هضبه بينانق جميله بس الافضل تزورها بدري انا زرتها متأخر وكان فيه مناطق بارده ومناطق فيها شمس والهضبه تفتح بدري جدا ممكن تروحها من الساعه ٩ الصباح او العصر فتره الظهر اتجنبها عن تجربه

حديقه الفراشات الاغلبيه بيقولوا حق بينانق افضل خصوصا انهم جددوها

لا تنسى تروح البيت المقلوب وال ٣ دي تريك ارت المكان جميل جدا

وفي متحف الشمع في بينانق تايمز سكوير وموجود متحف الشمع في اي سيتي كمان انا كتفيت اني ادخل اللي في بينانق

جنتنق رحتها بس ما جمعتها مع الحديقه الفرنسيه لاني كنت تعبانه وللاسف كانت غلطه مني جنتنق حلوه بس الالعاب الداخليه فقط للاطفال وانا كنت متوقعه الاقي لعبه الجندولا و الباص والاشياء اللي زي كذا بس كلها معلقه وباقي كم لعبه

والالعاب الخارجه معلقه تماما

ويبقى عندك عالم الثلج جميل صراحه بس برضو في الاي سيتي موجود

فالافضل اذا بتروح جنتنق تروح معاها الحديقه الفرنسيه والسعر المعروف المشوار ٣٥٠

وجه نظري جنتنق لحالها لا مافيها شي مهم

الاي سيتي جميله وفيها انشطه مختلفه بس المسا هو الوقت المفضل لذهاب

مجمع الماينز ما رحته بس فيه الرحله البحريه اما الحديقه مغلقه

بوتراجايا جميله المنطقه وفيها القوارب على البحيره وفي كذا مكان جنب بعض وفي المنطاد كمان

انا حبيت المنطقه بس مطرت ورجعت

السوق الليلي في بينانق اسعاره مبالغ فيها

انصحك في التسوق في برجايا تايمز سكوير وفي محل احذيه وشنط وانت بكرامه اسمه باتا bata جودته عاليه واسعارهم رخيصه تعتبر تلاقيه في بافيليون و سوريا و في صن وي بىرمايد نصحيه لازم تاخذ لفه على المحل

كوالالمبور فيها متاحف كثيره ورحت كثير منها بس للامانه ما عجبني غير القبه الفلكيه planetariumnegara
و كوالالمبور سيتي جالري فيه اشياء مصنوعه بالخشب حلوه

القبه الفلكيه شي علمي عن الفضا بس المهم فيه قاعه زي السينما على شكل القبه يتم عرص الفلم عليها تجربه ممتعه

العرض علمي بس بسيط جدا