08-01-2017, 10:57 AM
|
#1 |
عضو قدير
تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
| أوسـمـة: قصة حب |
كل الاوسمة:1 (more»)
| | 
 |
فين مطعم ماروش اللي قلتي عليه
ابدا ما انتبهت له
الاكل الهندي في بينانج جميل جدا
انا ذكرت مكان بأول الشارع اللي فيه فندقنا
بس شكلك ما انتبهتي
هههههههههههههههههه
والله ضحكتيني انت والموظفه
انا اهلي شايفين شريره لما اشتكي احد
عاد لو شافوك اش بيقولوا
شريره على حلالي وحقي
عاد مالي شغل بنظرة الناس ما يهمني بصراحة
بس تمام عليك تستاهل ما جاها
حزنت على المدير بس ان شاء الله يتعامل معاها وتعرف تنعدل
هذا اقل من جزاها
المفروض تنفصل 
بعيدا عن المبالغ المدفوعه المفروض يحترموا الزبائن
حبيت الرحله حق الجزيره
انا كنت قاريه عنها قبل سفرنا بس ماكان في معلومات كثيره
انت او اي مسافر المفروض تشوفين الرحلات المعروضة بالمكاتب السياحية وتختارين اللي يناسبك
بس بشكل عام الجو في نوفمبر ما يساعد ابدا لرحله زي كذا
ليش ؟؟ اشفيه الجو بنوفمبر ؟؟
الله على الذره المشوي نسميه في جده حبش
لذيذة وتلصق بالأسنان بس الطعم ناااااااااار
My World of Coffee and Chocolate House
كيف الشوكولاته عندهم والاسعار
الأسعار هالسنة زايدة
انا ما اشتريت منهم شي
رهيبه رحله جزيره القرود
وحلو أن فيها انشطه بحريه
تصدقي النصابين في شاطئ الباتوفرينجي
يقولولك تركب جيت سكي لحالك سعر ومع احد ثاني سعر غير
والسعر مبالغ فيه طبعا
صح كلامك 100/100
والله البراشوت متعه ما بعدها متعه
بس دحين بديت احس بخطورتها
وقت ما ركبتها ما كنت سامعه بالحوادث اللي صارت
بس الحمدلله جربتها حتى لو لمره وحده
ربي حفظك لا تجازفين مرة ثانية
يقولون السيفتي في براشوت لنكاوي افضل وايد
بس ما جربناه
وبعدين مع الهنديه الكريهه
والله الهنود هناك اللي شفتهم كانوا محترمين
مع اني كنت متخوفه منهم ومن التحذيرات اللي سمعتها
شكل الموظفه من العينه اللي تشملهم التحذيرات
ههههههههههههه وبقوة هذه حقيرة جدا
خطير المول كنت متمنيه ازوره بس ما قدرت
اهنيك على انك بتنوعي في الاكل
انا من متابعين المسلسلات الكوريه ونفسي ازور كوريا
السفر تجارب
ولازم تجربين كل شي
عشان تستمتعين
الاكل لذيذ ويغلب عليه الطابع الصيني والشواء متعة بالشوايه مالتهم وناسة
بس اكلهم لما اشوفه أحسه خبيص ولغوصه
وما اتخيل اكله
ليش لغوصة ؟؟
دجاج مبهر بكذا نكهة
ربيان فرش
سمك مقطع
اختاري الصوص اللي عجبك وحطي عليه واشويه
بالعكس ما حسينا انه غريب علينا
انا اطبخ هالنوعية من الاكل بالصويا بالبيت
لذيذ وناطع
اما حركه الغسيل والكوي لو صارت معايا كان اخذتها بحسن نية وماكنت حشوفه اسلوب نصب كويس نبهتونا
لان غسيلنا بنفسنا غسلناه في الشقه
ليش حسن نيه
اول شي قال حسابكم للغسيل بهالمبلغ
بعدين لما قسنا الوزن طلع الرقم الحقيقي اللي ادفعه
وعقبها طلع بحجة انهم مكوين
فالحركة واضحة نصب عيني عينك
الشقة حلوة اذا فيها غساله
سفرتي الأخيرة لتايلند كنا ماخذين فندق بس الغرفة فيها غساله
عجيييييييييب ما خليت شي وصخ واحنا راجعين ارتحت وايد
جميل محل تيسكو ما سمعت عنه ابدا
في منه في كوالا ولا بس في بينانغ
موجود بكل مكان سألي التكاسي ويعرفونه
انا زرته بكوالا بالسفرة الأولي
ماشاءالله حقيقي وداعا للرجيم في السفر
طاااااااااااااااااااف من اعماق القلب اي رجيم بالسفر
انا رايحة استانس
بس انا عكس الناس رجعت نحفانه كيلوين
كنت امشي مشي مو طبيعي واقضي وقت طويل برى
حسب الجسم سبحان الله
احنا طول اليوم بره ونمشي وايد مثلكم
اختي رجعت نحفانه
بس الباقي العكس 
وافطر فطور خفيف واكتفي بوجبه وحده
بس شهيتي كانت معدومه
واحيانا ما اكمل الاكل
ونفطر بالفندق وعشانا وغدانا وجبة واحدة
حركه السواق كريهه كان المفروض يحترمكم ويستأذن اول
انا له بالمرصاد مش علىكيفهم
دافعين حق باص خاص للعايلة
استمتعت معاك في جزئيه بينانغ
حياك الله نورتي
وصراحة انصدمت في الاخير لما كتبتي قائمه الاماكن اللي رحتيها
اغلب وقتك كان في الشاطئ وما كان لك زيارات لجورج تاون
بالعكس الشاطئ مو كثير رحناله طول وقتنا بره الفندق
جورج تاون زرناها بالسفرة الأولى ما فيها شي لفت نظري
شنو فيها حلو من وجهة نظرك ؟؟؟؟؟؟؟؟
مستنياك في كوالالمبور
| | ان شاء الله اليوم اذا ربي كتب حسب وقتي 
| توقيع : قصة حب | | كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ
لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك
| |
|  |
2291الاعجاب
العرض المتطور
المواضيع المتشابهه 
