ملكة السفرات العائلية في رحلتها الرابعة الى ماليزيا 2016 - الصفحة 18

جوري وياسمين · 26-12-2016, 09:49 PM

متابعين ياملكه سكنت في الهوليدي أن في شهر أغسطس بعد رحلتك كانو جدا رائعين في التعامل والنظافة والغرف كانت نظيفه وشرحه أخذنا غرفتين متصله الأثاث نظيف والفطور على أنه زحممممممه إلا أنه متنوع وكان فيه شاب سوري أسمه توفيق موظف في الفندق كان وقت الفطور يمر على طاولات العرب ويسأل إذا فيه ملاحظات أو يبغون شيء
اتوقع هذا كله بعد زفك لهم

قصة حب, توبليرون و نانا ابو عابد معجبون بهذا.

جوري وياسمين · 26-12-2016, 09:55 PM

قصقوصه ياملكه في رحلتك القادمه أن شاء الله اضيفي مدينة أيبوه وسكني في منتجع بيست وسترون بريمير ذا هافن الطبيعه الخلابه والمسبح الرائع والعالم المفقود انبسطنا فيه أكثر من العاب صن واي
المنتجع جدا رائع للعوائل شقق سكنيه رائعه وجميله

abdullah h, himzmz, توبليرون و 1 آخرون معجبون بهذا.

أبو سعد · 26-12-2016, 10:27 PM

اقتباس : المشاركة الأصلية كتبت بواسطة Lemo

اتوقع كوفي تري بسبب السمعه عند العرب قاعد يزيد اسعاره

بس عرفت معلومه من احد سكان بينانق أن كوفي تري جدا غالي

وانهم بيشتروا من محل شوكولاته في باتوفرينجي ارخص بكثير

وطعمه جيد

وفي محطه كي ال سنترال ذقت شوكولاته وسعرها رخيص والطعم مشابه

قريب من بار بورا بورا على الشاطىء

بس للاسف رحته متأخر

فيه شوكلاتة وكافي في المحلات الكبرى نسيت اسمها وباسعار اقل

أرسلت بواسطة iPhone بإستخدام Tapatalk

Lemo, ام جسومي, توبليرون و 1 آخرون معجبون بهذا.

قصة حب · 27-12-2016, 10:55 AM

اقتباس : المشاركة الأصلية كتبت بواسطة بيبي فيس

أفا ياذا العلم أسعار القهوة وتذاكر الهضبة زادت!!

أتوقع إني باشتري وايت كوفي حتى لو إرتفعت أسعارها لأنها من الأسباب اللي تخليني أعشق بينانغ ريحة القهوة وأنا وحدة كييفة سألي ستار بكس عني

بس الله يعينا عالأسعار أنا نت أبي كمية محترمة أو باشتري أون لاين ما أستغني بصراحة

شكل الكوفي تري مب على المزاج لأنج ماصورتي ولا كتبتي وايد

الهضبة لما رحتها ماجفت هالزين لكن هالمرة باحلل الروحة عدل

وبالنسبة لسكيتشرز أتفق معاج تدرين إني مالبس غيره أبداً حتى في البحرين ومع العباية بعد

ميرسي خالص ياعسل وبإنتظار المزيد والمزيد

كل شي زايد نصيحة قرقشي مخباتك عدل هناك واستمتعي
انا مو وايد مع القهوة لأنها ترفع لي الضغط بس اشتريها لأن زوجي وعيالي يحبونها
اخذت بس مش كمية كبيرة عن خاطري

صور محل القهوة مو لاقيتهم ان شاء الله راح اضيفهم بعدين

روحي الهضبة حلو المكان وصار مرتب احسن من اول

ههههههههههههاي انت تشبهيني احس انا معاك نفس الشي انا بعد البسها مع العباية والحياة سعيدة
مع ان وايد يقولون لي اشلون ؟؟ قلت اهم شي راحتي الناس ما يهموني
اصلا لو تشوفين كل الكويت تلبسه حريم ورجال
الحين حتى بالدوام البسه

حياك الله ونستتيني بمتابعتك

اقتباس : المشاركة الأصلية كتبت بواسطة Lemo

اكيد بحب السفر

بس ان شاء الله

اتخلص من تأثير الفيلم لاني لما اسافر مع اطفال العيله

او اخرج معاهم اقعد قلقانه مررره

الله يحفظ الجميع يارب

الله يرزقك الزوج الصالح والذرية الجميلة وتجربين احساس الأمومة
ربي يحفظنا ويحفظكم

اقتباس : المشاركة الأصلية كتبت بواسطة Lemo

جميله الهضبه وشكل اختيارك للوقت كان مناسب

انا رحتها الظهر وشويه فوق راسي شمس وشويه هوا بارد وبرد

بس استمتعت فيها تقريبا قعدنا ثلاثه ساعات فيها لاربعه ساعات

تسلمي على الصور الجميله

احنا وصلنا الظهر تقريبا بس الجو كان حلو الحمد لله
الله يسلمك
شكرا لك

اقتباس : المشاركة الأصلية كتبت بواسطة أبو سعد

الهضبة رائعة وحلوة مرة واعتقد كل سنة بيزيدوا أسعار القهوة والشوكولاتة

أرسلت بواسطة iPhone بإستخدام Tapatalk

كل شي يزيد بكل دول العالم
وطالما العرب يشترون من القهوة والشوكولا فلازم تزيد الأسعار

شكرا لمتابعتك

اقتباس : المشاركة الأصلية كتبت بواسطة أبن السلطنة

ماتشوفي شر ان شاءالله

الحمدلله على نجاح الرحله

حديقة الفواكه جميله

مانجو شرق اسيا له مذاق جميل جدااا

سبحان الله اغلب العالم ضد العرب

سنه بعد سنه تزيد الاسعار امر محزن والله

تسلم اخوي الشر ما يجيك ان شاء الله
الفواكهة في اسيا شي ما حصل لذيذة عسل
نرجع الحمد لله الوجه مورد

هذه الدنيا ماكو شي يظل على حاله
والله يرزقنا دوم عشان نسافر

اقتباس : المشاركة الأصلية كتبت بواسطة Lemo

اتوقع كوفي تري بسبب السمعه عند العرب قاعد يزيد اسعاره

بس عرفت معلومه من احد سكان بينانق أن كوفي تري جدا غالي

وانهم بيشتروا من محل شوكولاته في باتوفرينجي ارخص بكثير

وطعمه جيد

وفي محطه كي ال سنترال ذقت شوكولاته وسعرها رخيص والطعم مشابه

قريب من بار بورا بورا على الشاطىء

بس للاسف رحته متأخر

طبعا العرب بسبب اقبالهم عليه تزيد اسعاره

انا بعد سمعت ان في مول كي ال ال فيه محل يبيع ارخص دورته بس ما حصلته للأسف
المول كبير وايد
دوووووووووخة

اقتباس : المشاركة الأصلية كتبت بواسطة ام جسومي

تسلم اناملك ي جميلتي

ي ريتنا طلعنا الهضبه والله مرا جميله شكلها

حظكم كان حلو مع الجوو ��.

ولا كان انشويتوا مع الشمس ��

روووعه السيكتشرز ف المشي ❤

واما سفرتنا احناا كانت برعايه crocs جزم كروكس الله يكرمكم

رووووعه والله رووعه ما حسيت باي الم او تعب طووول المشي
خصوصا عشان الامطار كانت مرررا حلوا ومناسبه ما تتبلل

لدرجه اننا رجعنا من ماليزيا ومعانا تقريبا 8 جزم جديده من هناك اشتريناها كانوا مسوين تخفيضات جباره عليها ��

يسلمووووووو ام جسومي
انشوينا بس بأماكن ثانية
انا افضل السكتيشرز على الكروس
اختي الكروس صلخ رويلاتها مع المشي وظلت تعالج شهرين منه

صاجة العروض في ماليزيا ما تتطوف لازم نستغلها عدل
تقطعون الـ 8 جزم بالعافية

اقتباس : المشاركة الأصلية كتبت بواسطة فيصل

يا زين الحديقه
الهضبه من أجمل ما أعجبني في بينانيع
ما شاء الله خمس سنوات مكانه ما تغير
بدأت الأقفال في ماليزيا
الأسعار بأرتفاع للأسف
شكرا لك

الهضبة حلوة وكل مرة تتطور
الله يعطيه طولة العمر هالريال نفس المكان ومؤدب جدا اعتقد انه من اصول هندية لكنه ماليزي
اوووووووووووه الأقفال صارت موضة هالأيام
سمعت انهم بزيلون جزء منهم عشان لا تثقل الجسر ويصير اي حادث
لأنهم كثار ما شاء الله
سعيدة لمتابعتك

اقتباس : المشاركة الأصلية كتبت بواسطة q8ya metnaqla

شحلو المناظر من الهضبه
حلوو المكان [emoji7]
هذيل صاروا العن من الانجليز شدعوه عليهم اصور الممر بفلوس [emoji102]
عليكم بالعافيه النخي والبرييد [emoji174][emoji173]

Sent from my iPhone using Tapatalk

هلا ابرااااااااااااااري الجميلة
ايه حلو المكان
هههههاي كل مكان صار فيه استغلال
بس على مين
معانا كاميرات ونصور بريحاتنا
الله يعافيك

اقتباس : المشاركة الأصلية كتبت بواسطة جوري وياسمين

متابعين ياملكه سكنت في الهوليدي أن في شهر أغسطس بعد رحلتك كانو جدا رائعين في التعامل والنظافة والغرف كانت نظيفه وشرحه أخذنا غرفتين متصله الأثاث نظيف والفطور على أنه زحممممممه إلا أنه متنوع وكان فيه شاب سوري أسمه توفيق موظف في الفندق كان وقت الفطور يمر على طاولات العرب ويسأل إذا فيه ملاحظات أو يبغون شيء
اتوقع هذا كله بعد زفك لهم

هلا وغلا
اسفرت وانورت
عليكم بالعافية خوش خبر
يمكن بالصيف عليهم ضغط وشغلهم اي كلام

اشرايك بالقلاصات لما رحتوا ؟؟؟

ايه هذا شفته وقابلته تونسي اعتقد مو سوري وقدمت له كذا شكوى
لكن حطيت عليه اكس لما طلبت المدير وقال انه مسافر وهو يكذب
انا طلبت المدير وجاني بالمبنى اللي ساكنين فيه خلال ربع ساعة
بعدين لاحظت انه يلزق ويقرب مني كثير وانا اتكلم معاه
ارجع ورا ويقرب لما عطيته النظرة القاتله احترم نفسه
بس الله يعلم شنو قصده والا هذه طبيعته وطريقته يقرب من الناس وايد

اقتباس : المشاركة الأصلية كتبت بواسطة جوري وياسمين

قصقوصه ياملكه في رحلتك القادمه أن شاء الله اضيفي مدينة أيبوه وسكني في منتجع بيست وسترون بريمير ذا هافن الطبيعه الخلابه والمسبح الرائع والعالم المفقود انبسطنا فيه أكثر من العاب صن واي
المنتجع جدا رائع للعوائل شقق سكنيه رائعه وجميله

ان شاء الله
ناويه ازور مناطق جديدة
الله يسهل

يسلموو على الافادة ما قصرتي

Lemo, أبن السلطنة, توبليرون و 1 آخرون معجبون بهذا.

الايمان · 27-12-2016, 11:06 AM

للاسف الاسعار قاعده ترتفع
عليكم بالعافية النخي
مسكين حسيته صار شايب كبر في كم سنة
مستمتعين ياملكه بالتقرير

Lemo, قصة حب, توبليرون و 1 آخرون معجبون بهذا.

قصة حب · 27-12-2016, 11:24 AM

طلعنا نتمشى بالسوق الليلي بس ما عجبنا شي بالمرة
البضاعه ما تغيرت والكشكات زايدو وقريبة من بعض
لدرجة ان الممر ضيق والناس تتلزق ببعض عشان تطوف

طبعا هذا الشي ما يناسبنا
فيه رجال ما تستحي ما توسع للحريم مثل عندنا بالخليج

فلغينا فكرة التسوق بهالمكان
اضافة الى الأسعار الغالية على اشياء ما تستاهل
وكان الجووووووووووو ناااااااااااااااار بهالمكان حر لأنه ضيق وناس وايد

خواتي اشتروا شنط تقليد الأصلى
حلوين
وعليكم بالمكاسر ليه نص السعر
وراح يعطونكم بس مو كل البياعين

انا عجبتني اباجورة صنع يدوي قالت بخمسين
رحنا ورجعنا قالت 70
قلنا لها قبل شوي قلتي خمسين
اتصدقون ما رضت وقالت ما قلت !!!!!!!!

وعناد عليها ما اشتريناها
ههههههههههاي عشان تنقهر

تذكرنا المطعم الايطالي بسفرتنا الأخيرة
( فيفا ايطاليا ) عجيب اكلنا فيه بلنكاوي
وفي بيننانغ

لما وصلنا المطعم والا الأسم غير
وصاير مطعم عربي
لكن نفس الطاولات والديكور
سألتهم
قالوا ايه كان موجود وغيرنا من ايطالي الى هندي

وقعدنا ناكل فيه
كنت متخوفة يطلع اختيار سئ لأنه كان اختياري

لكن الحمد لله طلع عجيب ونظيف وشي مرتب

وإليكم اهداء هذه اللقطات

اسم المطعم (((( ماروش )))

المطعم عنده منيو عربي ومنيو هندي

خبز النان عجيب اصلي

وكنت واقفة عند التنور وهو يخبزه
اصور فيديو

وهو مستانس
قلت له بنزل لك اعلان مجاني في المنتدى وفرح الموظف وايد

اللي ياخذ طلبات مصري
بس خوش ريال

الأكل منوع هندي ايطالي عربي خليجي كل شي عنده

البرياني وايد حلو ومضبوط

هذا اعتقد كان كاري طلب اخواني

شيش طاووق لذيذ طلب وليدي

دجاج تندوري ريحته تبط الراس
اصلي

على فكرة الطباخين هنوووووووووووووود انا رحت اطل عليهم من شباك المطبخ
اللي يطل على الصاله
يعني نقدر نشوف نظافة المطبخ وطريقة الطبخ

محبتكم ( شيف ) اراقب الوضع

الباستا وايد لذيذة
حق بنوتي

للأسف باقي الصور انمسحت ان شاء الله الاقي نسخة في البيت

تقييمي للمطعم :

- لذيذ
- نظيف
- خدمة روعه
- الطعم اصلي مو تقليد ( لان فيه مطاعم الشكل شي والطعم لا يمت له بصلة )
- الأسعار مقبوله وعادية

وعلينا بألف عافية يارب ،،،،،،،،،،،،،

طلعنا من المطعم غصب نمشي
وشفنا الذرة المشوية
لكن للأسف ما كو مكان بالبطن الكرشة طافحة على الآخر
بس اخذنا حبة وحدة عن خاطرنا قسمناها بينا انا وعيالي

سعرها 6 ريجنت لذيذة لذاذة اللذوذين

جزء منا ظلوا يتمشون بين الأزقة بالسوق الليلي
انا رجعت الفندق وعلى الفرااااااااااااااااش اسقاط

ربي لك الحمد يوم جميل

Lover121, المسافر2020, q8ya metnaqla و 10 آخرون معجبون بهذا.

آخر مواضيع قصة حب

- شاركوني باختيار فنادق جديدة
- ملكة السفرات العائلية في رحلتها الرابعة الى ماليزيا 2016
- برنامج تاباتوك
- فندق هوليدي ان بينانغ
- عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 27-12-2016 الساعة 11:54 AM

هاني التميمي · 27-12-2016, 11:59 AM

بالعافية والصحة والهنا

قصة حب, فيصل, توبليرون و 1 آخرون معجبون بهذا.

قصة حب · 27-12-2016, 12:00 PM

اقتباس : المشاركة الأصلية كتبت بواسطة هاني التميمي

بالعافية والصحة والهنا

الله يعافيك
شكرا لك

توبليرون و نانا ابو عابد معجبون بهذا.

قصة حب · 27-12-2016, 01:00 PM

وأشرقت شمس صباح جديد في حياتنا
ربي لك الحمد والشكر

نزلنا نفطر بالمبنى الرئيسي المطل على البحر والمسبح

لازم عند استقبال الفطور فيه موظف يسأل ويتأكد من رقم الغرفة

هذا مكتب حجز الرحلات بالفندق لكن ولا مرة حجزنا منهم
حجوزاتنا من فندق بارك رويال

وقعدنا شوي على المسبح نسولف

بذمتكم المنظر ما يشوق

وللأسف القلاصات بنفس الشكل وطلبت قلاص انظف وجاني طلبي
جاني الشاب التونسي يسأل ويعتذر عن شكوى الأمس
وانه بلغ الإدارة بخصوص هذه الموظفة التعيسة وقال انا بخدمتكم لأي شكوى
تشكرت منه وتريقنا على السريع

المقسوم ( بيض ومربى وعصير وكرواسون وطبعا زبدة الفول السوداني اللذيذة )

هذا الركن اضافي للفطور بس دايم فاضي

وللأسف الموظفة مستمرة تمر جنب طاولتنا وتتحلطم وتأشر علي من بعيد
لما قلت لها تسكتين وتحترمين نفسك والا بزنطك
ههههههههههههاي راحت تركض
تقولهم بتذبحني
يعني نظام ( ضربني وبكى وسبقني واشتكى )

بلغت الشاب التونسي وشاف كل شي بعينه

وطلبت مديره فورا مرة ثانية
لأني كنت طالبته امس وقالي مسافر وهذه كذبه منه
يمكن عشان يبين للإدارة انه يشتغل وراح يحل الاشكال

والله ما وصلت المبنى الثاني الا المدير واصلني
ماليزي
طبعا شرحت له كل شي واعتذر مني بصورة خجلتني
لدرجة انه انحنى حيل وهو يعتذر
وقالي انا موجود ومو مسافر ولا أحد بلغني بشكوتك

وهذا ذوق منه وخوفا منه على سمعة الفندق
وخبرته انه راح اكتب عنهم بالنت على هالتعامل السئ
وهذه اول مرة اسكن الفندق ولن اكرر التجربة

ولازم تجي تعتذر بنفسها عما بدر منها من قلة ادب وطوالة لسان

عطاني كرته لأي شي

وبعد نصف ساعه لقيت بغرفتي كرت اعتذار وصحن فاكهة
ههههههههههاي
لو حاط كاكاو احسن والا كرت ادخل فيه السبا اريح بدل حرق الأعصاب
اللي نشوفه كل يوم بالريوق
حسبي الله عليها هالهندية فورت دمي

حقي ولازم اخذه
ادري فيه ناس بتقول انتي ناشبتيهم على شي ما يستاهل
انا بنظري يستاهل وايد
انا دافعة فلوس
مبلغ محترم المفروض الاقي خدمة ممتازة مقابلها

ونوعاً ما ارتحت بس مو وايد !!!!!!!!!!
بعد مابردت حرتي فيها

خواتي يقولون بس لا تذبحك
قلت فيها خير تقرب بس

q8ya metnaqla, أبن السلطنة, عشقي السفر و 8 آخرون معجبون بهذا.

q8ya metnaqla · 27-12-2016, 01:14 PM

ام السنع قصه
اييييييي الحين ارتحت لما وصلت السالفه عند المدير كفو عليج [emoji1360][emoji1360]

وعليكم بالعافيه

Sent from my iPhone using Tapatalk

قصة حب, توبليرون و نانا ابو عابد معجبون بهذا.

آخر مواضيع q8ya metnaqla

- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو
- مركاز العرب المسافرون 11
- إندونيسيا استفسارات

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي العائلية 18 ليلة صيف 2015 من 16 يوليو إلى 3 أغسطس	abdullah h	تقارير لا تنسى	420	28-03-2022 11:13 AM
نحييكم من اندونيسيا في رحلتنا العائلية نوفمبر 2015	ابو تركي 99	بوابة اندونيسيا	95	24-04-2017 10:06 AM
الغردقة «ملكة المدن السياحية العربية» لعام 2015	وليد عنبه	بوابة مصر	33	01-04-2015 05:35 AM