وهانحن نعيش مغامره جديده فى بلاد الماليزين .
استمتعنا معك وبنتظار بقيه الرحله

صموته .

ماشاء الله تبارك الله , صور جميله جداً
ان شاء الله تنبسطوا كمان وكمان
بإنتظار جزء لؤلؤة الشرق

بسم الله الرحمن الرحيم

اليوم الرابع / 10 نوفمبر 2016


اليوم توكلنا على الله من لنكاوي على اسيا اير وسوينا شيك اوت من فندقنا
الفندق حلو وتعامل طيب من الرسبشن

يعني انصح فيه





ولازم وداعية للنكاوي الجميلة من سناب

بعدها توجهنا للمطار وكان المطار مافيه زحمه وخفيف

اخذو منا وزن زايد فوق ال150 رينجت ، يسمحون لأكثر من 7 كيلو بس

عموما ماتفرق قرصة اذن وتعلمنا

تريقنا ستار بوكس المطار



وقت طيارتنا 9.55













وصلنا بينانغ بحمد الله بعد نص ساعة طيران ، ما فضلنا الفيري عشان الوقت والامان

بينانغ اكثر حياة وازعاج من لنكاوي

واضح انها بتكون اونس بعد

اخذنا باص مو تاكسي من المطار للفندق هوليدي ان

الباص صج يطول بس فرق كبير

يعني الشخص 2 رينجت

اما التاكسي كله 60 رينجت وفوق

وهاذي صورة من الباص




وصلنا فندقنا بعد ساعة ونص بالباص ( الوقت الاصلي حسب قوقل ماب 55 دقيقة )

غرفتنا كانت من الصوب اللي على البحر ، بس مو مطلة على البحر ، مطلة على الجبل واخذوا منا 400 رينجت تأمين راح تسترجع لنا

عادي ؟؟





رقم الغرفة



بعد الراحة نزلنا للجت سكي تقريبا كانت الساعة 2 الظهر





جدام الفندق فيه كل شي باراشوتات وجت سكي بس حسيناه غالي النص ساعة ب190 رينجت

فرحنا مكان ثاني قريب من الفندق

النص ساعة ب140 وركبنا .. اول مرة اركب جت والحمدلله عدت ع خير

وبعدها رحنا ودينا ملابسنا المصبغة

مو مالت الفندق لا وحدة جدام الفندق اوفر بووووواجد

يعني ملابسنا من اول يوم لي هاليوم كثير كانت ..يحسبون عالكيلو فملابسنا كانت 2 كيلو ونص

12 رينجت

ي بلاش

وتمشينا للمطعم ( ماحبينا نجرب فرحنا ماكدونالدز قريب من الفندق

سعره عادي ارخص شوي من عندنا





نزلنا البحر وكانت الساعة 5

شي خيال الجو كانت فيه غيمة جايتنا ومبين ان فيها مطر قوي

الكل دش داخل ما عدا الخليجيين ( متشفقين )







شوفوا الغيمة مبينة






بعد ما اشتد المطر والهوا والبراد

دخلنا اللوبي نستمتع بهالاجواء ( هم مافي احد يصور بس الخليجيين ميتين ع المطر واحنا منهم ، الفندق ماشالله اغلبه سعوديين )



بعد هدوء المطر تمشينا بالسوق الليلي

اللي راح سوق الجمعة بالكويت اول .. هذا نفسه

ويبطل باليل بعد ال7



وقعدت بلوبي الفندق وكن فيه مطرية تغني .. صوتها حلو بس مادري شقالت ما كنت صوبها ( ع اساس لو كنت صوبها راح افهم )



ورديت الفندق على ال9 ونص ونمت وقعدت الحين الساعة 5 ونص الفجر اكتب التقرير

همسة : والله كتبت التقرير الساعة 11 بتوقيتنا

وانا اكتبه نمت على التلفون ( واضح التعب ) فرق 5 ساعات بين الكويت. والسعودية معانا

باجر نكمل يوم جديد بإذن الله


أرسلت بواسطة iPhone بإستخدام Tapatalk

ماشاءالله تبارك جزء رائع في المعشوقه لؤلؤة الشرق... لاتفوتك هضبة بينانج اذهب اليها والجو غائم ولا اوصيك بستار بكس القريب من الهوليدي

الحمدلله على السلامه
هذي بينانغ چنها بوكت حسيتها
ليش ماجربتوا مطاعمهم شكلهم سي فود ؟
الأنشطة المائية ممتازه [emoji1360]
فعلا من كثر من احنا متشفقين عالمطر ما يهمنا
الله يرزقنا



Sent from my iPhone using Tapatalk