نصيحة لا تكلمين احد ولا تحجزين من الفنادق السواقين هناك على قفى من يشيل متوفرين بكثرة من مطار كوالا الى اي فندق مكتب تكسي المطار بعد استلام الشنط تحصلي مكتبهم على طول وسعرهم معقول جداً وفي داخل كوالا و بينانغ تطبيق اوبر و تطبيق قراب ممتازين مره اما الجولات السياحية بينانغ و لنكاوي سواقين بالساعة تحصلينهم قدام الفنادق الايجار بالساعة وتكلف الساعة من 25 - 30 رنجيت اما مطار لنكاوي او متطلعي من الصالة تحصلي عدد كبير من السائقين يعروض عليك خدماتهم لذلك ما فيه اي داعي للحجز والارتباط مع احد

في لنكاوي وبينانغ تحصلينهم قدام الفنادق بكثرة او من الشارع توقفي اي تكسي تقولي له ابغى جوله راح يقول لك السعر كذا والاسعار كما ذكرت لك سابقاً من 25 - 30 رنجيت للساعة اما في كوالا الافضل هو اوبر او قراب

ماليزيا كلها امان بس انت استخدم السواق سواق فقط متى ما تغيرت هذه المعادلة راح يسمسر عليك يعني البعض يقول للسائق وديني احسن سوق او احسن معطم او يشاورة في الجدول السياحي كذا السواق يسوي دعاية للمحلات اللي تدفع له عموله وتحسبها عليك انت لذلك رتب جدولك والسوق وظيفته يوصلك فقط

اوبر كويس في ماليزيا بس ما ينفع لزيارة الاماكن السياحية يكلف عليك كثير الافضل هو سائق بالساعة واسعارهم تترواح بين 25 - 30 رنجيت في الساعة اما في المشواير الاخرى اوبر ممتاز كذلك قراب ايضا ممتاز