منتجع الفور سيزون لنكاوي

الصراحـــــــــــه منتجع رائع وجميل وبكل المقاييس

ويعتبــــــــــــر الهـــــــــدوء من اهم مميزات المنتجعات وصراحة ماحسيت باي ازعـــاج
ومن كثر الهــــــــــدوء اتحس انك تملك الجزيره بروحك حتى اني كنت احس بالخوف

وتعامل الموظفين وسرعة الشيكن والشيك اوت خلوني احب الفندق

وصف المنتجع

عبـــــــاره عن اكواخ متشابهه ويبعد كل كوخ عن الاخر عشرة امتار
الكوخ الواحد به اربع غرف غرفتين فوق وغرفتين تحت انا سكنت فوق وحتى صوت اللي جنبي ماكنت اسمعه
الغرفه عباره عن قسمين قسم الحمام اكرمكم الله وقسم السرير

عيب الغرف انها من جهتين زجاج بالكامل بس طبعا عليه ستاره طويله تغطي الزجاج كامل يعني الحرمه ماتقدر
تاخذ راحتها وايد مثلا لو تبي تنزل الشيله


الغرفه فيها بلكونتين حلوات خاصة وقت المطر
وهذي الصور للكوخ من الخارج وللبلكونتين












والحين نبدا بصور غرفة النوم





للاسف مافي غير هالصورتين بس راح اشرح لكم الغرف

الباب عباره عن نافذتين وينفتحن على الاطراف على اليمين الحمام وعلى اليسار تلفزيون وطبعا مباشرة يكون السرير

هاي الصور على يسار السرير وتحتها الثلاجه طبعا قبل لا انام قلت لهم يشلون هالاشياء



وهذي على اليمين



وهذي طاوله على يسار الباب



نروح للقسم الاخر وهو الحمــــــــــام اكرمكم الله والحمام عباره عن ملعب كره

هذا الباب



وهذي المغاسل وهي مغسلتين من الجانبين





اول ماتفتح الحمام يكون على اليمين قسمين

القسم الاول المرحاض اكرمكم الله وبه شطـــــــاف
القسم الثاني قسم الشــــــــأور

وعلى اليسار خزائن الملابس والخزنه ومكان للشنط




وطبعـــــا في الامام





هذي الغرفه بشكل عـــــــام
سعر الليله تقريبا 2100 درهم وانا حجزت فيه 4 ليالي بس الليله الرابعه مجانا

والحين هذي صور للمنتجع من برع



















هذا ريوق ف احد الايام الكوفي من عندهم والتوست من عندهم



وهـــــــــذا عشى في احدى الليالي مرجريتا



بالنسبة للغداء ( عندي قائمه باسماء المطاعم ) اخذتها من مطار لنكاوي...
فانا ماقصرت كل يوم مطعم اتصل عليهم وهم يوصلون









وعلــــــــى فكرة في عندهم شخص يمر يوميا ومرتين في اليوم ويكون حامل سلة فواكه ويقولك اختار







وهــــــذا كل شي عن الفور سيزون وعن امـــــــاكن الاكل



اخوكم القيصر