تقرير جمييل وبدايه مشوقه
بس احسج سريعة عطينا تفاصيل اكثر لباريس الحب
الشانز والتمشي فيه روعه
والاوبرا روعه يبيلي ازور المكان
واما ايفل ونهر السين متعه بالوقت اللي اخترتيه
تخطيط ممتاز
المطعم الهندي كم سعره ؟؟ يعني غالي والا نفس اسعارنا
صوره حلوة من اللعبه للحديقة
يعطيج العافيه متابعين بس زيدينا تفاصيل اكثر
طماعه انا

صور جميلة و الاجواء كانت روعة خلال رحلتكم

بالفعل قوس النصر مايستاهل الصعود

كل الاماكن اللي ذكرتيها ممكن الواحد يوصل لها مشي من الشانز

شوفي الموضوع هذا للصور المقلوبة

http://www.arabtrvl.com/vb/t10589.html

يازين باريس خصوصا بشهر ابريل ومايو
الصور مقلوبه ياريت تقدرين تعدلينهم
عشان نشوفهم بصورة اوضح
متابعين التقرير الباريسي

السلام عليكم ورحمة الله وبركاته

مشكورين جميعاً على ردودكم اللي زادت حماسي في سرد ادق التفاصيل عن رحلتنا الباريسية

طبعاً ميزة اللي يسكن بشارع الشانز انه اول مايطلع من باب الفندق يشوف هذا المنظر الجميل



ناخذ كريب على السريع لان مشاورنا اليوم محتاج طاقة وتركيز



اليوم تغطيتنا راح تكون عن أشهر مكان سياحي في فرنسا كلها وهو "متحف اللوفر" مستحيل أحد يجي فرنسا ومايزور هذا المكان الجميل بصراحة من أجمل وابدع المتاحف بالعالم

محطة المترو القريبة من المتحف او بمعنى اصح في قلب المتحف هي : Palais Royal Musee du Louvre
من اول ماتنزلون من المترو راح تشوفون التماثيل ماليه المحطة




بعض الملاحضات عن المتحف :

ساعات العمل
الاثنين , الخميس, السبت و الاحد : من 9 صباحا الى 6 مساء
الاربعاء و الجمعه : من 9 صباحا الى 9:45 مساء
الثلاثاء : مغلق

اسعار التذاكر:
لدخول المتحف ومشاهدة المعروضات باستثناء المعارض المؤقته : 12 يورو
تذكرة دخول قاعة نابليون والتي تقام بها المعارض المؤقته : 13 يورو
التذكره الشامله للمتحف و المعارض المؤقته : 16 يورو
الدخول مجاني للي اقل من 18 سنه

المتحف كبير ويوجد به 4 قاعات وكل قاعة تحتاج تقريبا ساعه واكثر



طبعا اغلب التماثيل عاريه عشان كذا مااقدر انزلها بالمنتدى ، على العموم فرنسا تشتهر بالتماثيل بكل مكان في شوارعها وكلها عارية مع الأسف



اسقف المتحف كلها فنية



صورة المونليزا اللي الكل ذابح نفسه عليها والازداحم عليها



وهنا صورة خارجية للمتحف




وهذي البوابة مقابل المتحف واللي نهايتها تكون ساحة الكونكورد مثل ماذكرت لكم بالسابق انه يمكن الوصول للمتحف سيراً على الاقدام من الشانز مروراً بعدة اماكن سياحية جميلة



ناخذ لنا شي يسرسح على الكبد




الأن وبعد التعب في متحف اللوفر ، متوجهين للغدا السريع في مجمع 66 الي فيه مطاعم لبنانية متعدده ومطعم كشميري ومطعم مادري وشو بالضبط بس العاملين في المطعم من مصر وكان خاطرنا في برجر



ماودي اقولكم انه كان اسوء برجر أكلته في حياتي بس وش نسوي الجوع كافر ومافي خيارات برجر حلال في الشانز مافي الا برجر السمك

وعشان ننسى تجربة البرجر خلونا نروح لمكان جميل جدا في الشانز
يابنات ركزو في هذا البارت من التقرير راح يعجبكوم صدقوني

لويس فيتون - الشانزليزيه





المحل كبير وفيه عدة طوابق ، المحل عبارة عن تحفة فنية صراحة
بالنسبة للأسعار انا اشوفها ارخص لويس فيتون بالعالم ، وخاصة انه حنا يالخليجين نقدر نرجع التاكس فري بالمطار
التعامل : اتعب وانا اقول اكثر اكثر اكثر من رائع ، مع العلم انه عند دخولي للمحل كنت لابسه ملابس رياضيه كاجول ومريحه وليش وضحت هذي النقطة لان لما تروحون فرع دبي ولا اي لويس فيتون بالخليج يهمهم المظهر الخارجي في تعاملهم مع الزبون
بفرنسا لا لاحضت انهم يدللون اي شخص يدخل المحل من عند الباب

وهذا اول الدلع



طبعا لاحضو لسى مابعد نشتري شي بس اول مادخلنا وقعدنا نتناقش معاهم شنو خاطرنا فيه قالو وش تشربون اخذنا جولة

مارح نستعرض البضاعة المعروضة و المشتريات لانها مارح تفيد اعضاء المنتدى
لاكن الجزء المهم هو هنا



هذا في وحدة من ادوار المعرض عندهم خاصية جدا جميله وش هي ؟
كتابة او طباعه حروف او حروف اختصار اسمك على اي حاجة تشتريها من لويس فيتون "مجاناً" وفي خلال 10 دقائق فقط

الفرع اللي بدبي يسوي لك هالحركة بس تاخذ شهور تقريبا

اما فرع الشانز لا اول ماتشتري تصعد فوق معاك الفاتورة وتبدأ تضبط نفسك



وطبعاً المكان هذا هو نفسه اللي يقوم بتصليح اي حاجة خربانه او اي مشكلة في مقتنياتكم من لويس فيتون هذا اذا اخترب شي طبعا



انواع الخطوط والوانها على حسب انت شنو تختار او تبي تكتب

طبعا برضو اذا جيت هنا يسألونك شنو تشرب يضيفونك اول بعدين يسألونك شنو الخدمة اللي تبينها



وبعد ماطبعنا الانشل على البوك نقول لهم شكرا جزيلا لويس فيتون نلتقي قريباً باذن الله تعالى




بما انه احنا ظلمنا نفسنا في البرجر اخذا لنا صاروخ شاورما من مطعم البارون ومن وجهة نظر شخصية الذ شاورما اكلتها في حياتي ، مطعم البارون مطعم لبناني حلال في الزرنوق اللي في الجهة المقابلة من لويس فيتون يعني الشارع المقابل في لفة محل سواتش بستعرض لكم معلومات عنه اكثر من الايام المقبلة


مشكورين جميعاً

حبايب قلبي يمكن الكثير يقول تستعرضين لنا مكانين كل يوم او مكان سياحي واحد ليش ؟
جلسنا فسي باريس 9 ايام رحنا كل الاماكن السياحية تقريباً فحاولنا انه يوميا نركز على مكان واحد فقط ونرجع نلفلف عن الاماكن القريبة من عندنا في الشانز زي الشوبنق وغيرها وبالنسبة للمتاحف كبيرة وضخمة وكانت تاخذ منه ساعات طويلة لفلفه داخلها

ما شاء الله تبارك الرحمن
تقرير يبيله قراءه بتمعن
خميسنا فله والوقت يمضي
لي عوده بإذن الله