صور الريوق بالفندق ذكرتني بالايام اللي كنت اسكن فيها بالفندق قبل ماأشتري الشقة
ريوقهم يهبل خصوصا لللبنه والمكدوس
واحلى شي العسل الطبيعي يحطون الخلية والعسل ينقط ولا أروع


تصدقين حدائق الحسين والمتحف للحين مارحت لهم

ناطرين الحفله ابرار لاتطولين

عليكم بالعافية مطعم ورد من ألذ المطاعم لازم امر عليه كل سفره
اطلب الريش تهبل وايد ترفه
شلون المنسف ولا مرة جربته عندهم

اليوم الرابع
قعدت الصبح مبچر وامي نايمه ونانا متفقين معاها نطلع عقب صلاه الظهر قلت بما أني قاعده ابي أزور مكانيين طبعا عزيزيين على قلبي [emoji174] نانا ماقلتلج عن اليوم الحين بتقرين في التقرير [emoji23] اسمحيلي انتي وامي ماتدرون وين رحت لان حبيت أعيد الذكرى بروحي [emoji174][emoji3]

نزلت تحت تريقت واطلع وأخذ تاكسي واقوله على طلوع نيفين وشارع الجامعه الأردنيه
ونروح واهو يتمشى فيني وانا الذكريات تشتغل في مخي كنّا اهني وتعشينا اهناك وشرينا من هالمحل كل شي بدا يرجع في الذاكرة وهذا الدكان اللي تحتي اشتري من أغراضي وهذا ماكدونالدز اللي اتغدى فيه واهني زلقت بالمطر واهني وقفت سيارتنا في الطلوع والخ من ذكريات وتنزل الدمعه يقولي راعي التاكسي منتي نازله قلت له لا انا يايه بس ارجع ذكرياتي الحلوه وقت دراستي استغرب وقالي احسن ما سويتي [emoji24]

صوره من شارع الجامعه الأردنيه



وعقبها قلت لها روح على شفا بدران مكان جامعتي
ويروح وانا اشوف الطريج وأتذكر رحلتي كلها ايام حلوه ياليتها تعود ونوصل شفا بدران ولا ماشاءالله شنو البيوت والعماير اقول للتاكسي وين شفا بدران يقولي هذي قلت له كانت جم عماره وجم بيت والباجي أراضي فاضيه والحين ماشاءالله تعمرت



ونروح على جامعتي اخييييه اخيييه [emoji174][emoji174][emoji174][emoji174][emoji24]
العماير حولها اللي قبل كنّا نخاف نطول فيها برا لانها فاضيه الحين الواحد مايخاف اذا ينطر تاكسي والسبب الحركه فيها واوقف عندها ويرجع الزمان وأتذكر وانا داشه الجامعه مع ربعي وين نقعد ونتيمع وفي كل بريك كنّا تسمع بشقة رفيجتي يم الجامعه كانت عماره بروحها الحين أضيع بين العماير
اتذكر وقت تخرجنا ووين صورنا والخ ذكرى حلوه بكل مافيها [emoji174]



وبعد شريط الذكريات قلت للتاكسي نرجع العبدلي ورجعت ولا امي قاعده وينج ماكو كنت تحت باللوبي وتمشيت برا [emoji3]جذبه بيضا [emoji1]
صلينا وتوكلنا على الله مع نانا
الاتجاه الى وسط البلد استلم دراعتي والساعه ثلاث عندنا موعد والحبيب ما خلص الدراعه
وصلنا وسط البلد

البلكونه لو احد متين ما راح تتحمل اتوقع [emoji1]



ولا هذا السهل الأخضر كنت من محبين كنافته [emoji174]




ونمر على المدرج الروماني في وسط البلد

يقع في الجزء الشرقي من عمّان بالتحديد على سفح جبل الجوقه على احد التلال المقابله لقلعه عمان وتشير الكتابة اليونانية على احد الأعمدة ان هذا المدرج بني اكراما للامبراطور مادريانوس اللي زار عمان سنه ميه وثلاثين ميلادي



استعمل المدرج الروماني للعروض المسرحية والغنائية بسبب جوده نظام الصوت ويستعمل لغاية اليوم ويتسع ست آلاف متفرج يعد بذلك اكبر من المسرح الجنوبي في جرش ويعتبر اكبر مسرح في الاردن

فيديو

https://vimeo.com/192743618




































وردينا محلنا ننطر الدراعه اللي ماخلصت [emoji48]



ورحنا شربنا عصير رمان فريش ولما الحين دراعة الملكه ماخلصت [emoji23][emoji23]



ونروح نصلي في الجامع الحسيني

اقدم مسايد عمّان وأسسه الامير عبدالله الاول بن الحسين وسمي بهذا الاسم نسبة الى الشريف حسين بن علي قائد الثوره العربيه الكبرى في الجزيرة العربية وبلاد الشام
ويعتبر الجامع اول مشروع عمراني أقيم في عمّان







وله رواق امامي ورواقان جانبيان وفي الوسط ساحه مساويه ومئذنتان ترتفع اليمنى سبعين متر واليسار خمسه وثلاثين



https://vimeo.com/192743351



https://vimeo.com/192743431



ورحنا الموعد المنتظر وتأخرنا بالضبط خمس دقايق ولا الموعد توكل على الله
المفروض اليوم نطلع بالباص السياحي ولكن تأخيرنا في محل الدراعات مشى عنا الباص للاسف
محل ومكان الانطلاقة من شركه جت في رغدان وسط البلد
سعر التذكرة للسواح سبع دنانينر عدل نانا ولا غلط ؟
وهذا مكتب الشركه



يتبع




Sent from my iPhone using Tapatalk

صباح الخير

لي عوده قريبه بعد قراءه ما فاتني الأسبوعين الماضيين

شفت صور بالديوانيه عن محل حلويات ما توقعت انك مسافره

توقعتك خريجه بريطانيا

بعد ما طافنا الباص قالت نروح مكان حلو

ورحنا مكان مو بس حلو الا لذيذذذذذذ[emoji23][emoji174]



ياهلا ومسهلا






هلا بالزين كله
فيديو

https://vimeo.com/192744596

كنافتهم دماااااار



أطق حبيبه عشره صفر



لذيييييييذه بشكل



وبعد الكنافه الناريه رحنا شارع الرينبو
شارع المطاعم في عمان





رفرف بالعالي











وطبعا قاصدين هالحبيب



من مطاعم الفلافل القويه في عمّان












لذييييييييذذذذذذه



ونمر على فندق الرويال والسينما الوحيده اللي دشيتها في الاردن مالت هالفندق
ولي ذكريات فيه حلوووه



وبوليفارد العبدلي من بعيد





الاسامي بروحهم لهم ذكرى وحكاية



واشوف سيفوي شميساني [emoji174][emoji174]
كنت اچيل منه للبيت [emoji24][emoji174]





ونروح بيت الغاليه ستو ام رياض والده نانا
واحلى ضيافة عندهم حبايبي ماقصروا معانا يداهم الله خير
ستو ام رياض اتهبل وسوالفها احلى الله يخليها لكم نانا والله يعطيها الصحه والعافيه [emoji1374]

كليجة لذيذذذه من أيد ستو ام رياض
وقهره طيبه من أيد نانا



وهدية مربى بيتوتي وزيتون من الغاليه ستو ام رياض

[IMG]http://uploads.tapatalk-cdn.com/20161123/04a9f4f42dfa24d92dd2fa101e52d04d.
jpg[/IMG]

وبعد ماودعنا ستو رجعنا البوليفارد
ومرينا على قهاوي شميساني [emoji174]



ولا الاسبوع الفرنسي شغال عندنا
وهذيل بعض الصور











فيديو

https://vimeo.com/192745879







والحبيبه لهم نصيب



وتعشينا بزعتر وزيت









الحمدلله على النعمه اللهم احفظها من الزوال
ينتهي يومنا الرابع
نطروني في اليوم الخامس والأخير




Sent from my iPhone using Tapatalk

الحمدلله على السلامة ابرار
ماشاءالله عليج اشطر منى رحتي اماكن مارحت لها تصدقين فلافل القدس امر يمه ولامرة كليت عنده

المهم اشصار على دراعتج خذيتيها؟؟؟؟
كنافه نفيسة تهبل وجربي البرازق عندهم روعه
هبينا فيها لكن رجعنا للحب القديم حبيبه