توجهنا بعد للتلفريك بس لازم قبلها يصير موقف يضيق الخلق ( عن نفسي عادي كنت مستمتع بالجو لان مطرت علينا حيل بس اللي معاي نار وشرار اعصابه اتلفت )
المهم ان السايق اللي مدحته لكم غريب ، ما اخذ فلوسه مع ان فرينا معاه ساعة تقريبا وبوقت ما احنا برحلة المانغروف
الرجال راح ونتصل عليه ولا 10 مرات ما يرد .. بكيفه والحمدلله مو حاطين شي بالسيارة
المطر كان شغال وانتظرنا ساعة ونص ندور تكسي وصعب حيل تحصل تكسي لان كل اللي موجودين منتظرين الناس اللي ودوهم مو نفس صاحبنا اللي مادري غريب جدا
واضح اني مستمتع بالمطر





جانا تكسي وودانا للتلفريك والتلفريك بعيد شوي يعني ما كان في مطر

تذكرة التلفريك 45 رينجت للشخص ( شاملة مع عرض 3 دي )
انا عن نفسي استمتعت حيل بالتلفريك
وصورت اكثر من صورة
هذا المكان قبل لا تحجز



وهذي سينما لعرض ال3 دي


وبعدها صور للتلفريك ومكانه
كل ما نرتفع شوي اصور
اللي معاي مرتعب طبعا بس انا متعود عليه بتركيا











وبعدها وصلنا للجسر > شي خيال المنظر فوق



تذكرة الجسر 15 رينجت للشخص
هذا ما ادري شلون يقعد ع الجام ( زجاج بنص الجسر )
قلبه جامد لان لو طالعت تحت بتدوخ



وكان فيه 2 معاريس
مادري هل هم صج معاريس او حركة سياحية عشان تصور معاهم لان في مصورين معاهم
بس والله فاضين بصراحة


وكان فيه مكان تحط فيه اقفال على قلب الحب وشوف عيني لقيت خليجي حاط اسمه و15 قفل بأسماء بنات مختلفين [emoji125] لا لا دعابة اضحك

نزلنا بعد لتكسي ودانا الفندق قبل الفندق قالوا فيه محل دهن عود وبخور للعرب (واضح ان سواق التكاسي لهم نسبة من كل واحد يجيبونه للمحل او الرحلات لان التسويق عندهم مو طبيعي ) ما اخذنا لكن عجبني شي بالمحل قلت بوريكم اياه




تكتب اسمك واسم اللي معاك على عملة ديرتك واتعلقها


اعجبتني وكنت بروح الكويت اتزوج وارد بس عشان اسويها لاني تحمست والله بصراحة
لاحظو دينار كويتي مع اسم فهد مصوره مخصوص

المهم الله يخيهم لبعض ويديم حب الاشخاص اللي بالصور

صورت صور مختلفة بهالجسر والمانغروف واللي كانت
شخصية لي اكثر
فسامحوني على كثرتها او اذا كررت صورة
ونلتقي غدا برحلة جديدة ما ندري وين بصراحة



أرسلت بواسطة iPhone بإستخدام Tapatalk

حلو أنكم قعدتوا بدري عشان تستمتعون باليوم كامل
بس الفطور لابد منه لأنه أهم وجبة باليوم
غريب تصرف السواق يمكن لقي مشوار أحسن
وهذي عاداتهم بس زين تصرفتوا
الهندي اللي قاعد على القزاز قلبه بارد و لاهمه شي خخخخخخ

اما العرسان مثلك أشك انها حركة عشان الواحد يتصور معهم بفلوس
ذكريات عامرة بكل العملات حركة حلوة

ماشاءالله اجواء التلفريك والجسر طبعا احلى من المانغروف
والا الخفافيش اسمهم يخرع اشلون تروحون لهم

اما اللي قاعد على الزجاج واللي معاه مسكينه متعافيه بعد ماشاءالله
وقاعدين مستانسين ههههه الله يحفظهم
اكيد الزجاج سماكته كبيره مو اي كلام

اما السواق ياريتك ما مدحته هههه
المهم متابعين معاك ورحلة اليوم بس ريح شوي قبل لا تروحون

المانغروف الكل يستمتع فيها
أنتم الاثنين بـ 450
أفا يالسواق ليش هالتصرف بدر منه
التلفريك أجوائه روعه

المانغروف حلوه جدا
الجسر و التلفريك في وقت المطر الخفيف لهم لذه ثانيه

مستمتعين معاك

عجيبه المناظر من التلفريك
تمام ناطرين رحلة اليوم ان شاءالله


Sent from my iPhone using Tapatalk

يا زين رحلة المنغروف زيناه
أحلى رحلة بلنكاوي
بس السعر غالي لكم الأثنين بـ 450


اذكر احنا اخذناها بـ 250 او 300
حجزنا من المطار من احد المكاتب اللي بالصاله


السايق خخخخ نذل أكيد لقى له توصيله تربحه دبلات عن اللي بتدفعونه
يالله خيره ما تدري يمكن الله دفع عنكم شي موزين
كل شي مقدر ومكتوب




اما كهف التماسيح
تراااااااااا كل سفرة 3 مرات نسأل اكو تماسيح يقولون ( لا ) مجرد اسم
كان فيه تماسيح


اما الخفافيش ترا ما يخوفون بس ينبهون عليكم ما اتسلطون الضوء او الليت عليهم
بس احسن لك ما دخلت ريحة الكهف خايسة ورطبة
والسقف متعرج وواطي يقهرررررررررر
لازم تنزل ظهرك عشان تطوف في بعض الأماكن


يا حلو الهنود
امبسطين ولا هامهم
عايشين الأجواء الرومانسية
طبعا السيفتي فوق عالي جدا عشان ضغط الجو
فالزجاج اكيد شي عليه القيمة مو أي كلام




على فكرة ريوق الفندق لذيذ
بس اكيد حجزكم بدون الريوق
طافك الجباتي ايهبل

آخر مواضيع قصة حب

- شاركوني باختيار فنادق جديدة - ملكة السفرات العائلية في رحلتها الرابعة الى ماليزيا 2016 - برنامج تاباتوك - فندق هوليدي ان بينانغ - عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم أنت لك بصمة ، عش بما يرضي ربك ، ثم يرضيك ويرضى طموحك

---

التعديل الأخير تم بواسطة قصة حب ; 09-11-2016 الساعة 10:22 AM