تجربتي مع الفيزا البريطانية ..

HASSAN · 16-02-2015, 06:28 PM

السلام عليكم ورحمه الله وبركاته ..

عساكم بخير يالربع ..

أولاً أحب أشكر (آخر فرصة) على مواضيعه المفيدة والي مالنا غنى عنها بصراحة ..

اتبعت الخطوات في الموضوع المثبت بالصور عن تعبئة الأبلكيشن والدفع عن طريق الفيزا ..

تقريبا 530 ريال من وجهه نظري اشوف انها غالية جداً لمده 6 شهور فقط ياليت يراجعون اسعارهم على الأقل مثل أمريكا ارخص ومدة 5 سنوات ..

ومره طلعت شنجن ب 300 ريال سنة ..

واخترت موعد عادي للعائلة .كان 8 فبراير الساعه 10 صباحا كان بـ الخبر مكتب الموحد مقابل بنك ساب _ قريب من ملعب الراكه ..

رحت مع زوجتي ودخلنا لمكتب الأستقبال أخذ صوره وحده وعبى بيانات واعطانا أوراق وقال نروح للكاونتر 3 لـ مكان المخصص للعوائل .. ومافي أحد كان فاضي .. خلصنا أمورنا وطلبت منا صوره وباقي الأوراق كشف حساب في البنك مع الأبلكيشن وأخذنا 10 دقايق وتم التوقيع ودفع مبلغ 15 ريال لـ إرسال رساله على الجوال ..

بعدها نروح للتبصيم انتظرنا كان في امامنا شخص .. وكل شخص يدخل بروحه مايصير تدخل مع زوجتك أو شي >هذا كلام الموظفه ..!

دقائق قليلة وخلصنا تبصيم والموظف أخذ صورة مع البصمات (ماكنت أدري ان هذي الصورة راح تصير بالفيزا) ..! ياخي اعظم من الصورة الموجودة في بطاقة الأحوال ..

التقديم مع كامل الأجراءات أخذت تقريباً نص ساعة أو أقل .. في نفس اليوم العصر ارسلو على الإيميل انه تم ارسالها إلى الرياض ..وبعدها ب 3 أيام تاريخ 11 فبراير ارسلو على الإيميل انه تم الأنتهاء من الفيزا ..! ماشاء الله سريعين ..

وبعد يومين أخرى أو 3 ارسلو على الجوال انه وصلت الجوازات وكان مسكرين طبعا الجمعة والسبت فـ رحنا الأحد تاريخ 15 فبراير .. يعني كل القصه من تاريخ التقدييم إلى تاريخ الأستلام 8 أيام بالتمام والحمد لله ..

لكن فيه ملاحظه ان تاريخ بدايه الفيزا مختلف عن يوم تاريخ السفر كنت كاتب 26 فبراير والفيزا انتهت 11 فبراير فـ حطو تاريخ 11 ..!

الأجراءات سهله ومافيه شي يوتر لاتخافون بس الأبلكيشن ممل لأنه طويل واسئله مالها داعي ..

وحاول ان تقدم على الفيزا بـ وقت مافيه أجازه انا سألت الموظفه كم وتطلع الفيزا قالت اسبوعين !

بس يبون ياخذون فلوس استغلال في كل شي عشان تاخذ مستعجل وتدفع زيادة..

وعرضت علينا كتيب مع تذاكر لو حابين نشتري عاملين خصم بس ماشريت ولا حتى شفت وش مكتوب ..

تحياتي ..

tab_el · 16-02-2015, 06:55 PM

أي طريقة تسمح لهم ياخذون من العميل فلوس ما راح يقصرون

ومثل ما تفضلت الإجراءات جداً سهلة ولا تحتاج مكاتب وسيطة

اشكرك على طرح تجربتك

رحلة سعيدة ..

dalia2001 · 17-02-2015, 05:18 PM

رحلة سعيده ان شا الله
هل ضروري حضور المسافرين كلهم للبصمه ؟ والا يكفي رب الاسره ؟

آخـــرفـــرصـــة · 17-02-2015, 09:49 PM

و عليكم السلام

ما سوينا الا الواجب

التقديم سهل مثل ما تفضلت و لا داع للمستعجل في غير أوقات الصيف

بالفعل أسعارهم زايدة لكنهم أسهل و أسرع من غيرهم
و هذا راجع لتحديدهم لمهام المكتب الموحد و أتممة التقديم و الدفع

شكراً لذوقك

PjlgcJl · 17-02-2015, 10:33 PM

اقتباس:
المشاركة الأصلية كتبت بواسطة dalia2001

رحلة سعيده ان شا الله
هل ضروري حضور المسافرين كلهم للبصمه ؟ والا يكفي رب الاسره ؟
[OVERLINE]
أختي لازم الحضور شخصيا فوق السن خمس سنوات للتبصيم

[/OVERLINE]

|القحطاني| · 17-02-2015, 10:58 PM

مشكور

والله يعطيك العافية

الغردقاوي · 17-02-2015, 11:54 PM

تسلم أخ حسن على ذكر تجربتك المفيده
يعطيك العافيه

HASSAN · 18-02-2015, 12:26 PM

اقتباس : المشاركة الأصلية كتبت بواسطة tab_el

أي طريقة تسمح لهم ياخذون من العميل فلوس ما راح يقصرون

ومثل ما تفضلت الإجراءات جداً سهلة ولا تحتاج مكاتب وسيطة

اشكرك على طرح تجربتك

رحلة سعيدة ..

صح لسانك شكراً لك ..

اقتباس : المشاركة الأصلية كتبت بواسطة dalia2001

رحلة سعيده ان شا الله
هل ضروري حضور المسافرين كلهم للبصمه ؟ والا يكفي رب الاسره ؟

نعم كما ذكر الأخ يلزم حضور جميع المتقدمين ..

QUOTE=آخـــرفـــرصـــة;44728]و عليكم السلام

ما سوينا الا الواجب

التقديم سهل مثل ما تفضلت و لا داع للمستعجل في غير أوقات الصيف

بالفعل أسعارهم زايدة لكنهم أسهل و أسرع من غيرهم
و هذا راجع لتحديدهم لمهام المكتب الموحد و أتممة التقديم و الدفع

شكراً لذوقك[/QUOTE]

شاكراً لك مديرنا ..

اقتباس : المشاركة الأصلية كتبت بواسطة |القحطاني|

مشكور

والله يعطيك العافية

العفو وربي يعافيك ..

اقتباس : المشاركة الأصلية كتبت بواسطة الغردقاوي

تسلم أخ حسن على ذكر تجربتك المفيده
يعطيك العافيه

الله يسلمك ياباشا وربي يعافيك ..

فيصل · 19-02-2015, 10:05 AM

كل الشكر لك علي ذكر تجربتك

ashoooqth · 21-02-2015, 11:46 AM

شكراً على ذكر تجربتك

معليش انا ماقد سافرت بفيزا لذلك عندي استفسار ..
مافي طريقه أخرى للإستلام غير من الجوازات؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربتى مع الفيزا البريطانية والتى لم تنتهى بعد.	سامح سياحة	فيزا بريطانيا	34	02-12-2021 10:50 PM
تجربتي مع الفيزا البريطانية	PrinceOfPersia	فيزا بريطانيا	20	21-06-2017 11:33 PM
ملتقى المتقدمين على الفيزا البريطانية 2015	آخـــرفـــرصـــة	فيزا بريطانيا	216	05-03-2016 02:20 AM
تجربتي في الفيزا الألمانية ..	tab_el	فيزا	34	23-04-2015 09:04 AM
الفيزا البريطانية \| ساعدوني أهل الشرقية	Ashwaq	فيزا بريطانيا	8	06-03-2015 01:19 AM