ماشاء الله عليك حبيبنا ( فهد )

تقرير مباشر استمتعنا معك .. التغيير بالسفر حلو .. وتجربة دول أخرى تعطيك

فرصة أكبر للإطلاع والاستمتاع ..

حركة سواق لنكاوي سيئة .. هناك تطبيقات أوبر وجراب ليتك جربتها إذا كانت تعمل ..

الهوليدي إن سكنته 2012 كان جميل وموقعه مميز .. طبعا بالبرج الخلفي ..

مسألة الحجز المباشر للرحلة أشوفها مغامرة .. أحياناً لاتجد مقاعد ..

دعواتي لك بالتوفيق وترجعون بالسلامة ..

fahad_q8

تقارير يوميه جميله جداً

باص رابيد بينانج ابو طابقين ركبناه و كان جميل و نضييييف توه طالع من الوكاله

لكن كنت مستغرب من السواق في كل لفه يلمس وايرات الكهربا او الاتصالات هههه


هوليداي إن فندقي المفضل في بينانق إذا كانت السفره شبابيه

شو رايك في تشيليز ماليزيا من ناحية الجوده و الطعم و ليس السعر ؟

بإنتظار يومك السادس

آخر مواضيع بو عبدالله

- ❖~ |[ منــتـجع ذا تاراس The Taaras - جزيرة ريدانج ]|~❖ - فنــدق ولـو Wolo Bukit Bintang ـ‗_¨°‗۩ - فنــدق سانت ريجـيـس .. St Regis KL ـ‗_¨°‗۩ - ✗ فنـدق جرانـد Ⓗ Ⓨ Ⓐ Ⓣ Ⓣ حيــاة ✗ - ↩ فندق الدانا ♛ - لؤلؤة مضيق ملقه ↪

توقيع : بو عبدالله

*** ** * * ** ***

اليوم السادس 12-11-2016

بينانغ

اليوم كان يوم خفيف وكل ماله يزيد الكسل عندنا ( المفروض مقللين الايام ببينانغ )

اتفقنا مع تاكسي ( الله يغربله )

على ان 4 ساعات ب100 رينجت

وكان الوضع تمام انه يودينا مصنع الكاكاو والبيت المقلوب والهضبة

ودانا مصنع الكاكاو الاخ وفي جنبه مصنع الاقمشة

واحنا كلش ما ودنا فيهم اصلا بس هو قال لاروحوا حلو والدخول مجاني ، رحنا وماعجبنا شي واساسا متفقين ان نهاية الرحلة بكوالا نشتري هدايا لأهلنا

لا هو زعل ؟ ليش ما تشترون من المحلات .. مثل ماقلت وذكرت ، السواق يستفيدون على كل مكان يودونه لكم يعني يبونك تشتري وهم يستفيدون من المحل

صار بينا شد وجذب قلناله انت اتودي وتجيب ونعطيك حقك ، نشتري ما نشتري مو شغلك وكانت بتصير امور اكبر لولا تدخل خليجيين اللي ازعلوا من محلات الكاكاو واطلعوا تضامنا معانا .. فديربالكم من هالنقطة لان صارت فينا بلنكاوي والحين ببينانغ .. ان بكل مكان تروحون له من محلات ورحلات هو له نسبة لا تحكرون نفسكم عند سايق معين وشوفولكم واحد نظيف لان بهالرحلة انا صادفت السايق الثاني هذا اللي تعامله جذي

ونزلنا بمحطة تكاسي وما اخذ ولا فلس

المهم هاذي صور لمكان الاقمشة والكاكاو جنب بعض ( مالها داعي زيارتها الا للي بيشتري هدايا )
















بعدها رحنا اخذنا تاكسي ثاني للبيت المقلوب ( اليوم كان زحمة حيل نسينا ان اليوم سبت وباجر عندهم عطلة فكان زحمة بشكل كبير )





المكان حلو واول مره ادخله رغم انه موجود ببلدان كثيرة بس عجبني تنظيمه

التذكرة للشخص 27 رينجت





وهاذي صور شخصية لي بالمتحف


]



قالولي لا تقط الطاقية تضبط اكثر عاد ما صدقنا خبر [emoji1321]



بعها رحنا للهضبة وكان مطر قوي وزحمة
فيه تذاكر للماليزيين وغير الماليزيين

وفيه فاست ونورمال خذوا فاست لا تنتظرون اكثر
















اضبطكم اهداءات [emoji12]


الاجواء والمناظر حلوة فوق بس المطر خلانا نستعجل بالردة


وبعدها رحنا فرايديز نتغدا ومكانه جنب مجمع قورني بلازا اللي امس رحتله وتغدينا عالساعة 4ونص جذي





هم ارخص من الكويت ، فرايديز ماليزيا عجبني اكثر من تشيليز مالهم ( المهم السفرة خربت الدايت والله قلبي معورني [emoji174][emoji1321] )

بعدها ردينا الفندق 5 ونص واستمتعنا بالحوض اللي جدام الفندق وبعدها ريحنا وتمشينا تحت بالسوق الليلي

وباجر اخر يوم لنا ببينانغ ( طيارتنا الاثنين لكوالا )

ويعطيكم العافية ع المتابعة [emoji257]




أرسلت بواسطة iPhone بإستخدام Tapatalk