ملكة السفرات العائلية في رحلتها الرابعة الى ماليزيا 2016

ابو حسن 9 · 19-12-2016, 08:59 AM

هلا وغلا اختي قصة حب
رحلة الكروز باين عليعا حلوة والسواق وجع في شكله ايش هدا انتم راكبين بحسابه كان من البداية زفيتوه ممكن يتعدل الله يعين بس علي ذي الاشكال ان شاء الله مااقابلهم
ايش هو تكسو سوق او معرض او ايش بالضبط
تصويرك جدا رائع استمري متابعين ولاتزعلي ممكن مع البرد وتغير الاجواء الناس تقلصت الردود والمشازكات
منتظرين باقي التقرير

قصة حب, kdsaeeed, آخـــرفـــرصـــة و 3 آخرون معجبون بهذا.

قصة حب · 19-12-2016, 10:06 AM

يسعد صباحكم
اعتذر منكم جميعا
ما كنت منتبهة اني ما رديت عليكم والله
ضغط العمل ولوية التقرير تشتت الذهن

اقتباس : المشاركة الأصلية كتبت بواسطة Al-Hajri VIP

ماشالله تبارك الله بدايه ككل بدايه لتقاريرك الجميله او التاريخيه التي لاتنسى أبدا ..ترتيب الاجازات للعوائل الكبيره متعب نوعا ما لكن الأجمل هو استمتاعكم بالرحله..
اسعار الطيران رغم الحجز المتأخر ممتازه..
أمامنا باْذن الله ايام ممتعه مع تقرير ذهبي له شأنه لكل محب لزيزا..

تسلم اخوي الهاجري
كلك ذوق
الترتيب ماهو متعب كثر ما تجمعهم بالنزول والخروج
لكن افا عليك نقوم بالواجب التحذير الالتزام بالوقت والحمد لله كلهم ملتزمين

سعر الطيران على الماراتية ممتاز جدا ايام ما حجزنا
اكثر من طيران كان السعر فوقة 250 دينار والتراتنزين طويل
الحمد لله توفقنا

تابع ولا تباعد ،،

اقتباس : المشاركة الأصلية كتبت بواسطة أبن السلطنة

ماشاءالله صنوي

الحمدلله عدت الزحمه على خير ربع ساعه مب كثيره

لو ماخذه حبه واحده ك تجربه من البوري يمكن يطلع خوووورافي

تقرير جميل منك اختي قصه

اكيد لسه صور موجوده عن صنوي

متابعين معاك

حيا الله ولد السلطنة
على الرغم من الزحمة الا ان التنظيم رااااااااائع وسريع

ايه والله صدقت لو ماخذة حبة عن خاطري
اصلا كان ودي اقعد مع الهندية اكل معاها

اقتباس : المشاركة الأصلية كتبت بواسطة ام ريمو

ماشاءالله تبارك الرحمن
اخيرا بديتي التقرير قلبي فز لما شفته
تقاريرك نااار واحبها اعيش الوضع معاكم
قلبتي المواجع على زيزا الوعد بسبتمبر ان شاءالله معاد نقاوم
تتهنوا ان شاءالله حلوه الاجواء العائليه

هلا وغلا ام ريمو
واخيرا ان شاء الله يعجب الكل
تسلمين يارب شهادة اعتز فيها ما قصرتي
ربي يسهل عليكم سفرتكم الأيام تركض لاتحاتين
ويهنيكم يارب

اقتباس : المشاركة الأصلية كتبت بواسطة ابو ماريا

جميل جدا ماشاء الله

احب متابعة تقاريرك مفعمة بالحيوية والاكشن

متابع معاك مشرفتنا الملكة

والله هذه الرحلة ما خلينا دقيقة تمر بدون استمتاع
لدرجة ان لما رجعنا كلنا اسبوع بالبيت ما طلعنا من التعب
لكن الحمد لله رحلتنا جميلة

اقتباس : المشاركة الأصلية كتبت بواسطة فيصل

مساء الخير
مشرفتنا حتي العنوان هو 2015
تخفيف الشنط مهم البعض ما يخلي شيء ما يأخذه
الرحلات المفاجأه زينه خاصه أذا الديره تعرفها زين مش مشكله لكم
قانون لا تزاحمون الناس ميه ميه

ام الخيال اللي صاير وسوسه توكلي علي الله دائما
العيال ما قصروا علي اتاحه الفرصه لك تصورين بس واضح المضيفه ناويه الشر
سوال الاداره شيء يشكرون عليه حقيقه
الفندق ما عليه كلام صراحه
الرحله جميله للمول والقارب
التلاعب بالفواتير شء سيء حقيقه
عاد بالألعاب كلا يستمتع ما شاء الله

حيا الله مديرنا
مساء الأنوار

عدلت العنوان شكرا على التنبيه
وناسة الرحلات المفاجأة تأثيرها على القلب عجيب

ام الخيال والله دايم اتعوذ من ابليس والله كريم
عيالي شطااااااااااااار افا عليك زي امهم

الفندق رائع ما توقعته بالجمال والترتيب
لا توصي حريص بكل مكان لازم ادقق على الفاتورة حتى بالكويت

اقتباس : المشاركة الأصلية كتبت بواسطة yamoone

ماشاء الله ماشاء الله الصور حلووووووه ومشوووقة

مشكووووره حبيبتي ومتابعينك

تسلمين يارب عيونك الحلوة
شكرا لك ولمتابعتك

اقتباس : المشاركة الأصلية كتبت بواسطة تركي الجبيل

واصلي مشرفتنا متابعين

تقرير اروع من الروعه

شكرا شكرا
اسعدني حضورك ومشاركتك

اقتباس : المشاركة الأصلية كتبت بواسطة هاني التميمي

متابع بصمت

بصراحة تقرير مذهل

إنا من المنتظرون

لاااااااا مو قبول المتابعة من خلف الكواليس
خلينا نشوف تعليقاتك ومشاركتك وملاحظتك
حياك الله

اقتباس : المشاركة الأصلية كتبت بواسطة أبو سعد

ما شاء الله تبارك الرحمن

هذي التقارير والا بلا

ذكرتيني بالباكيت حق الحليب على فلاي دبي .. شهر العسل رايح لدبي وكبيت الحليب على أم سعد بالطيارة

مانهاتن فيش مااركت مطعم رااااااائع بس النصاب هذا يبغى له جلد وتسويه مشوي مع الروبيان

حرااااااام عليك انتي تعرفي أن نقطة ضعفي الأكل ليش كذا

تسلم اخوي بو سعد
ههههههههاي حرام اكيد لما انكب الحليب كان ودك الارض تنشق وتبلعك

منهاتن لذيذ مقرر اجباري كل سفرة
لكن انا عن نفسي مليت منه يمكن ما اكرر الزيارة
والنصاب كنا له بالمرصاد

اقتباس : المشاركة الأصلية كتبت بواسطة Deena

تعمدت ما أشوف التقرير لحد ما أرجع من سفري وأروق ..
ما بينفع العجقة على تقارير قصوصة الحب ملكة السفرات الآسيوية والرحلات العائلية

رجعتي كل الأشواق يا بنتي .. وحمدت الله انه في نصيب اسبوع لماليزيا بسفرتنا القادمة ولا كانت تحسرت صراحة ..

سبحان اللي زرع حبها بقلبنا

حركة المطعم غريبة جدا صراحة وزين ما سويتوا بأنكم قلبتوا الموضوع على راسهم ..

وانا متلك ما بحب اي شي بيتحرك بشكل مفاجئ ، عشان هيك بنقّي الألعاب والزحليقات تنقاية هههه

متابعة معك .. بوتراجايا حبيتها بشكل كبييير جدا وبتمنى ارجع ازورها قريبا باذن الله

هلا بدندووووووووون
نورتي
وانا افكر وينها ما زارت التقرير كنت ناوية ازعل عليك

يا سلام عليكم خلاص انا الملكة وعمدة التقارير العائلية
حاولي تزيدي ايام ماليزيا اسبوع شوية
العيال يحبونها اكثر من تايلند
لاااااااااا مستحيل اركب بالزحلاقيات اخاف
وخصوصا المغلقة اللي مو مكشوفة احس اني راح اعلق فيها واختنق واموت ومحد يسمعني
( خياااااااااااااالي فيلم هندي )

بوتراجايا حلوة لكن الحرارة والرطوبة فيها كانت عاليه
فما استمتعت فيها عدل

و زيارة مرة واحدة لها تكفي بنظري

اقتباس : المشاركة الأصلية كتبت بواسطة yamoone

ماشاء الله صورررر كثيررررره وحلووووه

صحه وهنااااا ع قلوبكم

ويلا عم نستناكيما تطولي علينا

يسلموووووووووووو
على قلبك يارب مشكورة

اقتباس : المشاركة الأصلية كتبت بواسطة منصور

الكنافه شي

صراحه بعد الصور الرائعه كرهت ابو هيثم

والالعاب المائيه روعه جداً

اكتشافات جديده بالنسبه لي عن ماليزيا

ماعندهم تيوس ماعندهم فلل بدال ذا الفنادق

تسلمين على التقرير الروعه

واصلي ونحنو با الانتظار

حياك الله اخوي
مين ابوهيثم ؟؟؟؟؟؟؟ مطعم حلويات عندكم ؟

التيوس والفلل هالنظام تلاقيه باندونيسيا
ماليزيا لااااااااااا مستحيل

تسعدني متابعتكم ،،

اقتباس : المشاركة الأصلية كتبت بواسطة emo0o

ياهيك التقارير ي بلا

أحب التفاصيل جدااا

وراي رحلة بعد شهر لماليزيا رحلة عائلية

وانا بعد مثل خواتك جوي اوربي

وباذن الله ننبسط بماليزيا

ننتظرك

هلا وغلا بإيمووو
التفاصيل لكل مسافر هي نجاح الرحلة
الله يسهل عليكم
ان شاء الله تنبسطون

لعلمك خواتي من بعد هالرحلة يقولون اسيا اونس من اوربا
لأن طلعنا كل الطاقه الايجابيه باللعب وحذفنا السلبيه بالبحر ورجعنا والحمد لله

اقتباس : المشاركة الأصلية كتبت بواسطة yamoone

الف سلامه عليكي حبيبتي

وان شاء الله اجر وعافيه وربي يشافيكي ويشافي جميع مرضانا ومرضى المسلمين والمسلمات

بانتظاااااااارك

الله يسلمك حبيبتي
ربي يعافيك

اقتباس : المشاركة الأصلية كتبت بواسطة توبليرون

ماشاءالله روعه الرحلة وخاصه ادا مع الخوات وانواع الوناسه بالالعاب والسباحة
والريوق عندهم العيش نفس الخبز عندنا

بس هذا راعي الشيشة ما حطهم الا هني عند قاعة الرياضه
ياسلام خوش صحة
†[/url]

هلا بام حسين نورتي
انا جربت الرحلة مع غير الأهل
غييييييييييير
مع الخوات اونس بوايد

راعي الشيشة كأنه بمعرض عجبني ترتيبه وشكل الشيشات مسطرة يم بعض والوان العلب

الحمد لله ما شفنا احد يشيش طول فترة اقامتنا

اقتباس : المشاركة الأصلية كتبت بواسطة q8ya metnaqla

مقهــــــــــــورين من المــاليـكــــا ابـــــــدعتي ياقصــــتنا
ياسلااام خوووش سفره ما شاءالله
خبره في سفره عائليه سنه 96 كانت لندن
وعقبها كله قروبات مجندات ههههههه
عجيييييب التقرير والتفاصيل ماشاءالله سلمت الانامل
وان ازور هالماليزيا
وسلامات ما تشوفين شر

هلا بأبرار غاليتي
نورتينا
شكرا شكرا شكلكم حبيتوا اللقب مليكا
ياحلات قروبات البنات
النية حق السفرة الياية ما نبي لا اخوان ولا ازواج
بس احنا والعيال والله يسهل
ربي يسلمك ويحفظك من الشر

اقتباس : المشاركة الأصلية كتبت بواسطة opera_kw

يعطيج العافيه

خوش بدايه

احنا دايما برحلاتنا نخلي سن واي لاقون اخر محطه

بس تمام اذا صارت اول شي

يستانسوون الاطفال (اذا بوديهم معاي )

يمكن المره اليايه اغير الخطه

هلا باوبرا عليك غياب وحضورك متأخر
احنا نحب نريح بسيلانقور ويبون يلعبون اول ما نوصل قبل لا تخلص الطاقة الجسمانية وبطاريتنا بالحركة

ربي يكتب لج سفرة حلوة

اقتباس : المشاركة الأصلية كتبت بواسطة طوق الياسمين

ماشاءالله ياعيني على التقارير النارية

اختيارات الفنادق ممتازة

اهنيك على السفرات العائلية فعلا ممتعة

وفندقكم فطورهم ملكي تستاهلي ياشيخة الملكات

اما النصب غريب على الماليزيين يمكن الشيطان وسوس لهم قالوا عايلة كبيرة ماشاء الله ومعاهم اطفال ماراح يدققون

لكن الواحد لازم يكون حريص براڤو عليكم

مستمتعة مع الكنافة

الف لابأس عليك وسلامتك

هلا فيك طوووووووووووووق
اهلا وسهلا
انا عندي مبدأ يا تقرير ناري والا فلاااااااا
شكرا لك
النصابين هنود ما كانوا ماليزين للأسف المطع فيهم بكل مكان
بالعافية الكنافة اعجبتك ؟

الله يسلمك من الشر

اقتباس : المشاركة الأصلية كتبت بواسطة Deena

رفع ضغطي السواق الصيني ..

انا فعلا ما كنت أصدّق عنصرية الصينيين لحد ما شفتها بعيوني في هونغ كونغ ... الكره بيطلع من عيونهم

أما 8 ساعات لبينانغ!! مأساة صراحة وضياع وقت كبير .. وفوقها التكاسي بيحسبوا لكم الشنط والهدايا!!

بوتراجايا من أجمل الأماكن الي زرتها بماليزيا وبتمنى ارجع اشوفها كويس .. زرناها يوم جمعة عشان الصلاة بالمسجد فكانت زحمة نوعا ما .. ان شاء الله نشوفها برواق ..

اما البيتزا فمعك حق.. ما استطبت أي بيتزا في ماليزيا على عكس الأطباق التانية اطيب من اللي عنا .. حسيتهم فاهمين البيتزا غلط

موقف التذكرة الضايعة وقف قلبي معك هههه الحمدلله لقيتيها في الوقت المناسب ولا كان فوق التأخير تأخير تاني .. مرقت الحمدلله

دندون
السايق يذبح احنا مسكنا اخوي لا يتهاوش معاه ويطقه ونبتلش
زفينا ما قصرنا بس احنا بديرة غربة ما نبي الأمور تتطور وتعكر صفو الرحلة

اول مرة من سيلانقور الي بينانغ بالباص عادة كنا نروح بالطيارة
لكن اخوي حاب يشوف الطريق مرة ثانية يقول حلو
اول مرة نحجز باص مع الناس عادة باصنا بروحنا ( لما نرجع من بينانغ الى كوالا)

اتصدقين اي مكان بس يشوفون الشنط يتكلمون ان كل هذا هدايا عندكم فلوس وايد ونفط
حسبي الله عليهم
متعودين على الاجانب الوصخين اللي جناطهم نتفة وما معاهم الا غيار واحد طول الرحلة

هههههههاي البيتزا تمشي حالها وترا يفرق من فرع لأخر
جربناها في بينانغ عجيبة
الحمد لله ربي يحبني ولقيت الذكرة
والا كان صار علوم بشتري تذاكر جديدة ونتأخر زيادة بالمحطة والله اعلم نحصل حجز او لا
يومها كان يبيلي مساج بس بنيتي ما قصرتي حبيبتي دلكت راسي بالباص عشان اهدأ
ربي لك الحمد

اقتباس : المشاركة الأصلية كتبت بواسطة فيصل

ماليزيا افطارها راقي بأفضل الفنادق الخمس نجوم

مشرفتنا ما تحسين أن التنقل بأكثر من تاكسي متعب لكم

الكروز رحله حلوه

المسبح لازم توديعه من الأطفال

الصينين في ماليزيا لا تعليق

صحيح كلامك الافطار عندهم مرتب وحلو باغلب الفنادق
بالنسبة للتنقل باكثر من تكسي للضرورة بس اذا ما حصلنا فان للكل
لكن عادة نمشي ورا بعض
وكل عياله معاه عشان نتطمن اكثر لأن الكبار ما عليهم خوف لو ضاعو يقدرون يتصرفون

المسبح لاااااااااااااااااازم احنا نصبر ونوعد والله كريم
ما فيهم صبر وبصراحة ما ينلامون اجازتهم خليهميستمتعون عدل
الصينين من اقذر البشر اللي صادفتهم

اقتباس : المشاركة الأصلية كتبت بواسطة q8ya metnaqla

يابوووي اشوه ما صادفني هالصيني ولا صادف اختي چان كليناه بقشووره ويييع عليه حرني
عرب تاج راسك يا مال رأسك البط
اوووف قصه اشتكي عليه الحين يمدي دزيلهم ايميل
واااي بعد اكملت السواق لا بالله ما كدينا خير
انزين مافي قطار تروحون لها يتراوالي وأسرع وأريح لكم
الحمدلله لقيتوا التذكرة [emoji1374]
الفندق ماعندهم خدمه التوصيل لو متفقين معاه ؟

Sent from my iPhone using Tapatalk

ويييييييييي ابرار انا عصبية حيل ويالله مسكت نفسي مع اني زفيته لكن ما بردت قلبي عدل
خفت اخوي يتهاوش معاه ويطقة وتصير سالفة وبلوة بالسفرة
عاد ما اوصف لك صماخه كبر الرقية ام 23 كيلو مصيبه ويهه اشكبره

شيشتيني بشوف الاوراق للحين عندي وبدز ايميل للشركة

لا قطار ؟ ما اعقد فيه ما سمعت ولا مرة
كله باصات او تروحين بتكسي خاص

اما موقف التذكرة ما تصدقين لما اقولكم وقف قلبي الا شوية بغيت اطب ساكته

لا الفندق ما عندهم توصيل
اخذنا السيارات من عندهم

اقتباس : المشاركة الأصلية كتبت بواسطة أبن السلطنة

الحمدلله على النعمه و افطار شهي

الكروز رحله حلوه جدا

المسجد ماشاءالله بعد جدا جميل

الصينين ناس عنصرين بشكل سئ جدا

المفروض تقدمي له شكوى اول ما توصلي عشان يتادب

الله يعينكم على الطريق 8 ساعات

متابعين معاك اختي

تسلم اخوي على المتابعه
الصينين ناس ما يتعاشرون مع العرب اعوذ بالله ربي يقطعهم

فعلا الطريق صار طويل والسبب سايق الباص المستهتر

لما وصلنا كنت ناوية اشتكي ومع الوقت نسيت

اقتباس : المشاركة الأصلية كتبت بواسطة opera_kw

مره وحده رحت بينانق وعن طريق الطياره

بس بالباص شكله لويه

من صجج احنا لو اي شخص يتحلطم ولا يفتح حلجه بكلمه عن جناطنا ياااااوييييله نستلمه عدل

يكره عمره ليش انه تكلم

يبيلهم احد يرد عليهم

عمى .. جنه يايين ببلاش .. شتبووون

ماخذين فلوسكم وزود بعد

ليش محترين

شنسوي طلب اخوي يبي بالباص
والا العادة طيارة وبالردة الى كوالا باص خاص لعايلنا باص محد يشاركنا فيه

حسبالك سكتنا لهم اخوي يزف من صوب وانا واختي من الصوب الثاني
ونقرأ المعوذات ياختي الحسد على الخليجيين كبير بقلوبهم
مع ان بلادهم موفرة لهم كل شي

اقتباس : المشاركة الأصلية كتبت بواسطة ابو حسن 9

هلا وغلا اختي قصة حب
رحلة الكروز باين عليعا حلوة والسواق وجع في شكله ايش هدا انتم راكبين بحسابه كان من البداية زفيتوه ممكن يتعدل الله يعين بس علي ذي الاشكال ان شاء الله مااقابلهم
ايش هو تكسو سوق او معرض او ايش بالضبط
تصويرك جدا رائع استمري متابعين ولاتزعلي ممكن مع البرد وتغير الاجواء الناس تقلصت الردود والمشازكات
منتظرين باقي التقرير

يسعدني حضوركم جميعا ومتابعتكم والله
الكروز حلوة لكن مرة واحدة تكفي الا اذا عندك وقت تكررها مافي مانع
يقولون بعد الساعه 3 الجو روعه واحلى من الصبح

راعي الباص الصيني هذا من شركة توصيل
حجزناها من محطة البابصات وليس تكسي
ان شاء الله ما تشوفون نفسه هالاشكال

شكرا لك الحمد لله اعجبك تصويري

ان شاء الله اليوم نكمل حسب التساهيل وزحمة الشغل بالدوام

أبن السلطنة, kdsaeeed, فيصل و 5 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي العائلية 18 ليلة صيف 2015 من 16 يوليو إلى 3 أغسطس	abdullah h	تقارير لا تنسى	420	28-03-2022 11:13 AM
نحييكم من اندونيسيا في رحلتنا العائلية نوفمبر 2015	ابو تركي 99	بوابة اندونيسيا	95	24-04-2017 10:06 AM
الغردقة «ملكة المدن السياحية العربية» لعام 2015	وليد عنبه	بوابة مصر	33	01-04-2015 05:35 AM