27-02-2017, 10:06 PM
|
#1100 |
مسافر فعّال
تاريخ التسجيل : Mar 2015 رقم العضوية : 2751 الجنس : انثى المشاركات : 941
| أوسـمـة: ملاك |
كل الاوسمة:1 (more»)
| | 
 |
الذوق من اسمك ياملاك
ولا يهمك ما دام احنا جداوية وشرقاوية ابشري بشوية رحمة
شكرًا يابلديات على قولة (دينا)
1- سبب اختيارك لاسم ملاك
ملاك اسم غالي على قلبي وهو اسم بنتي وسبب الإختيار مو بس لأنة اسمها لأن تعبنا حتى قدرنا نسميها ملاك
زي ماتعرف هذا الاسم ممنوع عندنا وكانت الأحوال رافضة الإسم وانا ماكنت مقتنعة بسبب المنع رفضت أغير اسمهاالين ماقربت تكمل سنة من عمرها طبعا وقتها الكل كان ينتقدنا وكيف ومايصير خلاص غيري الأسماء كثير بدل ملاك خليها ملك وانا مصممة على الإسم والحمدلله في النهاية وبعد عدة واسطات قدرنا نسميها ملاك بالرغم إني ماحب حكاية الواسطات هذة لكن ماتركولنا خيار اخر
2- من كم سنة وانتي في الشرقية، وهل لك حنين لجدة
من عمر زواجي 12 سنة
أكيييييييييييد جدة فيها أهلي وأقاربي وصديقاتي
من أول ماأكون فوق سماء جدة القلب يرفر والعيون تدمع
3- ايش مستواكي التعليمي وفين درستي الروضة والتمهيدي و الابتدائية والمتوسط والثانوية ووووو
بكالوريوس
مافي روضة ولا تمهيدي ابتدائي على طول
4- مين من معلماتك لسة في ذاكرتك وليش
كل المعلمات الشريرات حسبي الله عليهم 😭
5- كنتي ملاك في طفولتك ولا عفريتة 
من يومي ملاك 😊
6- ما شاء الله لك سفرات طويلة (هونغ كونغ - نيوزيلاندا - كوريا) كيف تتغلبي على تعب الرحلة ، خصوصا معاكي أطفال الله يحفظهم
لأَنِّي ماسافر مع أطفال أقل من سنتين
وهذا كان من ضمن الأسباب اللي خلتني أمتنع عن السفر مدة 4 سنوات ماقدر أتحمل صياح وواع ويع السفر على قد جماله لكن متعب والطفل راح يتعب ويتعبنا معاه وراح تنحسب علينا سفرة
3سنوات عمر كويس الطفل يبدئ يدرك ويستمتع والأهل يستمتعون وتصير الحياة حلوة
وفي الطيارة أشغلهم بالآي باد دفتر تلوين والبرامج اللي في الطيارة
7- اشوف اوروبا بعيدة عن مخططاتك ، ايش السبب
أيام المنتدى القديم كنت جدا متحمسة لإوربا وقرأت كثير تقارير وسجلت المعلومات ووضعت المخططات وكنت حابة ابتدئ (بالمانيا) وفي النهاية و بعد كل هذا التعب بقدرة قادر تتحول رحلتنا لمكان ثاني وصلت لمرحلة فقدت إهتمامي بأوروبا
وصارت تشدني الدول المعروفة سياحيا لكن قليلة من العرب
وان شاء الله راح يجي اليوم اللي أزور فيها أوروبا
8- كيف تختاري وجهة سفرك وايش اهم شي تهتمي في في السكن
زي ماذكرت فوق👆🏼 أبحث عن الدول المعروفة سياحيا لكن بعيدة عن إهتمامات السايح العربي وطبعا حط كدا خط تحت المعروفة سياحيا
أهتم بالموقع خصوصا اذا من مافي سيارة وطبعا مهم التقييم ويفضل التقييم يكون من عرب علشان الأجانب لهم معاير تختلف عننا
9- تعلمتي طبخ الأكلات الشرقاوية ولا لسة، واذ ايوة ايش أحسن شي تطبيخنه
لا ماتعلمتي وماعندي نيه 😣
10- كم مرة تروحي البحرين في الشهر
اخر مرة زرت البحرين قبل 3 شهور لأَنِّي ماحب زحمة الجسر
11- من وجهة نظرك ايش العادات السيئة للخليجين في السفر
الهيااااااااااااط طبعا من البعض
12- ملاك من اصحاب المقالب والمزح ولا لا، واذا ايوة ايش المقلب اللي سويتيه وايش اللي تسوى فيكي
على حسب المزاج 😌
أسوي مقالب خفيفة بسيطة أفتكر مرة سويت على الغداء فاصوليا خضرة وحطيت معاه كم قرن فلفل أخضر صغير هذا التايلندي وطبعا صار مافي فرق بين الأثنين وأقدمه لي زوجي طبعا هو كان شاكك في الموضع لكن أنا أقنعته انها فاصوليا خضرة 😂
يعني حاجات بسيطة زي كدا
أنا أسوي مقالب لكن مايتسوى فيني😎
13- هل قابلتي احد من أعضاء المنتدى بشكل شخصي واذا نعم مين وفين واذا لا مين تتمني تقابليه وليش
لا للأسف ماقبلت أحد
أتمنى أقابل ام حسين -الإيمان -طوق-نانا -دينا
لأن في أشياء مشتركة بيننا
14- الغردقاوي طلب منك يجي السعودية على كفالتك ايش رأيك
أكفلة بس يفكني من أسئلته
15- ابو راكان جايب وانيت من مزرعته بس البضاعة ما تنباع ولا في سوق الكرنتينا تشتري منه وتجامليه ولا تبلغي البلدية وحماية المستهلك
ابو راكان انت عزيز وغالي لكن مزرعتكم ماتطلع إلا بقدونس وخايس بعد  شسوي فيه مضطرة غير آسفة إني ابلغ البلدية
16- هوايات ملاك وكيف تقضي اوقات فراغها
أحب السفر وكل مايخص السفر
أحس نفسي زي ام العروسة فاضية ومشغولة
أحب أشغل نفسي ممكن أجلس أرتب دولاب أسوي طبق حلو أشوف مسلسل كوري وشوي عالسناب والأنستقرام وشوي تلفزيون
17- توحشناكي في البوابة ديالنا ، ما لك نية على زيارة المغرب
الله يخليك ماتشوف وحش
ان شاء الله ليش لا
18- في رأيك الشخصي جمال المرأة في ايش
في حيائها
19- كم مرة تسلفتي وما رديتي السلف
أسأل ابو غسان هو يعرف ههههههه
20 - السر الخاص بملاك اللي ممكن تقوله هو :....................
وحيكون سر إزاي اذا قولته 😉
ماعندي أسرار أنا (open book )
وشكرا على سعة صدرك وان شاء الله ما ثقلت عليك
| | الشكر لك ابو مهاب على الأسئلة الجميلة وابد ماثقلت
اسأل اللي ودك
🌷🌷
|
| |
13209الاعجاب
العرض العادي
المواضيع المتشابهه 
