ملكة السفرات العائلية في رحلتها الرابعة الى ماليزيا 2016 - الصفحة 33

opera_kw · 12-01-2017, 08:14 AM

والله قويه تعرفين تعاندينهم

واهم السواق كل طلعه بياخذون عموله

احمد ربك عالتوصيله وخلاص

اما التايمز سكوير انا اروحله مرتين علشان اخلصه ومايطوفني شي

في محلات حلوه و بضايعهم زينه

الايمان, هاني التميمي, قصة حب و 1 آخرون معجبون بهذا.

الايمان · 12-01-2017, 08:58 AM

الله يعينج يا قصه على السواقين والله شي ينرفز ويحر
الماليزين صعبين بالتعامل صارلي كم موقف معاهم وكرهتهم
شهر 7 رطوبة لكن الحمدلله في غيم يخفف عليكم الشمس

هاني التميمي, قصة حب, توبليرون و 1 آخرون معجبون بهذا.

قصة حب · 12-01-2017, 10:19 AM

اقتباس : المشاركة الأصلية كتبت بواسطة الايمان

يوم كله نشاط وركض
حديقة الفراوله تهبل والالوان عجيبة
اما التلفريك لما ركبناه اخترب وعلق فينا واحنا فوق بعد فترة يالله شغلوه
الاكل شكله لذيذ عليكم بالعافية

لازم نستغل اليوم بالسفر من اوله لأخره عدل
وبالليل نرتاح

التلفريك بسفرة 2013 كان هواااااااااااا وفجأه وقف فينا فوق طبعا من التحكممو عشان اخترب
والصغار قاموا يبجون ويصرخون
واحنا الكبار صمت رهيب
يعني ختمه قرآن سريعه
لكن الحمد لله دقايق وتحرك

اتصدقين كل شي بالدنيا يخوف
ربي يعافيك امون

اقتباس : المشاركة الأصلية كتبت بواسطة Deena

تفاصيل جميلة قصوصة .. متابعة معك بضمير

التايمز سكوير تصدقي ولا مرة دخلته للتسوق.. بس حبيت المحلات والبضاعة الي صورتيها والأسعار موو صج على كلامكم ! لازمه زيارة باذن الله قريبا ..

المكرونة في آسيا دايما حلوة تقولي بيحطوا لها سكر

اما سائق التاكسي شو هالحقارة!! فعلا ما شفت متل هيك، شين وقوي عين، ما بكفي وقفكم وأخركم كمان بيطلب فلوس زيادة وبيدعي !! حسبي الله ونعم الوكيل

حظكم مع السواقين مش ولا بد .. لا سواق جنتنغ ولا هالسواق .. الحمدلله مرت على خير وزين ما عملتوا انكم ما دفعتوا الزيادة

الله يعين الحر والرطوبة مزيج قاتل ومتعب للجسم والأعصاب صراحة .. انا بتحمل الحر قد ما كان بس الرطوبة بنخنق منها..

الطقم الي شروه خواتك حلو كتير .. شفت متله بالزبط في لنكاوي في مكان للحرف اليدوية وبيع المشغولات .. ما بتذكر السبب اني ما اشتريته بس كان رخيص .. طبعا في الاكواريوم الاسعار مضاعفة

هلا دندون ، احب اهل الضمير يا زينكم والله
من صجك ما زرتيه ولا مرة ؟؟ اكيد انتو مو ربع السوق بالسفر
هذا المول عندنا اجباري اقل شي 3 مرات نزروه بكل سفرة
اكيد فيها سكر مع الصوص ، انا اقصد حليوة يعني لذيذة بس مو وايد

حتى بالكويت عندنا فيه بعض الوصفات نحط نتفة سكر نعادل فيها الحموضة

لاحظت بهالسفرة من بعد غياب عن ماليزيا 3 سنوات انهم جشعين وطماعين
ولسانهم طويل على السياح
والعرب وخصوصا الخليجين بالنسبة لهم ابار نفط متحركة

بالنسبة لي انا دايما سفرات بنهاية شهر 8 او بداية 9 الجو عجيب والمطر يهبل
لكن اصرار اخواني يعيدون ( عيد الفطر ) بره هالسنة اضطريت اروح
خفت اقعد بالكويت واتحسف مارحت معاهم
الحمد لله انه استانسنا

الحر كان اكثر شي في بينانغ هالسنة
الطقم حل وايد بس السعر ناااااااااااار

سعيدة لمتابعتك دندوووووني

اقتباس : المشاركة الأصلية كتبت بواسطة q8ya metnaqla

عليكم بالعافيه قصه السوق والعشا

ليش ما تحجزون تذاكركم من الانترنت ؟ مو احسن لكم ؟
ياربي انا ترا قاعده احتر من هالسواق والمعامله احس اني لو اروح ديرتهم ما راح اتحملهم ويدعي بعد لا بالله ناوين على شر ..

الحمدلله انكم استانستوا خوش صور عند النافوره وايد حلوين
يتراوالي اجوائها حلوه من اكتوبر لي مارس ؟ عدل

الله يعافيك ابرار
انا اقترحت على الأهل نحجز كل شي قبل روحتنا
بس ما حبوا يتقيدون بجدول تحسبا لأي ظرف طارئ واحنا هناك
فمشينا على البركة كل يوم نخطط له بيومه

ههههههههههههههه لا تحترين
انا احتريت وانقهرت عن العالم كله معاهم وبردت قلبي فيها لا تحاتين
مو كلهم جذيه
والله مر علينا سواقين ما سمعنا صوتهم بالتكسي
الناس أجناس سبحان الله

الحمد لله استانسنا ورجعنا بخير
جو اسيا حلو من اواخر 8 الى 11 عن تجارب بماليزيا وتايلند
مارس لاااااا يقولون ناشف حتى مطر ماكو

النافورة عجييييييييييبة والمكان بالطبيعة وايد احلى من الصور

نورتي التقرير

اقتباس : المشاركة الأصلية كتبت بواسطة ابو حسن 9

ياربي خوفتيني من السواقين ياحلوة بس زين عملتي فيه
عاد من الحين جالسه ادعي ربي يرزقنا سواقين اخلاقهم زينة
كويس في محل المعجنات بكوالالمبور يصير لو عجبنا نعتمده
ليه كذا تصوري الشنطة الحين بعمل خطة عشان اشتري لان ابو حسن متحدين انو لو مااشتريت ولا شنطة بجائزة الحين كيف بصبر
الله يحفظك انت وعيالك اهلك من شر كل ذي شر
ام حسن

هلا أم حسن
لا تحاتي من السواقين مو كلهم جذيه
انت غلطانه اشلون تتنازلين عن التسوق بالسفر ؟؟؟
يوحفظك يارب ويحفظ غواليك

اقتباس : المشاركة الأصلية كتبت بواسطة فيصل

ان شاء الله تسكنين في البارك المره القادمه
يوم تسوق جميل
للأسف السواقين مره معاكم سيئين الله يعينكم

الأكواريوم غرام الأطفال

ان شاء الله نجرب البارك رويال في كوالا
شكرا لك على متابعتكم
الأكواريوم متعة

اقتباس : المشاركة الأصلية كتبت بواسطة opera_kw

والله قويه تعرفين تعاندينهم

واهم السواق كل طلعه بياخذون عموله

احمد ربك عالتوصيله وخلاص

اما التايمز سكوير انا اروحله مرتين علشان اخلصه ومايطوفني شي

في محلات حلوه و بضايعهم زينه

افا عليك اعاند جد جدهم
حقي ليش اتنازل عنه

السواق هالسفرة عجب
فعلا التايمز سكوير متعة التسوق الحقيقية
3 مرا نروح له وما نشبع
بس هالمرة شطبنا عليه عدل كل الأدوار

اقتباس : المشاركة الأصلية كتبت بواسطة الايمان

الله يعينج يا قصه على السواقين والله شي ينرفز ويحر
الماليزين صعبين بالتعامل صارلي كم موقف معاهم وكرهتهم
شهر 7 رطوبة لكن الحمدلله في غيم يخفف عليكم الشمس

حبيبتي امون
انا لهم بالمرصاد

لا والله مو كلهم صعبين قله منهم تجرأوا هالثلاث سنوات اللي غبت عن ماليزيا فيها

الرطوبه بس في بينانغ صادفتنا

لكن كوالا الجو كان عجيييييييييييييييييييييب
كان ودنا نمدد ومالقينا حجز

توبليرون, الايمان و نانا ابو عابد معجبون بهذا.

بيبي فيس · 12-01-2017, 12:03 PM

إضافة جميلة كالعادة قصقوصة كنت أنتظرها بفارغ الصبر

حظكم مع السواق مب شي هالمرة لازم تستخدمون أوبر وتريحون راسكم

البريد ستوي كأنج حطيتي بيكري مثله إسمه بريد هيستوري أو يتهيأ لي؟؟؟

فعلاً لو حاجزين أون لاين جان وفرتو أعصاب ووقت ومجهود وفلوس أحياناً

الأكواريوم رحته مرتين والمرة اللي راحت لا لذا أفكر نروح له هالمرة لو في شي يديد

بخاطري أشتري من هناك عود ودهن عود بس أخاف يقصون علي أنا غشيمة في هالأمور

البارك رويال سكنته العام بس الأجنحة مب الفندق خذنا ثلاث سويتات على عددنا ماشاء الله

أما عن الجو أختلف معاج أحس المطر الوايد يخرب الرحلة مايحليها أنا أغلب سفراتي بنهاية يناير وبداية فبراير والجو يكون معتدل حر نعم بس مقبول ومحتمل

في كوالالمبور شنو أحلى مكان زرتيه وتنصحين فيه وليش؟؟؟

وبعد شنو أحلى مطعم تحسين إنه مايتطوف؟؟؟ لاتنسين أنا ماحب الأكل الآسيوي ولا آكل سي فود مطلقاً

هل تفكرين تسكنين المرة الياية في الصنواي لاغون ريزورت؟؟؟

والمهم بعد شلون كان بتري الآيفون يكفيج طول الطلعة؟؟؟ أنا مايطول معاي وايد ولا يكفيني لغاية مانرجع ولا أعرف شاسوي!!

وياريت لو ممكن تعرضين مشترياتج من هناك وشنو اللي تحسينه يسوى وشنو اللي ماله داعي؟؟؟

Deena, توبليرون, فيصل و 1 آخرون معجبون بهذا.

قصة حب · 12-01-2017, 12:16 PM

الملكة تعود بتفاصيل جديدة

اليوم الخامس في كوالا

وبدأ العد التنازلي لإنتهاء رحلتنا
والكل ضايق خلقه بسرعة طارت الأيام

والوالدة الله يحفظها كل يوم تقول يالله عاد بس رجعوا كافي

بعد الفطور

طلب بعض اعضاء الرحلة الرجوع الى التايمز سكوير
كل واحد بخاطره يشتري شي شافه امس

وتوكلنا على الله
وانطلقنا بالتكسى
قريب علينا لكن ما حبينا نروح مشي عشان نحافظ على الطاقة للتسوق

هالمحل بضاعته حلوة
كل شي فيه
بالدور الأرضي

وتفرقنا بالمول عشان تكون الحركة اسهل
كل عايلة بروح
واحنا الخوات مع بعض

تسوق مع ايس كريم مرة
اصابع سينامون مرة
عصير
شاي
اي حاجة تسد الجوع وتعطينا طاقة لأكمال مشوار التسوق
والحمد لله

بالدور الأرضي شفنا هالمحل وريحته تكفخ بالراس
تشيز تارت لذيذ لذاذة ما حصلتش
وخصوصا لما يبرد بالثلاجة

هذا هو المحل لا يطووووووووووفكم

عندهم عرض تشتري 5 حبات ومجانا 1
بسعر ممتاز

العلبه انيقة ومرتبة

ياويل قلبي شكل التشيز تارت يشوووووووووق مسطر عدل

المحل مكانه بالضبط
اول ما ندخل المول
نروح يمين
نلاقي اسكليتر ( درج كهربائي )
ننزل تحت
نلاقي المحل

عشان نقعد ونحلي علي راحتنا دخلنا المحل الملاصق له وشربنا عصير طبيعي بنكهات غريبة

منقولة

رجعنا العصر الى الفندق نصلي ونريح ونحط الأغراض اللي اشتريناها

[/CENTER][/CENTER]

بيبي فيس, Deena, عشقي السفر و 7 آخرون معجبون بهذا.

آخر مواضيع قصة حب

- شاركوني باختيار فنادق جديدة
- ملكة السفرات العائلية في رحلتها الرابعة الى ماليزيا 2016
- برنامج تاباتوك
- فندق هوليدي ان بينانغ
- عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 15-01-2017 الساعة 11:15 AM

قصة حب · 12-01-2017, 12:39 PM

وبعد المغرب تمشينا الى مول البافليون عشان نتغدا ونتعشا في آن واحد ( متعوب عليها الآن الواحد )
قريب وايد من فندقنا رويال شولان

بعد الاستطلاع بالمول
الشباب قالوا عن سر مسوينه من ورانا
اقترحوا يودونا مطعم جديد جربوه البارح من ورانا
وقالوا راح يعجبكم اكيد

بالطريق الى البافليون

وصلنا المول بسرعة عن طريق الجسر

((( مطعم الحلبي ))))

هذا مكانه - منطقة الأكل - الدور السابع

صور عامة للمطعم
وهو بالحقيقة مو بس مطعم
يبيعون كل شي
حلويات
شاي
حلقوم
مرامية
عسل
فاكهة مجففة
قهوة
اواني مذهبة
زيت زيتون
دبس الرمان التركي
فاكهة
وايد شغلات ما شاء الله عندهم

شووفوا الصور واستمتعوا
المكان يشوق
حسيت اني بسوبرماركت عربي تركي سوري

شاي الرمان التركي
انا شاريته من تركيا بسعر ما يتعدا 7 ليرة وعندهم السعر مضاعف ( 3 مرات )

المطعم شرح والصالة كبيرة لكن الديكور احس مبالغ فيه
هذا رأيي
بس حلوووووووووووو

بهالمكان قعدنا
يكون عالي مثل البلكونة
بروحنااااااااااااااااااااااا

حان وقت الطلب

المنيوووووووووو

المنيو وايد منوع

وصور الأطباق تشوق تخليك تحتار شنو تطلب
كل طلب عليه سعره بالصورة

اول الصيافة ( الخبز الحار )
ياويلي على الريحة والطعم

بسرعة طار قضينا على الخبز بلمح البصر
جوااااااااااااعة

احب الخبز والمعجنات والحلويات

طلب العيال - ورق عنب - حلو
سعره 15

خبزتي العزيزة

خبز بالثوم بنكهات
تقول اختي لذيذ

ملوخية طلب الأهل
الريحة عجيبة وذقتها خطيرة ومضبوطة

وغرق الغرقان أكثر

عيش بالشعرية لزوم الملوخية الخطيرة

والعيش مع المكسرات

باقي الطلبات

دجاج مشوي مع عيش ( تندوري )

طلب وليدي - المفروض هذا برياني لحم
بس أنا اشوفه مجبوس لحم

بس وايد خنين ولذيذ مضبوووط كمجبوس

وندلع نفسنا بكوكتيل
ملل كل يوم بيبسي
ضربنا الرقم القياسي بهالسفرة بالمسروبات الغازية
ولما رجعت شهر كامل ما دخلتها البيت

طلبي - مقلوبة دجاج
حليوة ( يعني مو وايد حلوة ) البهارات فيها كثيرة مغطية على طعم العيش بشكل واضح
مع ان لون العيش حلو من كثرة الدارسين ( القرفة )

معاها روب مضبوط كانه الروب اللي نسويه بالبيت

طلب باقي الشباب
اعتقد هالأكلة كان اسمها شاكرية

لحم باللبن مع عيش بالمكسرات
يقولون وايد لذيذة لذيذة لذاذة اللذوذين

ونقاشات جميلة بعد ما شبعنا
أو بالأحرى دخنا
ربي لك الحمد على كل النعم

حسابي انا والعيال

ولاحظوا بالفاتورة ان المطعم تابع لشركة مطاعم الطربوش

بس الطعم يفوق الطربوش بكثير

وقفوا البنات يشترون حلقوم - السعر غالي لكن عن خاطرهم
وكان لذيذ وطري جدا
فرش

وبالغلط واحدة من البنات دعمت فازة فيها ماي وانكسرت بس الحمد لله ما تعورت
جرح بسيط بريولها - حرام تفاجأت وخافت الوجه صار رمادي من الخوف

بسرعة نظفوا المكان وطبعا ما دفعنا اي شي عشان الفازة اللي انكسرت
لأنهم ما تكلموا
واعتذر مديرهم لنا لأنها انجرحت

بس الحمد لله اصابة خفيفة

ولفت نظري أرضية المطعم

نقشات دمشقية أصيلة

المرامية - فتحت الغطاء والريحة تبط الراس ما شاء الله
دليل على انها جديدة

بعض القعدات الخارجية بكورنر لحالها بالمطعم

الأواني المذهبة

طرابيش للبيع ( المفرد طربوش )

كنا في هذا المطعم الجميل

هذا عنوانه

مكانه
بالدور السابع

وتوكلنا على الله
لازم ننزل
عشان نرجع الفندق

ما شاء الله زحمة مو طبيعية
كل الناس بالبافليون

والجو حلو نتمشى على راحتنا نهضم اللي اكلناه
علينا بالف عافية

تقييمي للمطعم :

- اكل لذيذ وحلو
- نظيف
- الخدمة زينة بس يحتاجون يكونون اسرع شوي
- الأسعار معتدلة مو غالي وايد
- التعامل راقي
- المكان روعة وشرح وايد
- اعطية 9/10

أنصحكم تجربونه ان شاء الله يعجبكم ،،،،،،،،،،،،،،،،

تحياتي لكم ،،،،،،،،،
استراحة قصيرة وارجع اكمل ان شاء الله اذا لحقت

بيبي فيس, Deena, عشقي السفر و 7 آخرون معجبون بهذا.

آخر مواضيع قصة حب

- شاركوني باختيار فنادق جديدة
- ملكة السفرات العائلية في رحلتها الرابعة الى ماليزيا 2016
- برنامج تاباتوك
- فندق هوليدي ان بينانغ
- عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 15-01-2017 الساعة 10:56 AM

Deena · 12-01-2017, 02:37 PM

عم أفكّر شو غدا اليوم واجت مشاركة مطعم الحلبي بوقتها ... ونويت على الشاكرية ان شاء الله ... شكراً ريحتيني من التفكير والسؤال التاريخي (شو بتحبوا تغدوا) ,, ودايما جواب الولاد وأبوهم (أي شي) ..

قصة حب, توبليرون, فيصل و 2 آخرون معجبون بهذا.

قصة حب · 12-01-2017, 03:09 PM

اقتباس : المشاركة الأصلية كتبت بواسطة Deena

عم أفكّر شو غدا اليوم واجت مشاركة مطعم الحلبي بوقتها ... ونويت على الشاكرية ان شاء الله ... شكراً ريحتيني من التفكير والسؤال التاريخي (شو بتحبوا تغدوا) ,, ودايما جواب الولاد وأبوهم (أي شي) ..

دندوووووووون
هههههههههههاي توقعتك علقتي على البارت اللي نزلته
طلعتي تفكرين بالغدا

انا نفسك اسألهم يقولون كيفك
واذا سويت قالوا ملينا من هالطبخة

عوافي الشاكرية مقدما
انقذتيني كنت شاكة ان الصورة اللي نزلتها مو هي الشاكرية

شكرا لك

Deena, توبليرون, فيصل و 2 آخرون معجبون بهذا.

Deena · 12-01-2017, 03:42 PM

ههههه شو أعمل قرأت البارت الجديد على موعد الغدا لا هي الشاكرية لبن مطبوخ مع لحمة ..

عجبتني الشنطة الي نزلتيها وسعرها جميل جدا ..

يبدو اني رح اوزّع الشعب واروح شوبينغ على التايمز سكوير ,,, وانا مع بيبي فيس، يا ريت تحكيلنا رأيك بالمشتريات عموما ولو نزلتي صور ما بنقول لأ

توبليرون, فيصل, قصة حب و 2 آخرون معجبون بهذا.

عاشقة لنكاوي · 12-01-2017, 09:03 PM

ملكة الملكات بعد قلبي قصقوصة
تقرير روعة ومطعم الحلبي خوش مطعم لو اعرف زرته السفرة اللي طافت يلا في سفرات قادمة باذن الله
منتظرينك ياملكتنا

توبليرون, قصة حب و نانا ابو عابد معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي العائلية 18 ليلة صيف 2015 من 16 يوليو إلى 3 أغسطس	abdullah h	تقارير لا تنسى	420	28-03-2022 11:13 AM
نحييكم من اندونيسيا في رحلتنا العائلية نوفمبر 2015	ابو تركي 99	بوابة اندونيسيا	95	24-04-2017 10:06 AM
الغردقة «ملكة المدن السياحية العربية» لعام 2015	وليد عنبه	بوابة مصر	33	01-04-2015 05:35 AM