رحلتي الى الهند

doja · 08-11-2016, 06:59 PM

السلام عليكم ورحمة الله وبركاتة

سجلت في المنتدى لأني حبيت اشاركم تقرير رحلتي الى الهند
في ناس لما تعرف انك روحتي للهند يا تواجهك نظرة يا يواجهك تعجب الهندد

لكن ماعلينا نكمممل.. انا رحت الهند لعلاج للوالدة وطبعا بعد مانتهينا اتمشينا
البلدة هادي في البداية تعصبك وتنرفزك من الوساخة بس والله مافي شي مو فيها
علاجات سواء مستشفى او علاج طبيعي واعشاب والشغلات هادي وطبيعة كل شي تدور عليه تلقا طبعا انا فرفرت الهند رحت مومباي و بنغالور و اوتي وكيرلا وماحولها وكمان رجعت طلعت مره ثانية لبنغالور لاني من اول مرة طلعت مجرد ماتتعرف على المدينة وتلقى احتياجاتك فيها بتعيد التجربة وطبعا في ناس بتحرم تعيدها
والاهم في الموضوع لو حصلت مواصلات تحت امرك والله اهم شي سواق يسمع كلامك ويكون طيب وامين ترتاااااااااااحوو
المهم.. حارفق لكم صور بسيطة لرحلتي وماعرف كمان ايش ممكن تحتاجو ارفق لكم لكن انا ح اكتب لكم كل شي ممكن تحتاجو او انا اعرفو مثلا حاكتب لكم عن تجربة الوالدة في العلاج وارقام سواقين واللي عندو سؤال يرسلي على الخاص

ترى انا من زمان عن الكتابة في المنتديات ان شاءالله يكون اسلوبي واضح وسامحوني ماعرف اتكلم عربية فصحى

حبيت اعدل على الموضوع انزل بس صور ومواضيع العلاج اعطيكم رقم سواق مرره طيب ومرره شاطرر يعرف المستشفيات والمعاهد باللنسبة للدبلومات الانجلش والافضل باللنسبالي انو سواق اخلاقو عاليه ما يركب راسو ولا قليل ادب المهم عسان لا اطول عليكم ححط لكم رقمو اسمو سيف واللي محتاج دكتر عظام يقولو ابغ دكتور (ايبه_ايبا) والله الدكتور دا مررررررررره شاطررر وربي يشهد مو دعاية لو بس لما شفت كيف الوالدة ارتاحت حبيت تستفيدو والله يكتب ليه ولكم الخير يارب

آخـــرفـــرصـــة, السفيرة *ب*, توبليرون و 3 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير رحلتي إلى كيرلا الهند (فيديو)	ناصر الخميساني	بوابة الهند وسيرلانكا	16	29-01-2017 01:39 PM
§ أهم فنادق الهند §	السفيرة ب	بوابة الهند وسيرلانكا	6	09-04-2016 12:45 AM
اسطنبولية الهوي.	non	تركيا	3	22-03-2015 03:18 AM