اليوم السادس 12-11-2016

بينانغ

اليوم كان يوم خفيف وكل ماله يزيد الكسل عندنا ( المفروض مقللين الايام ببينانغ )

اتفقنا مع تاكسي ( الله يغربله )

على ان 4 ساعات ب100 رينجت

وكان الوضع تمام انه يودينا مصنع الكاكاو والبيت المقلوب والهضبة

ودانا مصنع الكاكاو الاخ وفي جنبه مصنع الاقمشة

واحنا كلش ما ودنا فيهم اصلا بس هو قال لاروحوا حلو والدخول مجاني ، رحنا وماعجبنا شي واساسا متفقين ان نهاية الرحلة بكوالا نشتري هدايا لأهلنا

لا هو زعل ؟ ليش ما تشترون من المحلات .. مثل ماقلت وذكرت ، السواق يستفيدون على كل مكان يودونه لكم يعني يبونك تشتري وهم يستفيدون من المحل

صار بينا شد وجذب قلناله انت اتودي وتجيب ونعطيك حقك ، نشتري ما نشتري مو شغلك وكانت بتصير امور اكبر لولا تدخل خليجيين اللي ازعلوا من محلات الكاكاو واطلعوا تضامنا معانا .. فديربالكم من هالنقطة لان صارت فينا بلنكاوي والحين ببينانغ .. ان بكل مكان تروحون له من محلات ورحلات هو له نسبة لا تحكرون نفسكم عند سايق معين وشوفولكم واحد نظيف لان بهالرحلة انا صادفت السايق الثاني هذا اللي تعامله جذي

ونزلنا بمحطة تكاسي وما اخذ ولا فلس

المهم هاذي صور لمكان الاقمشة والكاكاو جنب بعض ( مالها داعي زيارتها الا للي بيشتري هدايا )
















بعدها رحنا اخذنا تاكسي ثاني للبيت المقلوب ( اليوم كان زحمة حيل نسينا ان اليوم سبت وباجر عندهم عطلة فكان زحمة بشكل كبير )





المكان حلو واول مره ادخله رغم انه موجود ببلدان كثيرة بس عجبني تنظيمه

التذكرة للشخص 27 رينجت





وهاذي صور شخصية لي بالمتحف


]



قالولي لا تقط الطاقية تضبط اكثر عاد ما صدقنا خبر [emoji1321]



بعها رحنا للهضبة وكان مطر قوي وزحمة
فيه تذاكر للماليزيين وغير الماليزيين

وفيه فاست ونورمال خذوا فاست لا تنتظرون اكثر
















اضبطكم اهداءات [emoji12]


الاجواء والمناظر حلوة فوق بس المطر خلانا نستعجل بالردة


وبعدها رحنا فرايديز نتغدا ومكانه جنب مجمع قورني بلازا اللي امس رحتله وتغدينا عالساعة 4ونص جذي





هم ارخص من الكويت ، فرايديز ماليزيا عجبني اكثر من تشيليز مالهم ( المهم السفرة خربت الدايت والله قلبي معورني [emoji174][emoji1321] )

بعدها ردينا الفندق 5 ونص واستمتعنا بالحوض اللي جدام الفندق وبعدها ريحنا وتمشينا تحت بالسوق الليلي

وباجر اخر يوم لنا ببينانغ ( طيارتنا الاثنين لكوالا )

ويعطيكم العافية ع المتابعة [emoji257]




أرسلت بواسطة iPhone بإستخدام Tapatalk

اول رد لي بالموقع

استمتعت جدا بتغطيتك وكاني مسافر معكم

شكرا لك والله يسعدك ويزوجك

ههههههه صور البيت المقلوب أتونس عجيبه [emoji1360][emoji1360]

انا بعرف ليش تتعاملون مع السواق ليش ماتاخذون اي تاكسي وعلى العداد بدال ما كل واحد يبي يودي على مزاجه ؟ غير شغله هذي

انا فيني طبع الديره اللي فيها أسعار مختلفه لدخول مكان مااحبها يعني لما يقولي سعر الماليزي هالكثر وغير الماليزي بصراحه مو حلوه حط متوسط السعر وفك عمرك ماله داعي هالتفرقه ..
حلوه صور الهضبه والإهداء
وبالعافيه وسلملي عالرجيم [emoji23][emoji23]


Sent from my iPhone using Tapatalk

fahad_q8


يوم آخر جميل في العشق الماليزي


التكاسي آفة ماليزيا ..


و الكثير من مكرري السفر إلى ماليزيا بدأوا بإستخدام وسائل نقل اخرى


عن نفسي لنكاوي أستأجر سياره


بينانق باصات رابيد بينانق - اما من والى المطار شركة اوشن جبيتور


كوالالمبور مونوريل


كاميرون تكاسي .. و الغريب في الأمر اكثر السواقين في كاميرون طيبين


ما قد صادفتني اي مشكله معاهم والحمدلله


بالعافيه عليك ..


ما ولهت للعيش وهاي السوالف ؟


ماليزيا تخليك تحرق كل اللي تاكله بالمشي .. يا رجل استمتع و لا تفكر بالسعرات

آخر مواضيع بو عبدالله

- ❖~ |[ منــتـجع ذا تاراس The Taaras - جزيرة ريدانج ]|~❖ - فنــدق ولـو Wolo Bukit Bintang ـ‗_¨°‗۩ - فنــدق سانت ريجـيـس .. St Regis KL ـ‗_¨°‗۩ - ✗ فنـدق جرانـد Ⓗ Ⓨ Ⓐ Ⓣ Ⓣ حيــاة ✗ - ↩ فندق الدانا ♛ - لؤلؤة مضيق ملقه ↪

توقيع : بو عبدالله

*** ** * * ** ***

fahad_q8


اوشن جيبتور للرحلات عندهم ميني باص .. ممتاز إذا كان عددكم من 4 إلى 8 اشخاص مع الشنط


يوفر عليك بدل ما تاخذ 2 تاكسي ..


بالنسبه لك خيار غير جيد




إذا كنت من محبي الاكل البحري و السبايسي


مطعمي المفضل في الباتو فرينجي BBQ


مشكل سي فود



مع صالونه شاناي ماسالا و عيش برياني ساده




وعبيلوو واديلوو هههههه

آخر مواضيع بو عبدالله

- ❖~ |[ منــتـجع ذا تاراس The Taaras - جزيرة ريدانج ]|~❖ - فنــدق ولـو Wolo Bukit Bintang ـ‗_¨°‗۩ - فنــدق سانت ريجـيـس .. St Regis KL ـ‗_¨°‗۩ - ✗ فنـدق جرانـد Ⓗ Ⓨ Ⓐ Ⓣ Ⓣ حيــاة ✗ - ↩ فندق الدانا ♛ - لؤلؤة مضيق ملقه ↪

توقيع : بو عبدالله

*** ** * * ** ***