السلام عليكم،،،،
لوسمحتوا بغيت اسأل عن اورلاندو وميامي باْذن الله ناوي اروح شهر 7 و8 لمدة شهر وعددنا 5 كبار وطفلين
3 ايام نيويورك
6 ميامي
باقي المده اورلاندو

اللي ابي أفضل فنادق نيويورك ويكون سعرهم مناسب
بأورلاندو ابي فلل تكون حلوه ونظيفه وقريبه يم ديزني واوتلت
ابي أفضل كروز للبهامس وابي معلومات عن شركات تأجير السياره للعلم الأطفال 6 سنين و سنتين يحتاجون مقاعد السياره واللي عنده معلومة بليد يفيدني مع العلم هذي اول رحله لامريكا

و عليكم السلام،

بأورلاندو سكنت بشقة بمنتجع اسمه Vista Cay Resort By Millenium
نظيفة و واسعة و المسافة بالسيارة عن دزني ثلث ساعة و عن الآوتلت ربع ساعة
عموما بأورلاندو كل شي قريب بحدود ربع ساعة
فيه فلل بنفس المنتجع بس ما جربتهم بس جربت الشقق و اسم المنتجع Vista Cay
نصيحة حجزوا الفنادق قبل فترة طويلة .. أنا سفرتي كانت بالشتا و حجزت قبل لا أسافر بشهرين و كانت أغلب الفنادق full

أما عن تأجير السيارة أجرت من شركة AVIS بالمطار كان تعاملهم رائع و سووا لنا upgrade ببلاش
و تقدر تؤجر منهم مقاعد للأطفال

نيويورك فنادقها كثيرة لكن شوفوا الانسب لكم مابين
ماريوت تايم سكوير
دبل تري تايم سكوير

اورلاندوا مليانة منتجعات عبارة عن فلل وشقق
هذا قريب من كل شي وخصوصا دزني
Sheraton Vistana Resort - Lake Buena Vista


يمكنكم مقارنة اسعار السايارات في موقع اكسبيديا وحجم السيارة المناسبة لكم
ومن ثم حجز السيارة عن طريق الموقع مباشرة
بالنسبة للكرسي الخاص بالاطفال من عمر 7 واقل يجب وجود الكرسي

بالتوفيق ,,

شكرًا لجميع الردود الحمد الله تم الحجز من 21/7-13/8
٢٤ يوم
ذهاب وعودة من نيويورك
برأيكم تقسيم الرحلة زين ولا يحتاج تعديل
يومين نيويورك
١٤ اورلاندو
٦ ميامي
٢ نيويورك
ولا الأفاضل اخليها اورلاندو ميامي اورلاندو؟؟
الشغلة الثانية أمني عارف أحسن كروز للبهامس اذا في احد عنده فكره ياليت يفيدني؟
وتنصحني تاجر يوكون بامريكا و بالا؟

واذكر قبلبوسعود كان عنده تقرير لامريكا ينفعنا خصوصا اللي عنده أطفال حمد يعرف عنه شي؟!

أخوي أعتذر عن المداخلة
هل حجزت التذاكر وكم سعرها ؟
حاولت أحجز لي ولزوجي ومعنا طفلين من السعودية الى امريكا ووجدت مبالغة في الأسعار من 32 الف وما فوق
وفكرت في تغيير مسار الرحلة الى أوروبا والتي سبق أن زرتها كثيرا

اقتباس:
المشاركة الأصلية كتبت بواسطة سمــــــر
أخوي أعتذر عن المداخلة
هل حجزت التذاكر وكم سعرها ؟
حاولت أحجز لي ولزوجي ومعنا طفلين من السعودية الى امريكا ووجدت مبالغة في الأسعار من 32 الف وما فوق
وفكرت في تغيير مسار الرحلة الى أوروبا والتي سبق أن زرتها كثيرا

مرحبا ،، تقريبا مخطط رحلتكم زي رحلتنا ان شاء الله
بالنسبه للكروز فيه من ميامي وفيه من اورلاندو
والشركات اللي تطلع ديزني كروز. رويال كاريبيان ، و كارنفال