20-12-2016, 12:25 PM
|
#1 |
عضو قدير
تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442 أوسـمـة: قصة حب |
كل الاوسمة:1 (more»)
| |  | ما شاء الله جزء جميل
كان الله في عونكم مرة في فقد التذكرة ومرة مع سائق الباص الصيني
لكن الحمدلله مرت الأمور على خير وكملتوا رحلتكم بوناسة ونسيتوا هذه المواقف التي تعكر المزاج أحيانا
كان يفترض حجزتوا باص إيرولاين من النت قبل السفر بأسبوع أو أسبوعين أو إنكم ما حصلتوا مقاعد شاغرة ؟
أنا بسفرتي في نهاية شهر 7 الماضي حجزت كل التنقلات بالباصات من النت ل 2 كبار و 3 أطفال عن طريق باصات شركة يونيتيتي من كوالا إلى الكاميرون ومن الكاميرون إلى بينانج وحجزت باص إيرولاين من بينانج إلى سيلانجور والحمدلله الرحلات كلها كلها مريحة ما يزيد المشوار الواحد عن خمس ساعات مع توقف واحد للباص بمنتصف الطريق
حبيت أنقل تجربتي مع الباصات
مازلنا مستمتعين معك أختي واصلي | | تسلم اخي الكريم من طيبك
ايه والله هالفقرة اسوأ شي بالذاكرة الآن بخصوص الرلحة الحمد لله عدت على خير
للأسف ما قدرت احجز اونلاين لأن أصلا رحلتنا كلها كانت ببتكنسل فماحبيت يصير خسارة زيادة
بالإضافه الى الغاء التذاكر لأنها غير مرتجعه يعني قيمتها تطير علينا كلها 
شكرا لك على ذكر تجربتك بارك الله فيك
تابع القادم ان شاء الله احلى  |
أأأأأأأخ ياقصة والله سالفة التذكرة وحالتكم وهي ضايعة هي اللي رفعت ضغطي والله ما أتخيل لو كنت مكانج طبيت أصيح بدل ما أتصرف
الصيني جليل الحيا ليتج شرشحتيه بردتي قلبي فيه ومادري ليش فاكرينا آبار بترول متنقلة من قاص عليهم!!
مرة كنا رايحين جنتنغ وسايقنا هالمرة حرمة ماليزية من أصول هندية تصدقين من صجها فاكرة بير البترول في حوش بيتنا لوووووول
ريلي بعد كل مرة يقول لهم ديرة مرة من فلسطين ومرة من الجزائر ومرة من تونس يخاف يطري الخليج ياكلونا حسبي الله عليهم
باسألج وين تحسين الشوبنغ أحلى شي؟؟؟ وهل زرتي أي أوت لت؟؟؟
ترى قضيت العطلة على أحر من الجمر عشان أستمتع بالأجزاء اللي تنزلينها ماحب أتصفح المنتدى إلا من مكتبي مادري ليش
| | ههههههههاي انا كنت بموت والله من الخرعة ربك ستر علي
يختي زفيناه بس ما حبينا نزيد الجرعه خاف تصير مشكلة واحنا بديرة غربة وهذيل مجرمين اعوذ بالله
لا ملة ولا دين
بالنسبة للنفط فعلا هم يفكرون جذيه اغبياء وايد
الشوبينغ كله بكوالا وشويه من جيرني بلازا والسوق الليل ما شفت شي زين شدني هالسفرة
اوت لت ما رحت ولا مرة بس تركيا وما عجبني كلش
وانا اقول وين اللي طلبت التقرير خلتني واختفت ؟  | انا ويني عن هالتقرير؟؟؟؟
توني اشوفه
شفت اول جزء بدايه رائعه يا قصه
ان شاءالله لي عودة | | امووووووووون هلا وغلا
والله حسبالي تدرين
حياك الله نورتي توقيع : قصة حب | كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ
لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك
| |
| |