السلام عليكم .... اسأل الله ان يكون الجميع في احسن حال.. مااطول عليكم ودي اتوجه لتركيا مع زوجي وطفلة عمرها سنتين و3اشهر الرحلة الغرض منها لاستجمام بعيدا عن الزحمة او التسوق راحة ومناظر خلابة وفي نفس الوقت ماتكون مرهقة او الفنادق مرتفعة وتحتاج طلوع درج كثير وطبعا اهم شئ تكون ميزانية محدودة ومدة الرحلة اسبوع فقط من الخميس 10 نوفمبر 2016 الموافق 10 صفر 1438 الى الجمعه 18 من نفس الشهر حاولت ارتب الرحلة بناء على اقتراحاتكم 2يوم اسطنبول 2طرابزون 2اوزنجول ثم 2اسطنبول من جديد والفنادق لقيت في بوكينج فنادق كثيرة منها في اسطنبول ارمادا اسطنبول اولد سيتي هوتل 4ايام ب1042 ريال.........وفندق مالطا بوسفور باي مولتون هوتيل نفس السعر اقل قليلا
طرابزون يلدز لايف ليلتين ب465ريال وايضا فندق نوفتيل ترابزون 816ريال لليلتين
اوزنجول فندق سويلو 408
اذا فية فنادق افضل ياليت تدلوني وتكون اسعارها اقل يااااليت
بالنسبة للمواصلات خايفة من الترام احسة مرره صعب والسيارة الخاصة قرأت انها ب150 دولار في اليوم وقرأت في منتداكم عن شركة BiTaksi في اسطنبول واخترتها كحل بديل واقل تكلفة
طرابزون واوزنجول قررنا نستأجر سيارة والسؤال كيف نحصل الاحداثيات هل نشتري جهاز لهذا الشئ او ممكن الجوال نجيب شريحة تركية بنت ونعتمد على برنامج قوقل ايرث او ايش الحل
بالنسبة لجوازاتنا منتهية هل يمدينا نستخرجها ونكمل اوراقنا وايش الي حيبقى علينا..
ما اخفيكم الميزانية ضعيفة وانصدمت من التذاكر راح تكلفنا حوالي 6000 ويمكن اكثر هل فيها حل
اذا يكفي نجلس في اسطنبول عشان نخفف المزانية فإش اقتراحاتكم خاصة انا مانحب الزحمة وسبق سافرنا ماليزيا وكانت اكبر غلطة في حياتنا جلستنا في كوالالامبور الناس اذواق
اعتذر عن الاطالة لكن شدني حرصكم لاحرمكم الله فضلة .