احم احم ... انا جيت




كان بودي اكون اول من يرد على التقرير ولكني علمت به الان من صاحبته عندما التقينا ...


حجز المقصورة العليا لمتابعة دقيقية ومركزة ومتأنية وشاملة


حياكي الله في ديرة النشامى والنشميات يالنشمية ... واحلى لقاء كان اليوم لقاءنا ...


ساعات من الكلام المتصل وكان بودنا لو لم نفترق .. ولكن افترقنا لنترك ضيوفنا ليرتاحوا من رحلة السفر على اتفاق لقاء غدا صباحا ان شاء الله...


نورت الأردن وبوابة الأردن بضيفتنا العزيزة ...


اكيد .. اكيد متابعين ولاتطولي علينا وكتريلنا من الصور ...

الف الف صحة وعافية السمك .. انا اعرف هذا النوع صغير ولكنه لذيذ لذاذه .. خصوصا مقلي .. صحتين على ألبكم...


.

ما شاء الله رحله موفقه لك

الافضل زيارتها لمدة 3 او 4 ايام كحد اقصى

او اذا كانت للعلاج

متاابعين معاااك

آخر مواضيع الفراهيدي

- تنبيه مهم جداُ - تحذير من السفاره السعودية بأذربيجان - وفر 55% مع سار - تقسيم مقاعد الدرجة السياحية في الخطوط التركية - الخطوط السعوديه تقدم خصم يصل الى 40 % على رحلاتها الدوليه

توقيع : الفراهيدي

ماشاء الله عليكي يا اختنا ربي يوفقك

نكمل معاكم اليوم الاول ووصولنا للأردن الغالية

وهذي اول ما طبينا مطار الملكه عليا
ماشاءالله تبارك الرحمن المطار تغييير تغيير جذري الوساعه والشراحه كلش غير عن القديم يستاهلون أهل الاردن هالمطار الحلو







الإجراءات ماخذت منا عشر دقايق بس لان كان في زحمه ماشاءالله بس هم كانوا سريعين

وننزل ناخذ جناطنا



خذينا تاكسي المطار للفندق
وبالفندق نتلاقى من الغالية نانا

تاكسي المطار مسوينه للعسكرين المتقاعدين
وهذا وصل بالتسعيره

شارع طريج المطار ماشاءالله تغير حيل وطبعا للاحسن
من كان حارتين ومظلم صار ماشاءالله خمس حارات وشارع بروحه خدمي والجسور اليديده صج تطول ملحوظ بالنسبه لي تستاهل الاردن هذا التطور وان شاءالله المزيد من التطور والتقدم ..
بس سياقتهم الله يهداها لو تتعدل [emoji41]

من المطار لي فندق بوليفارد ارجان باي روتانا



بالخلف التسعيرات للمناطق الثانيه



وصلنا فندقنا بالسلامه في منطقه العبدلي ومنطقه البوليفارد يديده وحلووووه واايد السكن فيها ممتاز

وهذا اللوبي

الرسبشن اللي تحت ماقدرت أصوره عدل







واحنا تونا خالصين شيك ان وتوصل الحبيبه نانا
المسافرين انا وامي
ونقعد بكافيه الفندق مع نانا مع انها حاولت اتطلعنا بس فضلنا نقعد بالفندق عشان امي ترتاح
قعدنا وسواااااااالف في كل الامووووور السفر وعن الاردن والسياسه والبشر والسياحه في كل شي ومنتدانا العزيز
والسوالف والله ما نانا اتينن يضيع الوقت وموحاسينا في روحنا يا حلوج يا نانا وَيَا حلو اخلاقج الطيبه

وهذيل صور من كافيه الفندق
المنيو ماشاءالله مهفه على كبره







ومحنا عارفين شنو نبدي
وانصدمت نانا إنا احنا عايله مو من ربع المنبهات الشاي والقهوة [emoji23]
فخليناها عصاير وخفايف وشاي اخضر
وطبعا قبل كل هذا نانا الا توكلنا بصل وليمون ويزاها الله خير اهي تبي تفيدنا وهذا شي صحيح عن المناعه يقولك في كل ديرة تطبها اكل بصلها ف احنا ابينا [emoji23][emoji23]





وهذيل خفايفنا
كرواسون جبن



تشيزكيك نانا



وعصير برتقال



الشاي الأخضر





وفي عصير ليمون بالنعاع مالحقت اصوره ونسيت اصور الفاتوره

وخذتنا السوالف مع نانا بعدها قلنا نخلي امي تريح بالغرفه واحنا نطلع نتمشى بالبوليفارد وبما انه الخميس ويك ف ماشاءالله في حركه ..

الحين صور غرفتنا

فندقنا اسمه بوليفارد ارجان باي روتانا في العبدلي
خمس نجوم
مكون من ابراج يطلون على ممشى البوليفارد والشارع الرئيسي
خذينا الغرفه مع ريوق خمس ايام ب اربع ليالي ميتين دينار كويتي



موقع الفندق ممتاز احنا عطونا غرفه بالبرج الرئيسي
خدمه ممتازه
التشيك ان اشوي بطيء
نظيف
أمن عالي

بالاتجاه الى الغرفه



هذا ممر بين مبنى ومبنى يطل على الشارعين شارع التمشي بوليفارد والرئيسي





ونقول بِسْم الله







وفيها مطبخ صغير متكامل













الچوله والمايكرويف









الحمام عزكم الله











طلعنا انا ونامت نتمشى بالبوليفارد وندخل مول العبدلي اليديد ويكون نهاية البوليفارد
ماشاءالله وايد حلو وايد كبير وبعد مو كل شي فاتح
وكل المحلات والماركات المعروفه بيفتحون فيه

اهني صور البوليفارد في كافيهات ومطاعم فاتحين ومحلات فوق وتحت على يمينكم ويساركم





اهني بالنص اي مناسبة يحطون لها زينه مثلا الحين اهما مخلين زينة العيد و وقت الكريسماس يحطون الشيره والخ





اهني مدرجات للأنشطة اللي تصير في الساحه





وهذا العبدلي مول جدامنا
وفي مطاعم وكافيهات برا فوق مكشوفين القعده وايد حلوه فيهم







من داخل المول وبعد المحلات ما افتحت





السينما طبعا متواجدة











محل ماتلان [emoji1360]







المول شرح وايد لان كله زجاج ووسيع

القعدات الخارجية فوق









نافورة على مواقف السيارات



وهذي نافورة دبي على قولة نانا



وردينا البوليفارد قعدنا اشوي نسولف انا ونانا





بعد السوالف اتفقنا على طلعتنا يوم اليمعه وين بتكون ويزاها الله خير نانا بتاخذنا للمكان تعبناج معانا [emoji8][emoji253]
وتوكلت على الله نانا وانا رديت غرفتنا
وطلبت مزات خفيفه لامي



والحمدلله على النعم

نانا قولي عن شريحة الموبايل لان انتي يبتيها لي جاهزه مجهزه يزاج الله خير [emoji8]

ونخلص يومنا الاول على خير
ونشوف اليوم الثاني على وين رايحين في ارض النشامى ؟



Sent from my iPhone using Tapatalk

ما شاء الله والله لي اصحاب من الاردن حبايب كلهم واعرف اردنيين من حبهم ودي ازورهم هناك في الأردن

لكن اي مدرس اردني في السعودية يعتبر من المغضوب عليهم ههههههه كانوا سيئين جدا ويضربون حتى برا المدرسة

اما الباقيين يا زينهم .. الأردن مطار الملكة علياء من افضل المطارات في الشرق الاوسط اعتقد بعد دبي

الممشى + المولات اكثر الاشياء اللي احبها في أي مكااان

الله يعطيك العافية ومتابع معاك التقرير

أرسلت من SM-T705 بإستخدام تاباتلك

عليكم بالعافيه يارب
ماشاءالله المكان والفندق وايد حلوو
والأحلى مع الغاليه نانا ام الطيب ربي يحفظها
المزات عذاااب ماشاءالله يارب