☆★ كرسي الاعتراف ★☆

احلى من العقد · 07-03-2017, 04:35 PM

اقتباس : المشاركة الأصلية كتبت بواسطة آخـــرفـــرصـــة

هلا والله بأحلى من العقد الخبيرة السياحية و الكاتبة القديرة
منور الكرسي باطلالتك
و اختيار موفق من فني ما قصرت والله

[emoji94][emoji16][emoji41][emoji41][emoji41][emoji7] اهلا وسهلا فيك
خذي لك نفس عميق وقولي بسم الله

تابعت بعض من رحلاتك الأخيرة على السناب ومنها تغطيتك
على سناب المنتدى مشكورة واعجبني فيها عفويتك المعتادة
بس اتذكر كان رحلة للهند أعلنت عنها وش صار عليها ؟

[emoji94]اي رحنا وتوفقنا واستانسنا وايد كانت من الرحلات الممتعه جدا

ياليت تكلمينا عن فكرة مشروعك ؟

[emoji94]مشروعي الله يسلمك هو بختصار اني اقوم بتصميم رحله من الالف للياء وتكون الرحلة جماعيه موجهه للنساء و كل تركيز الرحلة يكون المتعه وستكشاف المناطق و تثقيف المسافرات واعطاءهم معلومات عن البلد واحاول ان الرحلات تكون مميزه وفيها كلشي يحبونه البنات و تكون الرحلات مناسبه لطبيعة المراه يعني ادلعهم خخخخخ مااكرفهم في الشيل والحط

كيف توفقين بين عملك والقيام بالرحلات ؟
[emoji94]كل رحلاتي الخاصه والعامه تكون في اجازاتي الرسميه احب اخلي اجازاتي للسفر

رحلاتك الحالية تتطلب الالتزام هل هذا يفقدها المتعة ؟

[emoji94] رحلاتي فيها مرونه كبيره وقبل اي رحله عادتا اسال المشتركات اذا الوقت المقترح للاستيقاض صباحا مناسب ولالا و بشكل عام عادي اذا رحنا مكان والكل قرر تغيره نغيره ببساطه رحلاتي رحلة جماعيه بستايل عاءلي ، واكيد في التزام اذا الكل اتفق على و قت معين الا شخص واحد فحاله حال اذا كان مسافر مع اهله اذا حاب ايي يلتزم بالوقت واذا حاب يكملها نومه هو حر

رحلتك الى ايسلندا من أجمل ماكتبت هل لازالت بالذاكرة ؟
[emoji94] اسيلندا جميله وغصب التقرير طلع حلو من جمال البلاد وللعلم رحتها في الشتى بعد

هل لازلت تحتفظين بصور تقاريرك القديمة ؟

[emoji94]لاوالله للاسف

فورة حالية في السناب غطت على تويتر وانستقرام وباقي الوسائل
هل تتوقعين استمرارها أم من الممكن ظهور وسائل اخرى ؟
[emoji94]في زمن التكنلوجيا اذا ماطورت نفسك تموت واذا السناب ماتطور وابتكر اتوقع يجي شي يغطي عليه
ارى اسماء كبيرة في عالم المنتديات اختفت بعد التوجه للوسائل الحديثة
هل بالضرورة كل وسيلة تواصل تناسبني كشخص ؟
وكيف اعرف الاكثر مناسبة لي ؟
[emoji94] لامب شرط مثلا التويت.ر مب عارفه اندمج فيه فتاركته
كيف تعاملك المادي خلال رحلاتك كاش ولا بطاقات ؟
[emoji94]اكثر شي بطاقه في اغلب الدول
اجمل تذكارات تحتفظين فيها من رحلاتك السابقة ؟
[emoji94] الذكريات اللي في مخي اما الهدايا التذكاريه مالها قيمه كبيره
فني قيرل لصقت فيك زي لصقة جونسون تعرفينها اللي ماتطلع بسهولة
وقالت لابد اخاويك برحلة وين تودينها ؟
[emoji94]بوديها الهند عشان الدلع بروح عنها
قطرية كول من الاسماء الكبيرة مثلك بس تواجدها خفيف حالياً
اتصلت عليك وقالت ابقابلك في مطعم بالدوحة أي واحد تختارين ؟
[emoji94]اللي هي تحبه

ايش أهم شي تركزين عليه عند زيارتك اي دولة لأول مرة ؟
[emoji94]الاماكن الحلوه في البلد

هل يهمك أكثر ما يتعلق بالناس ولا ما يتعلق بالمعالم ؟
[emoji94] ممممم مافهمت

ايش أكثر تصرف ما ودك تشوفينه من السياح الخليجيين في
اوروبا عموماً ؟

[emoji94]ماعلي منهم علي من نفسي هم احرار بتصرفاتهم و الاشياء اللي تسعدهم هاي شي شخصي كل واحد حر بتصرفاته

في لندن وش أكثر شي يعجبك ؟
[emoji94]صخب الحياه

الايجابيات والسلبيات باختصار خلال دراستك في بريطانيا ؟

[emoji94] مافي سلبيات كلشي كان سعيد وجميل

انسرقت محفظتك خلال الرحلة وفيها فلوسك وبطاقاتك وش أول تصرف لك ؟
[emoji94]بعيد الشر ، بكلم البنك يوقف البطاقات وبكلم اهلي وبرقص في الشارع اشحت حخخخخخخخ

هل تعرضت لأي محاولة نشل خلال رحلاتك ؟
[emoji94]مب انا شخصيا بس امي في باريس كانت معلقه شنطتها على عربة الاطفال وتاركتها فباقو الشنطه

دولة تشوفين الحذر فيها ضروري ؟
[emoji94]يوسفني ان اقول حاليا الدول العربيه

أكثر الدول اللي زرتيها أمان و حسيت فيها براحة كبيرة ؟
[emoji94] ماحس ان في دوله زرتها وحسيت بعدم الامان كلها كانت امنه

نصيحة اخيرة و مهمة تقدمينها لكل سائح ؟
[emoji94] عليك من نفسك ، و حرص ولا تخونش ، واترك الخلق للخالق ، و تامل في الناس الخير

الله يسعدك و يحفظك في كل رحلاتك
و نسعد كثير بتواجدك المستمر معنا

الله يخليك اشكركك وجاوبتك بينما انا اتغدا [emoji502]

Sent from my iPhone using Tapatalk

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
☆ أجمل عشرة مناطق للتسوق في طوكيو ☆	السفيرة ب	بوابة اليابان	28	24-06-2019 08:13 AM
☆ أجمل 10 أماكن يمكنك زيارتها في اليونان ☆	السفيرة ب	بوابة اليونان	22	31-12-2017 09:38 PM
☆ أفضل مناطق الجذب السياحي في النرويج ☆	السفيرة ب	بوابة اسكندنافيا	18	27-06-2017 04:10 PM
★ جزيرة رودوس في اليونان ★	السفيرة ب	بوابة اليونان	22	15-02-2016 01:43 AM
☆ صور بيوت اليونان القديمة ☆	السفيرة ب	بوابة اليونان	14	10-08-2015 03:01 AM