فيا بورت فينسيا

opera_kw · 03-12-2016, 12:14 PM

via port Venezia

مول فيا بورت فينيسيا في اسطنبول .. بعضهم يسمون المنطقه غازي عثمان باشا او سلطان غازي بس علشان لا يختلط عليكم الامر لانه سلطان غازي عندهم مول اسمه فينسيا .. هذا غير عنه

هذا اوتلت مول مستوحى تصميمه من فينسيا الايطاليه و متصل معاه ابراج عباره عن مكاتب و شقق للايجار او للتمليك

المشروع كان وايد يسوقون له بالمعارض العقاريه من سنه 2012 و تم تسليم الشقق للمالكين بسنه 2014 تقريبا

وكانت الاسعار تبدي من 180 الف لي 600 الف ليره ... المكان يستحق السكن و لو ماكان عندنا سكن خاص باسطنبول جان شريت هناك

اما المول افتتح بسنه 2015

وايد مشروع جميل للشقق على اطلاله حلوه مثل فينسيا

المنطقه اسمها Kucukkoy للي يبي يوصل لها عن طريق التاكسي من الاستقلال او من سلطان احمد او شيشلي او اي مكان

او عن طريق الترام

او عن طريق المترو ومحطه النزول من المترو اسمها Metris

غالبا اروح اسطنبول بايام قليله .. واعتبرها زيارات للنقاهه والراحه من المشاغل وكسر للروتين اليومي بالحياه

علشان جذي ما اكتب تقرير بهذي البوابه لانه السفرات كلها سريعه و تكون للراحه

بس هذا المول قلت لازم اكتب لكم عنه لانه (من رايي) لازم تروحون تشوفون

اسطنبول مو بعيده يعني 3 ساعات ونص بالطياره مو وايد ف مو خساره اني اروح ويك اند ( خميس - جمعه - سبت) وارجع

كانت السفره هذي بشهر 10 تحديدا من تاريخ 27-10 لي 1-11- 2016

واللي زاد جمال المكان انه الجو كان جميييل مائل للبروده

من مكان سكنا انطلقنا بالتاكسي للمول

وهذي بعض المحلات

اغلبهم ماركات تركيه معروفه

بضاعتهم ممتازه .. جوده عاليه واسعار رخيصه

المكان جميل مو بس للتسوق

الكافيهات قعدتها حلوه

و التمشي كافي اصلا

احنا كنا رايحين بفتره العيد الوطني لتركيا

و اغلب المحلات مسوين خصم

و بالاوتلت الخصم اكثر

يعني شريت عزكم الله جواتي رياضيه ماركه نايكي و اديداس بسعر 60 لي 90 ليره و موديلات يديده

غير محلات الاواني المنزليه عوار قلب والاسعار تغري للشراء

بعد فتره من التسوق

قعدنا بهذا الكافيه

طلباتنا

قهوه وجاي

وكيكه جوز الهند بس كانت عاديه

و في قوارب صغيره ممكن تركبونها و ياخذونكم فيها بجوله

بعدها نزلنا للسرداب

الديكور هادي مريح للعين

و هذي صوره ليله

في مجموعه من الكافيهات والمطاعم بس ماصورتهم

كانت جوله سريعه لكم حول هذا المول

وان شالله اكون اضفت لكم ولو بجزء بسيط

زهرة نيسان, q8ya metnaqla, kdsaeeed و 8 آخرون معجبون بهذا.

العقرب · 03-12-2016, 02:14 PM

تقرير جميل وجاء في وقته

مول فيا بورت فينيسيا في اسطنبول

من ضمن الاماكن الى علي جدول رحلتى القادمة لتركيا

يعطيج العافيه اختى اوبرا

الايمان, فيصل, آخـــرفـــرصـــة و 1 آخرون معجبون بهذا.

زهرة نيسان · 03-12-2016, 06:32 PM

بارك الله فيك
جلسة المطاعم على مجرى النهر جدا جميلة

آخـــرفـــرصـــةمعجبون بهذا.

الفراهيدي · 04-12-2016, 08:28 AM

ما شاء الله معلومات ممتازه وشرح كافي منك

زرت المول العام الماضي وهو جميل جداً ومرتب

محطة الترام القريبه منه مقفله لابد من النزول في المحطة قبل متريس

او بعدها وتكمل مشي

آخـــرفـــرصـــة و فيصل معجبون بهذا.

الدوسي · 04-12-2016, 11:47 AM

بارك الله فيك

جميل و إضافة لجمال اسطنبول

آخـــرفـــرصـــةمعجبون بهذا.

آخـــرفـــرصـــة · 04-12-2016, 01:12 PM

طريقة عمل القهوة ملفته
و ألوان المول فعلا مريحة و هادية
اسطنبول قريبة و ويكند حلو فيها

الله يسعدك

الايمان و فيصل معجبون بهذا.

الايمان · 04-12-2016, 01:19 PM

سووا دعايه كبيرة لهذا المشروع بالكويت وايد كويتيين شروا فيه
ياريت تحطين الاسعار بالكويتي كم ؟؟؟
حلوه فكرة الويك اند باسطنبول خصوصا الخطوط الكويتيية كانت مسويه عرض على التذاكر ب47 دينار

فيصل و الفراهيدي معجبون بهذا.

فيصل · 04-12-2016, 02:13 PM

جميل جدا من المولات اللي إن شاء الله بزورها
شكرا لك

شارلوك هولمز · 04-12-2016, 02:17 PM

رائعه حسيت هدوء

فينيسيا غير

كل الشكر لك على التقرير الرائع

هولمز

هدوء العالم · 04-12-2016, 06:51 PM

ماشاءالله مكان جميل
فينيسيا اسطنبول
الله يعطيج العافية اختنا
على التقرير المفصل والصور الجميلة

الفراهيديمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الأوروبية الأولى (رحلة العمر) إلى باريس .. روما .. فينسيا .. و أثينا ..	حكايات مسافرة	بوابة فرنسا	83	30-08-2021 03:33 PM
منتجعات رائعه في بورت ديكسون ماليزيا	hearty	ماليزيا	17	12-04-2016 03:55 PM
زيارة الى اوت لت بيستر فيلج و فري بورت برينتري	ابو عبدالله	اوروبا	15	02-08-2015 10:52 PM
فندق نيديا غالاتا بورت	faisal88	تركيا	1	04-07-2015 03:20 PM
مقتطفات من بورت ديكسون .۔ بعدسة خليلها	أبوعبدالله (الاسفار )	ماليزيا	4	19-03-2015 04:15 AM