مطعم بحر الامارات اللذيذ

هاوية الاسفار · 10-10-2016, 12:46 AM

بسم الله الرحمن الرحيم

صارلنا زمان ما طلعنا من دبي و مثل ما تعودنا يوم الجو يكون حلو يوم الجمعه نتوجه للامارات الشمالية

و هالمرة وجهتنا كانت لرأس الخيمة

و كل مرة يكون الغدا في مطعم مدفون السدة لكن حسيت انه صارلي تشبع من المطعم و قلنا نبغي نجرب

مطعم ثاني و بعد الاتصالات و المشاورات خبرونا عن مطعم بحر الامارات طبعا زوجي مجرب المطعم في دبي

لانه عندهم فروع كثيره منها في امارة الشارقة و عجمان و ام القيوين و طبعا الدليل كان جوجل ماب

المطعم على الشارع الرئيسي و مكانه ما يضيع ابدا وصلنا متأخرين و قعدنا في السياره تقريبا ربع ساعه

عشان نحصل مكان و دخلنا و الكابينه مب جاهزة عطونا المنيو و اخترنا الوجبات

نشوف المنيو و صورته عقب ما دخلنا الكابينه

المقبلات و السلطات

المأكولات البحرية

المطعم يتميز باكلات من بلدان مختلفه

هذا الكباب الايراني

و هذا الهندي

الايمان, فيصل, سوسو الصغيرة و 4 آخرون معجبون بهذا.

هاوية الاسفار · 10-10-2016, 12:58 AM

تابع

الاكل الصيني

ضيافة المطعم

هذا الخبز اللي يسأل عنه الكثير اسمه بَبَد

روب مع الخبز

طلباتنا

شوربة بحريه

ماي دبي

صحن مقبلات مشكلة لذييييييذ

خبز نان مع السلطه ما كنا ندري عنه و طلبنا زيادة

صحن ربيان مشوي

صحن ثاني مشكل

الايمان, فيصل, سوسو الصغيرة و 6 آخرون معجبون بهذا.

هاوية الاسفار · 10-10-2016, 01:17 AM

صحن دجاج تكا

خبز براتا

عصير ليمون بالنعناع و كان طعمه ماي و سكر عصرت عليه ليمون و صار ليمون بالنعناع

و الحمدلله شبعنا و الاكل كان لذيذ و هذا كلة ب 176 درهم فقط يا بلاش

مناديل معطرة و سكر و مكسرات هندية و حلاوة مينو الذ شيء

طلعنا من المطعم و توجهنا الى مسجد الشيخ زايد في راس الخيمة

و شفنا على طريجنا مطعم و مقهى تذكرت اني شايفتنه في الانستقرام

قلنا بنصلي و بنرجع و هذا هو

نشوف المنيو

طلبنا آيس كريم ماغنوم و كوتون كاندي و انا فيني احتقان قلت بطلب شيء دافي

و طلبت كاسترد لوتس لذييييييييييييذ لذاذه

وصل الطلب

و عندهم جلسات خارجية بس الجو ما يساعد

محل الريوق مسكر بس اعتقد يفتح الصبح

و خلصنا جولتنا

المطعم اكله كان لذيذ فعلا و عندكم خيارات في مناطق عديده

سامحوني على حجم الصور من زمان ما كتبت تقرير

و اتريوني في تقرير جديد قريبا

دمتم بحفظ الرحمن

الايمان, أبو مهاب, سوسو الصغيرة و 5 آخرون معجبون بهذا.

الايمان · 10-10-2016, 11:02 AM

بالعافية يا ام علي
انا من عشاق الاكل البحري
الاكل شكله لذيذ جدا واسعاره مناسبة
اما الحلى يشوق خصوصا ايس كريم ماغنوم

هاوية الاسفار, نانا ابو عابد و توبليرون معجبون بهذا.

هاوية الاسفار · 10-10-2016, 01:31 PM

اقتباس : المشاركة الأصلية كتبت بواسطة الايمان

بالعافية يا ام علي
انا من عشاق الاكل البحري
الاكل شكله لذيذ جدا واسعاره مناسبة
اما الحلى يشوق خصوصا ايس كريم ماغنوم

الله يعافيج
عاد انا مالي في البحري و لا اشتهيه
بس الحمدلله بديت اطبخ الربيان حق عيالي و يعجبهم
و الحلو ما عليه كلام
ان شاء الله مره ثانيه بجرب الماغنوم
شكرًا على مرورج الطيب

نانا ابو عابد و توبليرون معجبون بهذا.

فيصل · 10-10-2016, 03:26 PM

بالعافيه
صراحه استغربت الاسعار الشوربه 4 دراهم بس

هاوية الاسفار, سوسو الصغيرة, نانا ابو عابد و 1 آخرون معجبون بهذا.

هاوية الاسفار · 10-10-2016, 08:50 PM

الله يعافيك
و انا استغربت اكثر
خذت المنيو و قعدت اشوف الأسعار و انا مصدومه و أقول الله يستر من الطعم
بس بصراحه لذيذ
تسلم عَل المرور

سوسو الصغيرة, نانا ابو عابد و توبليرون معجبون بهذا.

أبو مهاب · 11-10-2016, 02:46 PM

ما شاء الله تبارك الله

عليكم بالعافية

توقعت بس اكل بحري من اسم المطعم

بس ما شاء الله كل شي متوفر

تقريبا كم المسافة والوقت من دبي؟

ولاحظت انه موجود في دبي والشارقة ولا اللي في راس الخيمة هو الأساسي والباقي فروع

هاوية الاسفار, سوسو الصغيرة, نانا ابو عابد و 1 آخرون معجبون بهذا.

هاوية الاسفار · 11-10-2016, 04:24 PM

اقتباس : المشاركة الأصلية كتبت بواسطة أبو مهاب

ما شاء الله تبارك الله

عليكم بالعافية

توقعت بس اكل بحري من اسم المطعم

بس ما شاء الله كل شي متوفر

تقريبا كم المسافة والوقت من دبي؟

ولاحظت انه موجود في دبي والشارقة ولا اللي في راس الخيمة هو الأساسي والباقي فروع

الله يعافيك
زوجي نفسك كان يعتقد انه بس بحري لهالسبب ما كان يودينا لانه مجرب في دبي آكلات بحريه بس
المسافة من دبي تقريبا ساعه احنا دايما نصلي الظهر في البيت و نطلع لانه يكون يوم الجمعه و الشوارع فاضيه
ما ادري الأساسي وين بس بسأل
تسلم عَل المرور

أبو مهاب, فيصل, نانا ابو عابد و 1 آخرون معجبون بهذا.

سوسو الصغيرة · 12-10-2016, 07:03 AM

ما شاء الله عليكم

من احلى المطاعم , انا جربت اللى في دبي كان حلو

بالعافية عليكم

هاوية الاسفار, نانا ابو عابد و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطعم (صقر )الهندي اللذيذ في جزيرة لنكاوي لا يطوفكم	قصة حب	بوابة ماليزيا	54	19-05-2019 02:57 AM
مطعم canes اللذيذ بالافنيوز - العشق الجديد	قصة حب	بوابة الكويت	19	17-05-2016 01:08 PM
مطعم الدبلومات ... أفخم مطعم في اديس ابابا	آخـــرفـــرصـــة	بوابة اثيوبيا	23	13-05-2015 02:29 AM