(العمرة إلى العمرة كفارةٌ لما بينهن)



وتمر سنة تقريبا ونعيد العمرة

ويا حلاة العمرة بكل اوقاتها

وطبعا بحكم العمر احنا نفضل الوقت اللي مايكون فيه زحمة

ربي يزيد المسلمين ويشغلهم بطاعته



كانت عمرتنا في يوم 31 / 10 / 2016

يصادف اخر يوم من شهر محرم

يعني قبل لا تفتح الفيز والتأشيرات لباقي الدول الأسلامية بيوم



حجزنا كان قبلها بأسبوع ما حصلنا فيه وحصلنا بهاليوم

حجزنا من قبل الشركات اللي عندنا يوفرون لنا البكج تذكرة وسكن مع الفطور.....وشغلهم يوصلك للبيت ياخذون صور للبطايق بالواتس

ويوصلون الحجز لك للبيت وتدفع بالبيت























وندخل المطار ونستودع البلد والولد







وطلعنا البوردينق ...طيرانا كان ناس







جناطنا كانو كبين سايز

فدخلناهم معانا داخل الطيارة



رحنا ندخل البوابة والا يقولون لنا روحو جهة الدرجة الأولى

وشفت التذكرة صج الدرجة الأولى بس احنا حجزنا عادي

المهم فهمت ان كان بس علشان الدخول للاونج الدرجة الأولى







وش ورانا نروح

مع ان وقت طلعتنا كان الساعه 1 الظهر بس تغدينا على الخفيف الساعه 12 ما نشتهي ناكل هالحزة

فكان فرصة نكمل الغدا والا اشرايكم ..بس صلينا العصر...ورحنا البوفيه





















اشتهيت باستا



























[















اختياري



















في واي فاي















صعدنا الطيارة بالوقت المحدد

وكانت متروسة ولا أبشركم كراسينا قبل الأخير لأننا تأخرنا بالطريج كان زحمة مفروض نطلع أبجر بس المهم وصلنا قبل ساعة



















المنيو.... طبعا للي يحب يشتري ياكل ...وفي وجبات تطلبهم اون لاين لازم قبل الحجز











والا تبون تشترون هدية من الطيارة













تعليمات السلامة الواحد حتى لو حافظهم يراجعهم احسن











وبدت تمشي الطيارة





















وقفت الطيارة هني ...شايفين الطيارة اللي ياية













شفتوها...













فيديو لحظة ما تتطوف صح



الفيديو من صورة للايفون 7
تتحرك الصوره اذا ضغط عليها سويتها لكم فيديو

https://vimeo.com/194228775



وهني فيديو لحظة الاقلاع احلى لحظه عندي

https://vimeo.com/194229472




طلبت كباتشينو لي ...













خلصت.....باقي شوية بالقلاص







المهم صار موقفين بنفس الوقت ...لي ولبوحسين

واحد زين وواحد شين



الزين لبوحسين راح تكرمون يلبس الأحرام ...دخل الحمام والا يشوف فلوس وايد يقول على الرف

والحمدلله ان في ورقة رقم الكرسي بين الأوراق

قام بوحسين وعطاهم للمضيفة وودتهم لصاحب الكرسي مسكين استاااانس ما يدري انه ناسيهم بالحمام



اما موقف ام حسين الشين

وصلت المضيفة لنا وتبي تأخذ الاكياس والاكواب

وكأنها بتطوفني وتسولف مع الواقفين وبتروح

ناديتها كم مرة ماهي سامعتني وانا مادة الكوب لها....بوحسين للحين بالحمام تكرمون....وفي شخص ثالث يمنا طبعا

المهم انا مادة ايدي في اللي واقف واللي قاعد يمي بيمسكون الكوب....وانا بعطيه اللي يمي لأنه اقرب لي....

انا على مدة ايده عطيته الكوب والا هوب ينقلب على احرامه...

ام حسين يا فشلتج فشلاااااااااااااااااااه

واااي قلت له اسفة مادري قال بسيطة

الغلط منه ما مسك الكوب عدل صح

مو مني ابد ابد

المهم مسكين طول السفرة والريال ينظف احرامه

يوم يه بوحسين ...قلت له قال ميخالف اتاسف منه ضبط الأمور اشوه



المهم نكمل تصوير ما حصل شي



هذا المنظر شايقته من زمااان وشفته هالمرة استانست











































بين انا وصلنا









































كااا بيت بوغسان وهذاك بيت بوعمر...





















































ووصلوا الباصات بعد الهبوووط السلس

الحمدلله على سلامتنا









تمت الأجرائات بسهولة لي

وقعدت انطر بوحسين اللي قعدوا يبصمونه ومادري شنو مع انه ياي قبلها ....مادري بوحسين غلط ...والا اللي قاعد يشيك غلط

المهم خلص بوحسين عقب ربع ساعه اونص ساعة





خلصنا وجناطنا معانا...

والحين .....طبعا تعرفون اهل التكاسي وغيرهم اللي يكونون واقفين يبون يوصلونكم لمكة
وابوحسين كل من يه يمه قاله بكم اللي يقول له 300 ريال واللي يقول 250 ريال
بوحسين يقول له لا
وقال نطلع بره ونشوف
اول ما طلعنا ونشوف شاب واقف قاله بوحسين كم قال200 ريال وافق بوحسين
اللي تعجبت منه ان بوحسين يسألهم عن نوع السيارة هههه
يبي سيارة قوية
وسبحان الله هالولد سيارته هيونداي وافق بوحسين يقول ارتحت له مادري اشلون
عندي رقمه للي حاب يتواصل معاه بيكون اجر لكم لانه يعاني من مرض انيميا حاد

رحنا معاه المواقف وطلعنا معاه قلت لبوحسين اقعد ورا معاي
وياريتني ماقلت له

طول الطريج سوالف مع الولد
نظرية بوحسين ان اذا قعد يسولف معاه فماراح يسرع
وينتبه على الطريق
بس الله يهداك يابوحسين انت قاعد تسولف والولد ساعات يلف راسه بيرد عليه .....المهم الطريق ظلمة يقول طريق جديد
يمكن انتو تعرفون الطريق طلعنا على مسجد السيدة عائشة

‏


صور من الطريج بعد ما شفنا الليتات
تقريبا وصلنا


‏


‏


‏


‏


‏


‏


‏


‏


‏


‏

احب ها المجسمات ومعانيها

‏


‏

برج الساعة

‏


وصلنا الفندق
الفندق كان رويال دار الأيمان
وهو بيكون بأبراج الصفوة

الأستقبال زحمة طولنا على ما اخذنا التشيك ان

‏


‏

هذه الصور الأستقبال كانت بالفجر لأن اول ما وصلنا كان زحمة

‏


‏


‏

عطونا كوبونات الريوق ليومين

‏


‏

وهذه الغرفة اصورها لكم
غرفة رباعية 3 سراير بغرفة وحدة

‏


‏


‏


‏


‏


‏



‏


وفي غرفة صغيرونة بدون باب فيها سرير وقنفات وفي لها جهاز للتكييف خاص فيها


‏


‏


‏


تكرمون الحمام نفس حمامات فندق الصفا

‏


‏


‏

حساب اربع اشخاص

‏


الضيافة مالتهم احنا نستخدم بس الماي

‏

محول الكهربا للغرفة وكل واحد مكتوب عليه مال شنو

‏

بس ريحنا وصلينا المغرب والعشا رحنا نتعمر

اول صور لساحة الحرم والله انها تشرح القلب

‏


‏

ولازم تصوير الساعة والا ما يصير

‏

اقرب باب لنا

‏


‏

بعد الطواف صلينا ركعتين خلف مقام إبراهيم وريحنا وتصورنا وصورنا

‏


‏


‏




‏


‏


‏


‏

‏


‏


‏

‏


‏


‏


‏




ورحنا نشرب من ماي زمزم وهذه من السنن اللي سنها الرسول صلى الله عليه وسلم









وبعدها الى المسعى

قالو لنا روحو من الطريج الثاني لبداية السعي من الصفا

وام حسين للحين تصور من يطوف هالمكان وما يصوره






شايفين الاقواس الصفراء هذه مثل مظلات خشبيه



هني من فوق واحنا صاعدين علشان نروح المسعى
مثل البلكون والله وايد حلو المكان وشوفو المنظر من فوق ....ماخلونا العمال بينظفون
قلنا نيي مره ثانيه بعد السعي






وووودعت بوحسين بعد ما آجر لي الكرسي ب ٧٥ ريال

وواعدته انطره عند جبل المروه



وهذا انا خلصت واخذت مقص من وحدة وقصيت من شعري

وتعجبت من جبل المروه يا جماعه مو كان مرتفع اكثر من جذيه والا انا حلمانه ؟؟؟؟
ليش الحين بس بالارض والناس قاعدين عليه







سؤال هل الصخور هني مغطاة بماده تحميها ؟؟؟ والا شكلها جذيه



اخذت كرسي وانطر بوحسين






والحمدلله كانت عمرتنا خفيفة وسهلة وميسرة

‏

طلعنا وسيداااا للوقف ندور الأكل يوااااعه

انا اخترت اقرب مطعم هارديز ....بوحسين راح يدور مطعم عيوش









واضح التعب على ام حسين هههههه
كله من الخشونه مو مني




الحمدلله شبعت
وبعد ما تعشينا ردينا الفندق ونووووم من التعب

قعدنا للصلاة الحمدلله قبل الوقت بساعه الا ربع تقريبا
وتجهزنا وطلعنا لصلاة الفجر بالحرم
ربي يحفظ المملكة موفرين كل شي لخدمة المعتمرين والحجاج
صليت ركعتين سنه وقريت القرآن لحد ما تقوم الصلاة

‏

لاحظت ان اليهال مع اهلهم قاعدين ساكتين ....سبحان الله بس تقوم الصلاة ونصلي يبجوون
وتسمعهم واحد يرد على الثاني بالبجي چنه يقول له انا ابجي اكثر منك
والله بعرف الام اشلون تخشع بالصلاة ؟


بعد ما رجعنا قلنا نروح نتريق وقعدنا ننطر تصير الساعة 6 ونص افتتاح الريوق.....قعدنا باللوبي الصالة الثانية

‏


‏


رحنا المطعم اللي فيه الريوق ...عطيت الموظف كوبونين ودخلنا لقيناه مليان يعني الساعه ٦ تقريبا فاتح مو ست ونص

البوفيه منوع وكل شي فيه ...بس الحمدلله على النعمه مو حلو
ما عجبنا المخبوزات كلها يابسه ناشفه مافي شي لين
والأكل مافيه طعم مو مثل الموفنبيك لا
هذه اختياراتي



اكلنا ورجعنا ننام ....نشوفكم بعد مانصحى وين نروح

عمرة مقبولة باذن الله

ما شاء الله
عمرة مقبولة

الله يحييكم أنت و أبو حسين
وداكم من الطريق الجديد وهذا يختصر واجد عليكم
لكن ميزة طريق الحرمين أنه ونيس لكن هذا الطريق ماعليه خدمات
مستقبلاً راح يكون هو الطريق الاكثر استخدام للحجاج والمعتمرين

الصور تشرح الخاطر
يا زين الهدوء و الطمأنينة حول الحرم

ودار الايمان قريب جداً وهذي ميزة كبيرة
اختيار موفق للسكن

متابعين

ليش ليش ما تظهر عندي الصور

ما شاء الله
عمرة مقبولة
تقبل الله منكم كل عمل صالح

تقبل الله منكم يا أم حسين و جزاك الله خيرا لمشاركتنا تفاصيل الرحلة و الصور[emoji259]
يا رب ترزقنا عمرة قريبا يا رب

Envoyé de mon GT-I9105P en utilisant Tapatalk