باكورة رحلاتي .. رحلتي الى ماليزيا ( لنكاوي بينانج كوالا ) شهر نوفمبر - الصفحة 12

fahad_q8 · 14-11-2016, 11:45 AM

اقتباس : المشاركة الأصلية كتبت بواسطة Gunner10

الحمدالله على السلامة اخوي فهد

توني شفت التقرير اسمحلي ما ادري والله وانا مو من اهل ماليزيا ما ادخل بوابتهم بس ان شاء الله نغير الفكرة

يعطيك العافيه متابعين معاك

الله يسلمك يالغالي

لا والله انا عاذرك لاني مثلك رحت ديرة وانا مو مُلم فيها

يعافيك ي غالي وشرفتني والله

أرسلت بواسطة iPhone بإستخدام Tapatalk

قصة حب, توبليرون و نانا ابو عابد معجبون بهذا.

قصة حب · 14-11-2016, 12:12 PM

اقتباس : المشاركة الأصلية كتبت بواسطة ابو عمر _ JDH

الله يعطيك العافية ع الجزء الرائع

تبارك الرحمن تصوير وسرد جميل جداً

الجلسات الخارجية في ستار بكس فرع قورني بلازا خيال خصوصاً لو كان الجو غائم مع مطر خفيف ياربااااااااه

حلاوة بينانج في الاجواء الممطره والغائمة

-------------

قصة حب بما إنك زرتي بوكيت وبينانج
ايش الافضل بينهم مع انه كل جزيره لها جوها الخاص
اخخخخخ بس لو يسمحوا للسعوديين للسفر الى تايلند كان ضميتها الى ماليزيا واحلى مافي بوكيت قريبة من بينانج فقط ساعه

حيا الله بو عمر
خبيرنا الكبير وصاحب الأخبار الحلوة دايماً والطازة اللي تبشر بالخير والوناسة في ماليزيا

كل جزيرة غير
احبهم اثنينهم
لكن الحركة والرحلات والوناسة في بوكيت اكثر
والخيارات متعددة

لكن جو بينانغ يناسبي اكثر شوي ابرد من بوكيت
بس بالنسبة للشباب شورت وتي شيرت وامشي
عشان جذيه يحبونها وايد

لو تروح راح تستمتع كثيييييييييير فيها

وكوه سمواي زرتها بعد اتهبل وهادية مال روقان
ورحلاتها اعجبتني وايد كان شي جديد بالنسبة لنا انا وعايلتي
وايد حبيتها

واي سؤال حاضرين نفيدكم ،،،،
ما نبي غير الدعوات الطيبة

تحياتي
قصة حب تايلندية سابقاً ( النك نيم القديم)

A.Alsubhi, fahad_q8, المسافر2020 و 2 آخرون معجبون بهذا.

قصة حب · 14-11-2016, 12:15 PM

اقتباس : المشاركة الأصلية كتبت بواسطة fahad_q8

هو صحيح الباص حلوو شكلا وارخص ماديا
بس يفر فيك فر يدوخك

حلو والله تشيليز ماليزيا لكن فرايديز افضل وراح اتكلم عن التجربة اليوم

منورني ياغالي

أرسلت بواسطة iPhone بإستخدام Tapatalk

حلو هالباص ونيس
جربوه اخواني الشباب مع البنيات الصغار
واااااااايد استانسوا

fahad_q8, توبليرون و نانا ابو عابد معجبون بهذا.

fahad_q8 · 15-11-2016, 06:23 AM

اقتباس : المشاركة الأصلية كتبت بواسطة قصة حب

حلو هالباص ونيس
جربوه اخواني الشباب مع البنيات الصغار
واااااااايد استانسوا

تجربة جديدة وحلوة خصوصا ان بالكويت ما نركب باصات

منورة دايما

أرسلت بواسطة iPhone بإستخدام Tapatalk

توبليرون, قصة حب و نانا ابو عابد معجبون بهذا.

fahad_q8 · 15-11-2016, 06:40 AM

اليوم السابع 13/11
اليوم الثامن 14/11

جمعتهم مع بعض لان باليوم السابع صديق السفرة كان تعبان حرارة شوي

ما ينلام الجو مره مطر مره هوا

فتغيير اجواء الله يبعد المرض عنكم وعن احبابكم

لكن مايمنع من الانشطة اللي امام الفندق هوليدي ان

اخذنا كم شوط بالحوض للغروب تقريبا

وبعدها قعدنا على البحر بوقت الغروب

تمشينا بالسوق الليلي شوي ويوم ردينا الفندق

تبارينا بلياردو مع واحد خليجي

وطبعا فاز علي [emoji1321]

اليوم الثاني 14/11 كانت طيارتنا الساعة 9 و 45 الصبح لكوالالمبور

فقعدنا الصبح الساعة 7
وسويت شيك اوت ، وتوجهنا بعدها بتاكسي الى المطار

وانتظرنا الرحلة بمطار بينانغ

وكانت الرحلة على ماليندو

المسافة تقريبا ساعة من بينانغ لكوالالمبور

وصلنا كوالالمبور بحمد الله على ال10 الا عشر

طبعا غامرنا بالفندق حاجزينه من بينانغ بالبوكينغ شفت اراء الناس عنه وحجزت

وما خاب ظني

الفندق اسمه ميليا كوالالمبور

مكانه قدام التايم سكوير بالضبط

والفندق راقي

وصلنا له وقت التشيك ان

رحنا تمشينا بالتايم شوي

نستكشفه ونستكشف ماحوالين الفندق

كان ورانا شارع العرب

ورحنا مشينا فيه

وشكلنا بنقزرها اسواق على طلبات الاهل اللي بسناب والواتس [emoji3]

تعشينا بمطعم جوني روكتس > بالكويت ما دخلته

بس تجربة ، والمطعم ماعليه زين

قلنا خلاص مافي دايت طوفو [emoji125]

وردينا الفندق على الساعة 7 ونص

من تعب المطار وقعدة الصبح

والسموحة على التأخير والتقصير [emoji257]

أرسلت بواسطة iPhone بإستخدام Tapatalk

yazeedn, المسافر2020, A.Alsubhi و 9 آخرون معجبون بهذا.

المسافر2020 · 15-11-2016, 08:09 AM

ما شاء الله تقرير جميل
مستمرين في المتابعة واصل يا كابتن

توبليرون, نانا ابو عابد و fahad_q8 معجبون بهذا.

q8ya metnaqla · 15-11-2016, 08:36 AM

الحمدلله على السلامه
ماشاءالله خوش فندق بكوالالمبور
ومايشوف شر رفيجك
عاد جوني اهو الوحيد اللي احبه من المطاعم الامريكية في الكويت اللي تقدم البرغر
بالعافيه

Sent from my iPhone using Tapatalk

توبليرون, نانا ابو عابد, fahad_q8 و 1 آخرون معجبون بهذا.

آخر مواضيع q8ya metnaqla

- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو
- مركاز العرب المسافرون 11
- إندونيسيا استفسارات

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

بو عبدالله · 15-11-2016, 09:26 AM

شكل الغرفه جميله

هل الارضيه باركيه ام سجاد ؟ و كم حسبولك الليله لو تكرمت ..

شارع جالان الور .. يكون مفعم بالحياه ليلاً و اكثر زباينه صينيين و اجانب

مشكلته روايح اكلمهم

انا اروحله فقط من اجل راملي برقر

اغلب مطاعم البافيليون ممتازه ... مريت على اغلبهم

اكثر واحد عجبني Quivo

عاد حتى لو بتقضي آخر الايام شوبينق .. لا تحرمنا من كم صوره نكحل فيها عينا

اغلب المولات لديهم بطايق خصم للسايح .. بافيليون - ستي سنتر سوريا

اذهب إلى الاستعلامات في المول مع جوازك .

و لو مشترياتك كثيره استرجع الضرايب كمان

توبليرون, قصة حب, نانا ابو عابد و 2 آخرون معجبون بهذا.

A.Alsubhi · 15-11-2016, 06:56 PM

اقتباس : المشاركة الأصلية كتبت بواسطة بو عبدالله

شكل الغرفه جميله

هل الارضيه باركيه ام سجاد ؟ و كم حسبولك الليله لو تكرمت ..

شارع جالان الور .. يكون مفعم بالحياه ليلاً و اكثر زباينه صينيين و اجانب

مشكلته روايح اكلمهم

انا اروحله فقط من اجل راملي برقر

اغلب مطاعم البافيليون ممتازه ... مريت على اغلبهم

اكثر واحد عجبني Quivo

عاد حتى لو بتقضي آخر الايام شوبينق .. لا تحرمنا من كم صوره نكحل فيها عينا

اغلب المولات لديهم بطايق خصم للسايح .. بافيليون - ستي سنتر سوريا

اذهب إلى الاستعلامات في المول مع جوازك .

و لو مشترياتك كثيره استرجع الضرايب كمان

الله يسامحك يابوعبدالله شهيتني بالبرجر ودي الان ادق التذكره واتذوق طعم البرجر المجنونة وكثررررر شطه ياويل حالي

أبو سعد, بو عبدالله, توبليرون و 4 آخرون معجبون بهذا.

توبليرون · 15-11-2016, 08:56 PM

اقتباس : المشاركة الأصلية كتبت بواسطة fahad_q8

اي لازم ادري بالتعليقات افا عليج

لا بالعكس انا حبيتها

اهني المطر عندهم زي السلام عليكم

ماشالله

اللهم امين

ونورتي

أرسلت بواسطة iPhone بإستخدام Tapatalk

ان شاءالله دوم مطرة وسقيا خير

بس الظاهر ناسي توسونامي
احنا مرة حاشتنا عاصفة رعدية بتركيا والله ستر علينا
يعطيك العافية
الحين بتابع الباجي

قصة حب, نانا ابو عابد, fahad_q8 و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ اسيا ] رحلتي المميزة إلى دولة ماليزيا ( كوالالمبور - لنكاوي - بياننيج - كوالا لمبور	alsubaei55	بوابة ماليزيا	189	02-06-2019 08:01 AM
استفسار شهر عسل اقتصادي كوالا لامبور و بينانج	Khaled_gti	ماليزيا	12	06-08-2016 12:12 AM
التنقل من سيلانجور إلى بينانج ومن بينانج إلى كوالا	sami1983	ماليزيا	5	02-02-2016 04:49 PM