها رحلتناترفيه ووناسه وليست استجمام بحكم الاطفال سبع وسنتين ونص
الخطوط اعتمدت القطريه والله يستر
المواصلات ابي شي يكون رخيص للتنقلات الداخليه
والصرف هل اصرف جميع المبلغ معاي ولا اخليه بالبنك واسحب هناك
لايوجد معاي فيزا صراف راجحي عاديه
وكم يخصمون علي من السحب هناك
وابغى الاماكن السياحيه هناك وبالترتيب مو حابه يفوتني شي هناك
ومااحب الاماكن التاريخيه للمعلوميه رايحه انبسط واستانس مش اتعلم واتثقف
لحد ينتقدني بس مو جوي معليش
وبالنسبه للجو بنوفمبر كيف حيكون
وانا من سكان تبوك للمعلوميه وراح اسافر من تبوك لجده ومن جده
الدوحه والدوحه كوالا
اللي جرب مكتب سياحي زين فتبوك يعلمني
وبالنسبه للفنادق والضرايب كيف وضعها ياليت تخبروني
وهل يدققون بالمطار ؏ الادويه الشعبيه
بااخذ معاي بقشه تعرفون معاي اطفال ولازم احتياط
اسفه طولت عليكم بس ساعدوني واتحملوني جديده بقراطيسي ؏ السفر
والجدول كللله علي اَلـّلـْــہَ يعين

ثنيان · 07-10-2016, 06:16 AM

اي عزبة بتاخذينها معك يا ام فهودي
مايحتاج ابدا
ترى الامور كلها سهالات وراح نجاوب على كل الاسئلة وابشري بسعدك
لكن عزبة وكشتة ومعاميل يادافع البلا

بالنسبة لبينانج لو تغيرين فندق الهاردروك يكون أفضل
من وجهة نظري لا يصلح للعائلات والاطفال
وعندك القولدن ساندس أفضل منه
في كولا الشقق كثيرة ولكن من تجربة فيه E&O وبارك رويال سويتس هم افضل الموجودين
متوفر فيها عدة الطبخ وقدور ومعاميل بس ماعندهم قدر ضغط الشكوى على الله
لنكاوي ما رحتها وما اقدر احكم عليها لكن بينانج رائعة وبستانسون فيها مع عيالكم
تابعي تقارير بينانج وبتعرفين الاماكن السياحية فيها لانها كثيرة وشوفي اللي يناسبك منها
ورتبي اولوياتك
بطاقة الفيزا ماتحتاجينها غير في الحجوزات وهناك ماتحتاجين تستعملينها
انا متعود اخذ دراهمي معي احول بعضها في السعودية والباقي في ماليزيا ولا حوسة السحب والبنوك
رغم انها امنة ومافيها مشاكل تخوف
ادوية شعبية ؟؟؟
ماعليك خذي اللي تبينه محد برادك بس وش تبين فيها
ترى البلد متوفر فيها كل شي
جميع انواع الاكل لجميع الاذواق متوفرة واللي عنده قولون عسى ربي يشافيه ويعافيه بيحصل الاكل
الي يناسب حالتة

لا تتوترين ولا تشلين هم
توكلي على الله والامر جدا سهل
وباقي الاسئلة بيردون عليها الاخوان وماراح يقصرون

ام فهوودي · 07-10-2016, 06:49 AM

اشكرك ؏ الرد ثنيان واطمع بالمزيد من الردود
وبالنسبه للادويه الشعبيه ضروريه وافضل من غيرهم ترى والاكل كثير حذروني من المطاعم العربيه
سعرهم مبااااااالغ فيه
والهارد روك يقولو عندهم فعاليات وعروض ومدري
والفلوس والله اني متخوفه من السرقه والحووووسه

سنغافورة · 07-10-2016, 10:54 AM

ماليزيا بلد أمن جدا بلد بسيط ومن لحظة وصولك راح تحسون بذلك الشعور الرهيب من ابتسامتهم و تعاملهم ؟ انا ابغا احذرك من شغله وحدة بس إإ لا تتعاملون مع اي عربي هناك ولا تتكلمون معاه بتشوفونهم في المطارات والاماكن السياحية سماسرة نصابين ؟
اجراءات المطار سهلة و بسيطة خذي ادويتك معاك داخل العفش مافي اي مشكلة؟
بخصوص الصرف حولي كل فلوسك من السعودية الئ الرينجت وخليها في شنطة صغيرة
مع الجوازات شنطة تحمل ع الكتف ولحظة وصولك الفندق يوجد سفتي بوكس صندوق امانات تحطيها بالصندوق عند الاستقبال وتاخذي مغاك مفتاح الصندوق امان امان ؟
بينانج عندك هوليدي ان جنب الهاردروك ارخص و اجمل وموقع رااائع

Turki1407 · 07-10-2016, 11:20 AM

الهارد روك جيد لكن موقعه يعتبر بعيد شوي عن الانشطه الافضل جولدن ساندس او بارك رويال او هوليدي ان.

لنكاوي في وجهة نظري هي جمال و متعه ماليزيا فنادقها كثيره منها ويستن او برجايا او ميرتوس بيلانجي او فندق ادايا بدون شاطئ.

شقق ايه اند اوه في كوالا جميله جداً و خدماتهم رائعه و الامان عالي جداً و كل شي متوفر في الشقه.

المطاعم العربيه بالذات في كوالا مستواها جيد جداً الى ممتاز للبعض و الاسعار اشوفها مقاربه للي عندنا، و ارشح لكم مطعم القمر في البافليون ، و مطعم قصر حضرموت قريب من البافليون.

ام فهوودي · 07-10-2016, 08:16 PM

طيب ياليت احد فيكم يتبرع ويحط لي جدول بالفندق والاسعار والاماكن عشان
اسجلها عندي واطبعها
ابغى اسعار اقتصاديه ومناسبه جدا

abomishary · 08-10-2016, 02:07 AM

اقتباس : المشاركة الأصلية كتبت بواسطة ام فهوودي

السلام عليكم
ومثل م قلت اول اني اول مره اسافر خارج السعوديه والخوف ماخذ نصيبه مني كامل ومكمل
الجدول كالتالي سيلانجور يومين فندق البيراميد
بينانج ثلاث ايام فندق الهاردروك

الهوليدي ان خيار اقتصادي ونظيف اللي على الشاطيء

لنكاوي يومين الى الان م استقريت ؏ شي

اذا ودكم تنبسطون ما تصلح لكم

كوالا خمس ايام وابغى شقق افضل من الفندق
ياليت اللي عنده خبره يعلمني وابغاها تكون نظيفه واامنه للعوايل وسعرها معقول
جربت من خمس سنوات Taragon Service Suites
وكانت نظيفة جدا وامنه
الدخول والخروج منها بكرت وعليها سكيورتي ومراقبة بالكاميرات
ولكن قبل المغرب وجود نساء شبهة عند المجمع
بالنسبه للمطاعم انا معاي قولون وجرثومه ومتخووووفه من اكلهم وحابه اعتمد وجبتنا الرئيسيه
بنفسي اسويها عشان كذا ابي شقق هل يحتاج ااخذ عزبتي معاي ولا متوفر كل شي هناك
الدجاج والرز والبصل والماجي وووووو. واضح انها كبسه ♡ ھَھٍھَھٍھَھٍ ھَھٍھَھٍھَھٍـ😹 
بالعكس اذا حابه توفرين بالمصروف
انصحك تاخذين العزبة
وسبق ان جربتها مع بعض الزملاء بالعمل
وشحنا شنطة العزبة لوحدها بالعفش بدون مشاكل
طبعا بدون قدر الضغط

لنكاوي كثير قال انها مو حلوه للاطفال وممله لهم عكس بينانج
فااللي عنده خبر او معلومه لا يبخل علي فيها رحلتناترفيه ووناسه وليست استجمام بحكم الاطفال سبع وسنتين ونص
الخطوط اعتمدت القطريه والله يستر
المواصلات ابي شي يكون رخيص للتنقلات الداخليه
والصرف هل اصرف جميع المبلغ معاي ولا اخليه بالبنك واسحب هناك
لايوجد معاي فيزا صراف راجحي عاديه
وكم يخصمون علي من السحب هناك
الفيزا ضرورية بالحجز واحيانا تطلب منك للتاكد
واذا ما معك فيزا خذي كاش افضل من السحب
لان السحب اعتقد على كل عملية 20-25 ريال ان لم اكن مخطيء

وابغى الاماكن السياحيه هناك وبالترتيب مو حابه يفوتني شي هناك
ومااحب الاماكن التاريخيه للمعلوميه رايحه انبسط واستانس مش اتعلم واتثقف
لحد ينتقدني بس مو جوي معليش
وبالنسبه للجو بنوفمبر كيف حيكون
وانا من سكان تبوك للمعلوميه وراح اسافر من تبوك لجده ومن جده
الدوحه والدوحه كوالا
اللي جرب مكتب سياحي زين فتبوك يعلمني
وبالنسبه للفنادق والضرايب كيف وضعها ياليت تخبروني
وهل يدققون بالمطار ؏ الادويه الشعبيه
بااخذ معاي بقشه تعرفون معاي اطفال ولازم احتياط
باذن الله تتيسر اموركم
بس لا تاخذين شي منها بشنطة اليد
خليها مع العفش افضل لكم

اسفه طولت عليكم بس ساعدوني واتحملوني جديده بقراطيسي ؏ السفر
والجدول كللله علي اَلـّلـْــہَ يعين

بالتوفيق لكم

ام فهوودي · 08-10-2016, 02:31 AM

مشكورين اللي ردو علي وابغى ردود اكثر برضو عشان اعتمدهم

A.Alsubhi · 08-10-2016, 02:37 AM

الاخوان ماقصروا جزاهم الله خير
انا شوف الجدول يكون يومين سيلانجور 3 لنكاوي 3 بينانج 4 كوالا
يومين في لنكاوي قليلة مررررررررررررة
سيلانجور فندق البيراميد ممتاز
بينانج أرشحلك فندق قولدن ساندس مناسب جداً للاطفال وموقعة بجانب المطاعم , هاردروك بنفس مستوى القولدن وعلى نفس الشارع بس ابعد شوي
الجو في نوفمبر ممطر الى غائم غالباً

A.Alsubhi · 08-10-2016, 02:41 AM

فنادق لنكاوي بيلانجي بيتش جيدجداً الاسعار تبدا ب 700 تقريباً
فرنجيباني الاسعار تبدا ب 500 تقريباً ومستواه جيد
ايديا بدون شاطئ والفندق نظيف حدود 250
هوليدي فيلا مستواه جيد حدود 400

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السفر قريب والموعد ماضبط.. فزعتكم	خلود 5689	فيزا	7	15-12-2015 05:59 PM
موعد السفر شهر يناير	ايفون ذهبي	تركيا	6	15-11-2015 02:45 PM
محتاجة موعد قريب و استخراج شنقن بسرعة	SarahBackpacker	فيزا	10	17-06-2015 01:43 AM