أهلا وسهلا أشكركم على الموضوع الحلو لأنه عن جد المواقف ما بتخلص في السفريات وعن نفسي انا راح احكي لكم على موقف ما نسيته لأنه حصل في أول سفرة لي على أوربا وما كنت أعرف شنو هو التحضير المسبق. المهم عملت برنامج في 10 أيام على ثلاث دول اسبانيا فرنسا وهولندا الساعة اللي وصلت فيها عالمطار لقيت روحي ناسية الفلوس في البيت وكنت أسكن في كازا مع صديقتي في العمل المهم وصلت المطار اذكرت الفلوس بقيت أفكر شنو بسوي وما عندي وقت اول ما فكرت ادكرت صديق كان يشتغل معي ويمكن اقول انه كان دراعي اليمين كنت رئيسته في الشغل بس هو الوحيد اللي ديما يشتغل ويشغل دكاؤه من غير ما اطلب منه شيء ادكر داك الوقت إنه هو كان في العمل وعنده سيارة العمل وطلبت منه يروح على بيتي بيلقى صديقتي وقلت له الفلوس عندي في الغرفة لما تدخل البيت ارجع اتصل بي اقلك المكان بالضبط بس اللي راح من بالي إنه الغرفة قافلتها بالمفتاح والمفتاح معي المهم قلتله أتصرف عندي 40 دقيقة من الوقت فقط المهم هو وصل رجع اتصل بي قالي انا في البيت وين حاطة الفلوس قلتله اووووووووف نسيت إنه الغرفة مقفولة ومعي المفتاح هو قالي لا لا تشيلي هم انا كسرت الباب خلاص انا داخل الغرفة. وياربيييييييييييييييييي ديك الساعة جاتني هستيريا الضحك ما قدرت اسكت بالضحك نهائيا يقلي بليز بسرعة جاوبي وين مكان الفلوس وانا خلاااااااااص ما بقيت قادرة أتنفس بالضحك عرفت روحي اني اخترت الإنسان المناسب ديما يكمل بعقله المهم في الآخر قلتله المكان أخد الفلوس وجابهم لي عالمطار هالشيء سنة 2011 دخلت لما وصلت على الديوانة سألني الشرطي معكي فلوس قلت له ايوة قالي كم قتله الف أورو على العلم إنه معي 3 آلاف أورو قالي التوصيل بليز وانا مو معي لا توصيل ولا شي لأنه كانت أول سفرة ليا ما اعرف شنو الإجراءات اللا زمة انا رحت فقط صرفت الفلوس من الدرهم إلى الأورو فقطططططططط المهم هو بس قالي التوصيل انا مسكت وجهي قلت له ياربييييييييييي هو في المحفظة اللي دفعت في الجمارك في الداخل قلتله في إمكانية ارجع الشنطة واجيبلك التوصيل بقى يشوف فيا قالي لا لا ماشي مشكل حنفوتها هالمرة المهم شكرته ورحت وانا ماشية تبعني قالي كم قلتيلي المبلغ اللي معاكي قلت له ألف أورو قالي اكيد؟ وانا على طول فتحت الشنطة اليدوية اوريه بس كان كثير مؤدب قالي لا مافي داعي انا بس سألتك وهو عن جد لو كنت وريته المبلغ كان بيشوف 3 آلاف أورو كلها في مكان واحد ديك الساعة بيعرفني اني كدبت عليه وكان حيحكر على وجود التوصيل ويكبر الموضوع واخلص ضريبة الفلوس الغير مصرحة وضريبة الكدوب بس الحمد لله مرت على خير ديك الساعة عرفت نفسي اني جريئة جدا وإنه السفر لازمه تنظيم وإجراءات مدروسة وبرنامج محكم.

Envoyé de mon SM-N910C en utilisant Tapatalk

والله ما قصر الذيب
فعلا أخترتي الرجل المناسب للمهمه

لكن ليش حملتي مبلغ 3000 يورو كاش

ما فكرتي بالبطاقه تحطي المبلغ أو مثلا تضيع المحفظه أو تنسرقي من غير شر

موضوع متميز

سافرت دول الخليج كلها
و افمت في الامارات لمدة سنتين ونص
و سافرت مصر و تايلند و ماليزيا
و بريطانيا و فرنسا و بلجيكا و ايطاليا و النمسا و سويسرا و بولندا و التشيك و بلغاريا وموناكو و ألمانيا و إسبانيا

أما أطرف موقف الحين إذا أتذكره أضحك و لو إنه كان وقتها شوي مخيف بالنسبة لي

كانت أول مرة لي فرنسا و الفكرة عن الفرنسيين أنهم ما يعرفون إنجليزي و لا يحبون العرب و ان تعاملهم سيء
كنت بشهر العسل و للحين حتى ما تعودت على زوجي
وصلنا الفندق و نرلنا الشناط و من غبائي خليت التلفون في الغرفة
زوجي قال بينزل الحلاق على يمين الفندق و قلت باستغل الوقت في هواية الحريم و اتسوق حول الفندق
شفت محلات تبيع احذية اكرمكم الله و في ليلتها عندنا حجز عشاء يحتاج لبس رسمي و الاحذية اللي معاي كلها كاجوال ..
دخلت اول محل .. و طلعت و رحت المحل اللي مقابله و طلعت و بعدين المحل الي مقابله و استمريت على هالمنوال

لما خلاص شريت اللي ابيه طلعت اتلفت يمين و يسار و مو متذكرة انا من وين جاية و لا اي جهة فندقنا
و بما انه شهر العسل زوجي كان حاجز كل شي ف حتى ما كنت حافظة اسم الفندق بالضبط و من الربكة ما قدرت اتذكره

وقفت يمكن 5 دقايق احاول افكر وين اروح يمين او يسار ...
توكلت على الله و رحت يسار و قلت هذا هو شكله الشارع اللي جيت منه ...
و امشي و التفت وراي و اشوف رجال لابس جاكيت اسود طويل لمحته معاي في آخر محلين

سرعت خطواتي و هو للحين وراي وصلت لانحناءة بالشارع تكشف لي نهايته و للاسف ما كان صح طريق الفندق

لفيت بارجع و للحين الرجال وراي .. و مريت جنبه و يلف وراي و سرعت خطواتي اكثر تقريباً كنت أهرول .. و ألف فكرة في بالي و ألف كابوس و خوف مو طبيعي

لما وصلت للحلاق اللي كان زوجي ينتظرني عنده و معصب يقول ليش تأخرتي و من شفته انهرت قعدت اصيح و حضنته و الرجال اللي وراي من شاف زوجي رجع و اختفى

لما اتذكر الموقف الحين اضحك و لكن جد وقتها كنت خايفة
هالسوق اللي يورطنا احنا يالحريم

و من وراها مستحيل اروح مكان الا معاي رجال في السفر
و اصلا اكون حافظة كل شي
لان انا اللي اخطط للسفر و زوجي يعتمد علي في الحجوزات


وبس !!

ام ريمه الله يعيينك والله موقف لا تحسدي عليه
الحمدلله عدت
وهذي مشكله ليست في النساء بل بالأغلب ننسي نأخذ كرت الفندق اذا طلعنا

الله يعينكم المواقف ما تخلص
ام ريمة هالريال صج كان بيسرقج يمكن قال صغيره وضايعه ومعاها فلوس مناسبه للسرقه