[COLOR="Indigo"]

اقتباس :  المشاركة الأصلية كتبت بواسطة آخـــرفـــرصـــة وه ياندامة 😱 هذا كلة متى راح أخلص طيب نص عليك ونص علي😅 منورة الكرسي كيف الحال أم ملاك ؟ الحمدلله يابو غسان ضبطتي الشاي المنعنش والفصفص والمكسرات و ما جات ضيفتك على موعدها ايش يكون شعورك ؟ إذا جات عالشاي والمكسرات مو مشكلة نشرب الشاي ونخلي المكسرات للزيارة الثانية بما أنك من أهل الظهران وعشت بامريكا هل عندك حب الالتزام بالمواعيد والانظمة عموماً ؟ جدا جدا وهذا الألتزام من قبل لاروح أمريكا التربية لها دور من تتابعين من كتاب الرأي في الصحف اليومية ؟ كنت زمان أتابع كاتب اسمه (مشعل السديري) كانت تعجبني مقالاته بس ماعرف اذا كان لِسَّه يكتب السوشال ميديا كيف وضعك معها ؟ أغلب الوقت عليها وهل تعتقدين أنها تحمل مضموناً سياحياً يمكن الاعتماد عليه ؟ الى حد كبير هل تتابعين سناب العرب المسافرون وايش رأيك فيه ؟ نعم أتابع السناب وفي الفترة الأخيرة جدا مستمتعة فيه وبسبب السناب بدأت أعيد النظر في بعض البلدان ومن ضمنها (اوكلاند) كانت تغطيتها عجيبة وكل الشكر لي أبو طلال هل تعتقدين أن 3 أيام كافية للتعرف على أي مدينة سياحية ؟ من وجهة نظري غير كافية قبل سنتين تعالت الاصوات في اوروبا من تصرفات بعض السياح رأيك بمن يعكس صورة سيئة عن السائح الخليجي ؟ مافي شي جديد برأي للأسف عكسوا صورة سيئة لنفسهم ولوطنهم ولدينهم (شفاهم الله وأعاننا عليهم ) استغلال السائح تصرف معتاد نراه كثيراً في بعض الدول كيف نتجنب هذا الاستغلال ؟ بالمعرفة كل ماراح تقرأ وتعرف معلومات أكثر عن البلد اللي ناوي تزوره راح تتجنب أشياء كثير أهم التذكارات من رحلاتك ؟ أحب أشتري الأكواب اللي عليها شعارات البلد ومغناطيس الثلاجة والأقلام جميلة جداً رحلتك لكوريا وتقريرك أجمل قد يكون بسبب تفرد الوجهة وقلة من يزورها هل تفكرين بوجهات فريدة مثلها ؟ نعم لأنها صارت تستهويني شعور جميل لمن تروح مكان قليل اللي يزوره اتوقع أنك مهتمة باللغة العربية وخاصة الاملاء مايحتاج اعطينا أكثر أخطاء لغوية تشوفينها في المنتدى ؟ انت بس أفتح تقريري راح تشوف كل أنواع الأخطاء الحياة بسيطة جداً في جدة خلال طفولتك ممكن تعطينا نماذج منها ؟ كنت عايشة في إحدى حواري جدة القديمة كانت الحياة بسيطة بدون تكلف ولا مجاملات أطفال ونلعب في الشوارع وأهلنا مو خايفين علينا مانسمع بقتل ولا خطف ولاإعتداء كان زمن جميل والحديث فيه طويل بروست البيك ، شاورما شاكر ، الوزان ، فيتامين الفاكهة اللبنانية و الديوان هل كان لها بصمة في حياتك الجداوية ؟ أكيد بروست البيك حاليا ماصرت أحبة في محلات ثانية أفضل منه شاكر أفضل شاورما في جدة الوزان مايعجبني وموجود له فرع في الشرقية فيتامين والديوان ماذكرهم علاقتك بالمعصوب و الفتة والفول ؟ ومن أفضل من يقدمها في جدة برأيك ؟ كنت أحب المعصوب لكن من بعد ماذقت العريكة سحبت عليه طبعا القرموشي بره الحسبة مايعرف يسوي شي 😬 ابو زيد يعمل أحلى عريكة ومطبق ومعصوب لكن الفول وحش اما الفول الحلو في كدا واحد لكن الأقرب لنا (مصابيح جدة) اللي في شارع قريش هل كنت دافور بالمدرسة وأكثر مادة كنت تكرهينها ؟ لا والسبب مو مني من المعلمات مايعرفوا يدرسوا😝 أكره المواد اللي فيها حفظ كثير علشان كدا دخلت (علمي) عمرك اشتريت من الحجة (حمر ولا حبحبوه ولا لوز ) عند باب المدرسة ؟ طبعا وكنت أشتري من عند باب المدرسة اليغمش كمان ماذا اقصد لو قلت لك بالحجازي : بحزي لي شوية بلاش تريقه البهلله خليها على جنب بطلي الدحلسة - إفسحي لي مجالا للجلوس -لاداعي للإستهزاء ودعي الإستهبال على جنب - اتركي عنك التملق أقوى ترجمة 😂😂😂😂 ما شاء الله كثرت فلوسك وقررت تسددي الديون اللي عليك إشاعات هاتوا الفلوس اللي عليكم هههههههههههههههههههههه الله يسعدك وكمان تعزمين طوق على مطعم بجدة على حسابك وين تأخذينها ؟ راح أخذها شاورما شاكر علشان تعرف فين مقبرة امنا حواء 😉 الله يسعدك و لو تذكرت شي ما راح اسيبك في حالك

حابة أعتذر منكم على التأخير بس جدا أنشغلت

أتمنى إني كنت ضيفة خفيفة عليكم أسعدتموني بأسئلتكم الجميلة
شكرًا لكم جميعا💐

والأن حان موعد إختيار العضو

وانا جدا سعيدة بتقديم هذا الضيف واللي الجميع منتظر وجوده عالكرسي 😊
ضيفنا هو















الغردقااااااااوي

تفضل ونور الكرسي وأتمنى لك فترة سعيدة

هجووووووووم ياجماعة