هلا أختي طوق

هل انت مستشار العائلة والأقارب والاصدقاء بموضوع السفر والسياحة؟؟

اممممممممم عن نفسي أبتعد عن الشيء هذا وأنصحهم بالمنتدي إلا اللي متأكد من أني أعرف طبيعه أهتماماته

هل سبق وخططت لشخص تعرفه جدول سياحي ورشحت له دولة معينه ورجع غير مبسوط؟؟
خططت لها نعم لكن أبلغتها أن الدوله لا تناسبها إطلاقا ما انبسطت وزوجها أنبسط قوه


لو بتجيك هدية تذكرة سفر بشهر مايو ماهي الوجهة التي تتمناها؟؟
أذا تبين الصدق عن نفسي ما أتقبل أي سفر
والله جد لو أحد يقولي تعال معي محفول مكفول أرفض ما يستهويني هالشيء سبحان الله
حتي مره زرت الكويت وتسوقت وعطوني كوبون حطيته بالصندوق ولما جاء السحب طلع أسمي وكانت الهديه تذكره الي اليونان مع السكن والله ما أخذتها
لكن في مايو أوربا ما يحتاج وأفكر في ألمانيا تحديدا

اول مره تسافر بدون اهلك هل واجهت مشكلة الرفض ام الامور طيبة
أصلا ما قلت لهم أني بسافر برا كنا برا ورجعت للسعوديه ومنها سافرت لحالي ورجعت لهم ....كيف سويت كذا وإيش الدافع حقيقه ما أدري للحين

ياهلا ابوخالد .. مرحبا بك تراحيب المطر
بما ان الاعضاء سألوا عن رحلاتك السياحية ، بطلع بالاسئلة لموضوع ثاني :

- ماهو السبب الحقيقي لاغلاق المنتدى القديم من قبل ياهو ؟
- وش كان دوركم كإدارة في موضوع الإغلاق ؟
- هل كان ممنوع انكم تاخذون نسخة من قواعد البيانات وترجعون المحتوى القديم للمنتدى الجديد ؟
- وش سبب ظهور عدة منتديات بنفس الاسم بعد اغلاق المنتدى ؟
- وش اللي ينقص المنتدى حاليًا ؟
- رغم نشاطك بالردود وكثرة رحلاتك الا انك من النادر تنزل تقرير مالسبب ؟
- وش رأيك في اللي يقول انك شخص غامض ؟
- وش اخذ منك المنتدى ووش عطاك ؟

ولك الحق في الاجابة أو الامتناع

ياهلا ابوخالد .. مرحبا بك تراحيب المطر
أرحب بالغالي يالله تحييه
بما ان الاعضاء سألوا عن رحلاتك السياحية ، بطلع بالاسئلة لموضوع ثاني :

- ماهو السبب الحقيقي لاغلاق المنتدى القديم من قبل ياهو ؟
يقال أنه مخسر لشركه ياهو
- وش كان دوركم كإدارة في موضوع الإغلاق ؟
لم يكن لنا دور لأنه ملك لهم وكان من ضمن عدة منتديات عربيه أشترتها مكتوب من قبل أصحابها ثم باعتها إلي ياهو ،
كنا بأجتماع قبل الأغلاق وذكرت لهم أنه وصلتني معلومه عن أغلاقه فتم أبلاغي أنه غير صحيح وأننا بصدد تطويره أعتقد القرار كان من الرئيسه التنفيذيه
- هل كان ممنوع انكم تاخذون نسخة من قواعد البيانات وترجعون المحتوى القديم للمنتدى الجديد ؟
حاولت كثيرا والله ولم أستطع
- وش سبب ظهور عدة منتديات بنفس الاسم بعد اغلاق المنتدى ؟
الهدف حسب ما رأيته تجاري وليس الهدف إيجاد محتوي عربي سياحي
- وش اللي ينقص المنتدى حاليًا ؟
ما شاء الله معجبني التفاعل الحالي وأتمني يستمر مع عودة المعرفات القديمه
- رغم نشاطك بالردود وكثرة رحلاتك الا انك من النادر تنزل تقرير مالسبب ؟
السبب ذكرته للأخ أحمد الحربي،
أنت مراقب ومشرف سابق لعلك لاحظت بعض الغياب ولازم أغطي بعض الأقسام فالمتابعه للمنتدي عندي ذات أهميه أكثر من التقرير ثق متي ما تفرغت راح تشوف التقارير
- وش رأيك في اللي يقول انك شخص غامض ؟
أنت وش رأيك تؤيده أم لا
- وش اخذ منك المنتدى ووش عطاك ؟
ثق إني أحس أني مقصر بالمنتدي
التفاعل اللي أشوف عطاني الحافز للإستمرار
الهدف والله محتوي عربي نحافظ عليه

اشكرك يابوخالد على الردود الجميلة وما تنلام اذا ما نزلت تقارير لان العمل الاداري ياخذ وقتك وجهدك وتركيزك .. ولكن ثق بأن جهودك وجهود جميع اعضاء الإدارة محل تقدير من الجميع .

زين جاوبني غامض أم لا
والله أنا أقدر جهودكم والعمل مشترك

ههههههه

يمكن ردودك المقتضبة والقصيره تعطي طابع بالغموض لكنك احلى من العسل