شهر العسل في اندونيسيا

بدوي راقي · 16-02-2015, 05:05 PM

السلام عليكم يالربع
طبعا هذي اول مشاركة لي في هالمنتدى الطيب
مثل ماهو واضح في العنوان أنا ان شاءالله نويت اسافر مع زوجتي لقضاء شهر العسل في اندونيسيا في شهر 5 ان شاءالله اول شي بغيت اعرفه هو كيف الجو شهر 5 ؟؟
السفر بيكون تاريخ 3-5 والرجعة 14-5
بغيت أزور بونشاك وباندونق وبالي وجاكرتا فقط ايام السفر وهذي اول مره اسافر لإندونيسيا
فياليت توزيع الأيام مع جدول الأماكن اللي ممكن أزورها والفنادق والطيران ايهم أفضل علما باني من دولة الإمارات الحبيبه وجزاكم الله خير
وكم بتكون التكلفة الإجمالية تقريبا لهذي الأيام؟!
وهل تنصحوني احجز كل شي بروحي ولا من مكتب حجوزات والتنسيق هذي اول مره لي
أتمنى ماتبخلون على اخوكم

طارق · 16-02-2015, 06:05 PM

وعليكم السلام ورحمة الله وبركاته
الف مبروك الزواج وربي يجمع بينكم بخير
شهر خمسة الامطار تقل فيه ودرجة الحرارة ثابتة ومعتدلة طوال العالم والله اعلم
سفرك بيكون يوم ٣ والوصول يوم ٤ اذا لم اكن غلطان
والعودة يوم ١٤
مجموع الايام ١٠ ايام وهي ما تكفي لزيارة الاماكن اللي انت ذكرتها
لو تزيد المدة الى ١٤ يوم او تحذف احد المدن من الزيارة مثل باندونق
التكلفة الاجمالية يحددها عدد الايام ومستوى السكن وبالعادة تكون بين ٨٠٠ الى ١٢٠٠ ريال لليوم شاملة لكل شيء من سكن واكل وشرب وسائق خاص ودخول الاماكن السياحية
وممكن في بعض الايام تصرف اقل ...
من الامارات خيارات الطيران كثيرة اختر منها الطيران المباشر لجاكرتا بدون ترانزيت
الافضل انك تحجز كل شبء عن طريق الانترنت وتريح راسك
الفنادق عندك موقع بوكنق او اقودا
الطيران الداخلي عن طريق طيران اير اسيا او الجارودا
واي استفسارات الجميع يسعده خدمتك

بدوي راقي · 16-02-2015, 08:17 PM

مشكور ياخوي طارق
خلاص ان شاءالله بحذف منطقه بإندونق من الرحلة
ممكن ترتبلي الجدول حق باقي المناطق توزيع الأيام كيف بيكون!؟ وشو الفنادق المرشحة لكل منطقة
وبخصوص السواقين هناك حد عنده رقم سواق أمين ويعرف عربي!؟

طارق · 16-02-2015, 08:30 PM

الاماكن السياحية ما يحتاج لها حجز من الان
لما توصل بالسلامة تختار المناسب لك من هناك
بخصوص الالعاب البحرية والنشاطات في جزيرة بالي احجزها من المكاتب المنتشرة في كوتا وكاسرهم بالسعر
التوزيع كالتالي
جاكرتا يوم للراحة من تاريخ ٤ الى ٥
الجبل ٤ ايام من تاريخ ٥ الى ٩
التوجه من الجبل الى جاكرتا للذهاب الى جزيرة بالي ويفضل تحجز على الرحلات الصباحية
بالي ٤ ايام من تاريخ ٩ الى ١٣
جاكرتا يوم من تا يخ ١٣ الى ١٤
الفنادق
جاكرتا فندق بلومان او فندق جروف
الجبل فندق سيروني او فندق هاريس الجديد ( للأسف الاثنين ليس لهم حجز عن طريق الانترنت ) ولكن تقدر تخلي سواق من اهل الجبل يحجزها لك وتحول له الفلوس او تحجز انت اول ما توصل جاكرتا من مكتب كاها
بالي فندق بنتانق الاقتصادي
وهذا تقرير عنه
http://www.arabtrvl.com/vb/t2056.html
واذا حبيت تسكن في فلل عندك فلل بلي بلي
Booking.com: ظپظٹظ„ط§طھ ظˆط³ط¨ط§ ط°ظ‡ ط¨ظ„ظٹ ط¨ظ„ظٹ - ط³ظ…ظٹظ†ظٹط§ظƒ, ط§ظ†ط¯ظˆظ†ظٹط³ظٹط§

بدوي راقي · 16-02-2015, 08:56 PM

وبخصوص الطيران أفكر نحجز على طيران القطريه شو رأيكم فيه؟!

بدوي راقي · 16-02-2015, 08:59 PM

مشكور ياخوي طارق ان شاءالله بعتمد هالتوزيع
بس بخصوص السواق لو خليته يحجزلي كيف!؟ من وين اجيب السائق
هل تعرف احد منهم مضمون!؟
واحتاج طيران داخلي بعد ولا؟
والسموحه بغثك ب أسئلتي

طارق · 16-02-2015, 09:45 PM

طيران القطرية ممتاز بس لو تدور على الاماراتية او الاتحاد افضل لان ما فيه ترانزيت وبيكون السفر مباشرة
طيران داخلي بتحتاجمن جاكرتا الى بالي والعكس
هذا سواق من الجبل كلمه وشف وش عنده والثقة بالله اولاً واخيراً ولا تحول له شيء ...
يوسف
006281911742888

سلطان500 · 17-02-2015, 07:58 AM

وعليكم السلام ورحمة الله وبركاته

اخوي طارق ماقصر وبيض الله وجهه وانا ايضا افضل انك تحجز على الخطوط الاماراتيه او خطوط الاتحاد واضيف على اخوي طارق اذا ميزانيتك حلوه تخلي الذهاب إلى جاكرتا والعوده من بالي مباشرة يعني مايحتاج ترجع لبالي ويكون الترتيب كالتالي

الوصول
جاكرتا يوم
الجبل اربع ايام
بالي خمسة ايام

وبكذا بتختصر عليك الوقت

بدوي راقي · 17-02-2015, 08:23 AM

مشكور اخوي طارق على المعلومات
واخوي سلطان حلوه فكرتك ان شاءالله بسويهاا ليش لا

ممكن تخبروني شو الاماكن اللي تنصحوني ازورها في منطقة الجبل وبالي؟؟!

وبغيت ترشحون لي في بالي منتجعات فيها مسبح خاص وخصوصيه لو سمحتوا

mohamed_abdullh · 17-02-2015, 08:30 AM

ما عندي إضافه ما قصروا الأخوان بارك الله فيهم مبدعين

لكن حبيت أبارك لك .. بارك الله لكما و بارك عليكما و جمع بينكما في خير
أتمنى لك شهر عسل أحلى من العسل .. و عودة حميده

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كرت الدخول الى اندونيسيا مترجم	ام عزيـــز	بوابة اندونيسيا	23	30-08-2019 06:18 PM
مقارنة بين ماليزيا و اندونيسيا	ali-333	بوابة اندونيسيا	28	02-07-2015 06:15 AM
شهر العسل في اندونيسيا	علاء الغامدي	بوابة اندونيسيا	2	10-06-2015 02:27 PM
3 شباب ناويين على اندونيسيا	the patriot	بوابة اندونيسيا	10	27-05-2015 02:54 AM
رحله الى اندونيسيا	ealmatery	بوابة اندونيسيا	10	09-02-2015 01:26 AM