دبي ...نص يوم

توبليرون · 10-12-2016, 12:56 AM

السلام عليكم
احلى أعضاء
شبكة ومنتديات العرب المسافرون

رحلة سريعه لدبي مع موافقه سريعه
وقبل التردد حجزنا التذاكر انا وبنتي وولدي ...حابين نروح يوم واحد لشغله بيشتريها يوسف

حجزنا الساعه 4 تقريبا ونوصل الساعة 6 ونص صباحا توقيت دبي

هذه تذكرتنا انا وبنتي وويوسف تذكرته بروحه لأن احنا تعلقنا معاه [emoji6]

نشوف الصور
ملاحظه " الصور متحركة لأن التصوير من ايفون 7 " فيعني اللي يحفظها ويضغط عليها بيشوفها تتحرك .......والصوت عاد ستروا على ما واجهتوا [emoji849]

نشوف وصلنا المطار ووقفنا السياره بمواقف المدى الطويل يكون أرخص مو مثل المواقف العاديه
وركبنا سيارة الغولف وصلونا لبوابة المطار

اول شي صرفنا فلوسنا الى دراهم
عطيناه انا وبنتي دينارعطانا درهم

اخذناهم وما عديناهم حسبنا يوسف عدهم

الدخول للبوابات

السوق الحرة

الكافيهات قالو يمه تعالي ناكل شي قلت لهم روحوا انا ما اقدر قبلها بليله انا بالمستشفى ماخذه دريب وابر مسكن لمعدتي

اكلوا بقاعة الماستركارد
وانا قعدت انطرهم عند البوابه

وصعدنا الطيارة ماكان في وايد مسافرين
قعدنا بالنص ابي دريشة
بس لازم يصعدون كل الركاب واذا تسكرت البيبان نقدر نغير مكانا

شوفو شطانة يوسف ...ولا يبي يلصقهم على حجاباتنا ههههه

زين عطوه يكتب اقتراحات ورأيه بالطيارة

انا أهم شي أشحن أيفوني علشان أصور

بعدها توزعنا انا رحت يم الدريشه
مكاني المفضل

وتصويري لازم وقت الطيران وبالليل الأضاءة تصير أحلى

انحشنا عن يوسف شبعان نوم واخته اقعدت بالكراسي اللي وراه
بتنام

انا ما نمت

الريوق ....

اول مره ريوق الامارتيه ما عجبنا ...قبل أحلى بوايد..
الحمدلله على كل حال أكلت الكرواسونه وشوية جبنه بيضا

شروق الشمس

الغيم

قلت خل اشوف فيلم ...حطيت طرزان مع اني شايفته بس مالي خلق خليته جذيه

السفن

سامحونا صورنا بيوتكم من فوق

وطبت الطياره ..على المدرج الطيارة تمايلت يمين ويسار ..كأنها عرت فينا وردها الكابتن وهي تمشي بسرعه

ووصلنا لصالة المطار ...بباص

يوسف افندي

اول شي قلت لهم الصلاة طبعا بعد ما اخذنا جنطة يوسف
دخلت المصلى ماكو الا انا وبنتي

مكان الوضوء والممر يفتح اللايت توماتيكي اذا مريتوا

الصينين ...يسحبون الدراهم

ويوسف عبى خط تلفون علشان يتواصل مع صديقه
اييب له الشغله

أرسلت بواسطة iPad بإستخدام Tapatalk

طوق الياسمين, أبن السلطنة, عشقي السفر و 9 آخرون معجبون بهذا.

توبليرون · 10-12-2016, 12:57 AM

واخذنا تكسي ويلا وين نروح

الحين مبجر على السوق ...قلت لهم الممشى الجديد
قالو للسايق ورحنا الجي بي آر الجديد

ورحنا ...ياحلو دبي من زمان ما ييتها

https://vimeo.com/195040954

وشفت البرواز [emoji1303][emoji1256]

ترى عيالي الشباب يحبون يسولفون مع السايق
طالعين على ابوهم [emoji41]

https://vimeo.com/195041744

https://vimeo.com/195041885

وصلنا صح

نزلنا وطلع حسابنا درهم

ورحنا نتمشى داخل ندور مطعم بنتريق وكوفي جذيه يعني

أكشاك صغيره حلوه للسناك ...طبعا الصبح مسكرين

ومحلات ماركات

محل عجبني من حاويات التصدير

وهذا مطعمنا .....المكان هني ماشاءالله مليان ناس
وكان في عمال يركبون منصة عرض وكشافات مادري شنو بيعرضون ذاك اليوم

عجبتني الأضاءة معلقه على الشجر

المنيو من الأيباد

والورق

العاب للاطفال

هني تركيب المنصه

وصول طلباتنا

كابتشينووي

اومليت خضار مع بطاطس

وبيض بالسبانخ

وكريب بالفواكه والنوتيلا والعسل

قعدنا نوزع فلوسنا انا وبنتي
لقينا فرق 800 درهم زياده
خشيناهم وقلنا اذا رجعنا نردهم للصراف
لو تلاحظون في صوره مطلعين الدراهم

بعدها قلنا يلا نروح لدبي مول ،،، نتمشى هناك ويوسف مواعد صديقه هناك

أرسلت بواسطة iPad بإستخدام Tapatalk

الايمان, أبن السلطنة, عشقي السفر و 8 آخرون معجبون بهذا.

توبليرون · 10-12-2016, 12:59 AM

ونصور من الجي بي أر
لحد دبي مول

ودخلنا المول ..

المحلات فاتحين بس ما يستقبلون الزباين الا الساعه 10

نشوف الخريطه

هوليستر دشينا وطلعونا لازم تصير عشر

ودشينا ال في ...ولقت بنتي الجنطة اللي ماحصلتها بلندن
وشرتها

جنطتها البنيه اللي بالرف ...نص الصورة

عجبتني سيارة الورد

ماعندنا محل كيلز بالكويت فرحنا نشتري كريمات للبنات موصينا

وطلعنا بمشتروات غير اللي موصينا عليه بعد

ورحت شريت لي بخور ولقيت عندهم عرض تاخذ توله يعطونك توله ببلاش
تاخذ عطر لك نفسه هديه
اخذت لي اوقيه بخور وعطاني نفسها

واخذت عطر ليالي عجييب
وعطاني ثاني نفسه

تجمع سواح صينين

عند الباب ننطر يوسف

طلع عند الباب الثاني عند مكتب صندوق الأمانات
غالي والله حط جنطته يوسف ب 70 درهم

المكتب خلف نموذج الطياره

كان نفسي بالبريييد
قال يوسف يبيلي ربع ساعه احط اغراضي بالجنطه
قلت اروح اشتري لي برييد كيفكم انتو

من هذا برييد باريس

وبعدها على المكتب ونحط اغراض يوسف
ناخذ تاكسي وعلى المطار تقريبا الساعه 11 ونص

الايمان, أبن السلطنة, ام زياد و 6 آخرون معجبون بهذا.

توبليرون · 10-12-2016, 02:54 AM

والتاكسي للمطار

هذه قناة دبي المائية ؟؟

ويوسف مع الحمالي ....خدمة تحميل الأمتعه حلوه
لكم كاونتر بروحكم لأنه يساعدكم لحد ما تدخل الجنط وهو يحملها وينزلها ويقيس وزنها

وندخل البوابات ندور الله يسلمكم بريت اي بريت قالو لنا بمطار دبي
اصلا انا رايحة علشان بريت
وشنوو طلع بتيرمنال 1 واحنا بتيرمنال 3

ركبنا سيارة الغولف والسايق يقول لا
قلنا له بنركب ودنا ما نقدر نمشي

وزين انا ركبنا وصلنا لحد اخر بوابات الحرف B
واحنا بوابتنا ب C

المهم وصلنا وردينا ركبنا سيارة ثانيه لحد بوابتنا رقم c17
يعني لو مو راكبين السياره چان مت من المشي

وطلع بعد التريمنال 1 قريب علينا
بس ما نقدر نروح له

اصلا اللي يشتغلون هناك يقولون شنو بريت ما نعرفه

قلنا بلاها

وهني يوسف صعد الأصنصير وانا اقول وين اشلون بنصعد نوصل للسقف هههه

هني بسيارة الغولف

https://vimeo.com/195050053

https://vimeo.com/195050138

يوم فلسنا من بريت قلنا نتمشى بالسوق الحرة .... طبعا احنا صرنا بالمطار القديم

خلصت ورحت حق يوسف لقيته يتغدى اسيوي [emoji40]

واما انا وبنتي رحنا للهندي ....طلبت وقلت له وصله للطاوله لي

يابو غدانا

صعدنا الطيارة
اللي كانت مليانة بنغاليين

ومساكين بعضهم ما يعرف شي اول مره يوصلون الخليج
المضيفين بالرحلتين كانوا وايد حبوبين ومتساهلين ومتعاونين مع الكل وعجبتني طريقتهم بتوضيح الامور وخدمة البنغالين البسطاء

الطيارة من النوع القديم

وصل الغدا ....وبعد ماعجبنا
مو من عوايدهم الامارتيه جذيه أكلهم

البنغلاديشين وهم واقفين بينزلون بسرعه

ووصلنا الديره

https://vimeo.com/195051808

ومشترواتي مخصوص لي

وسلامتكم
انطروني بتقرير جديد لسفرة جديدة

أرسلت بواسطة iPad بإستخدام Tapatalk

az108t, الايمان, أبن السلطنة و 9 آخرون معجبون بهذا.

الايمان · 10-12-2016, 02:54 PM

الحمد لله على السلامة ام حسين
حلوه السفره السريعه
ذكرتيني بسفرتنا الى دبي رحنا الساعه 7 الصبح ورجعنا الساعه 9 بالليل استانسنا وايد لكن تعبنا وايد

حسافه مالقيتوا بريت

Sent from my SM-G925F using Tapatalk

توبليرون, سوسو الصغيرة, آخـــرفـــرصـــة و 1 آخرون معجبون بهذا.

توبليرون · 10-12-2016, 03:34 PM

اقتباس : المشاركة الأصلية كتبت بواسطة الايمان

الحمد لله على السلامة ام حسين
حلوه السفره السريعه
ذكرتيني بسفرتنا الى دبي رحنا الساعه 7 الصبح ورجعنا الساعه 9 بالليل استانسنا وايد لكن تعبنا وايد

حسافه مالقيتوا بريت

Sent from my SM-G925F using Tapatalk

الله يسلمج امون
اي والله حلوه بس تعب ماكو نوم
وبريت ملحوقه ان شاءالله اللي يايين من لندن باجر ايبون لي هههه اختي راده باجر
ان شاءالله نكررها بس اكثر ساعات
شكراا لمرورج الحلوو

آخـــرفـــرصـــة و فارس من خيال معجبون بهذا.

أبن السلطنة · 11-12-2016, 07:14 AM

ماشاءالله سفره جدا سريعه مافيها راح ابدا

من المطار على جي بي ار
ومن جي بي ار على دبي مول

الله يكون في عونكم ان شاءالله

اتمنى انها كانت رحله موفقه ليوسف

دمتي في ود

توبليرون, آخـــرفـــرصـــة و فارس من خيال معجبون بهذا.

توبليرون · 11-12-2016, 09:51 AM

اقتباس : المشاركة الأصلية كتبت بواسطة أبن السلطنة

ماشاءالله سفره جدا سريعه مافيها راح ابدا

من المطار على جي بي ار
ومن جي بي ار على دبي مول

الله يكون في عونكم ان شاءالله

اتمنى انها كانت رحله موفقه ليوسف

دمتي في ود

الحمدلله كانت تمام ...يوسف متعود يروح ويجيب شغلته ويرد ...سريعه حبيت اجربها وشفت اللي ابيه الحمدلله ...شكراا لمرورك

أرسلت بواسطة iPhone بإستخدام Tapatalk

أبن السلطنة, آخـــرفـــرصـــة و فارس من خيال معجبون بهذا.

abo_alhish3 · 11-12-2016, 10:34 AM

سلام عليكم ورحمة الله ويركاته

معليش ع اامداخلة .. الرجاء من مشرف القسم التواصل معاي للصرورة وشكرا

مشاركاتي اقل من ٥٠ ف ما اقدر ارسل ع الخاص

توبليرون و فارس من خيال معجبون بهذا.

المجتهد · 11-12-2016, 11:05 AM

سلام عليكم
الحمدلله على سلامة وامتعتونا بهذا التقرير القصير
لكم الشكر

توبليرون, آخـــرفـــرصـــة و فارس من خيال معجبون بهذا.