موقف الجوازات

في رحلة العودة للكويت من لندن
نزلنا ترانزيت
رحنا البوابه وكل شي اوكي اول ناس احنا بالبوابه
شفنا الوقت وايد وانا وبنتي الكبيره نحب التسوق للحين فينا سوق
قلنا خل نتمشى بالسوق شويه على ما يصير النداء لركوب الطائره
اخذنا بوردقنا وخليت جنطة الجوازات مع ابوحسين وبنتي خلت لابتوبها عند اخوها
اكبر اثنين موجودين هناك ها
المهم خليناهم ورحنا نتمشى وتشرينا كاكاوات وردينا
والا الكراسي فاضيه الكل داخل مافي احد الا ....
جنطة الجوازات واللابتوب
يا سلاااااام
اخذناهم ودخلت
قلت لبوحسين شنو هاذا قال ها مادري نسيتهم
وبنتي تعاتب اخوها هناك خخخخخ
الحمدلله ان كراسينا في صاله البوابه اول شي يعني لو كانت بالكراسي اخر الصاله كان ما شفناهم

والحمدلله بعدها ما اخلي شي عندهم كله معاي

صحيح كلامك والله
الله يبعدنا عنهم


موقف بايخ
بسفرتي من القاهره للأسكندريه
يركبنا واحد القطار ويقول اركبوا اركبوا نقول له عاوزين القطار السريع
يقول اه اركبوا اركبوا
اقول حق بوحسين ما قصينا تذاكر يقول الريال عادي
المهم ركبنا والا مافي مكان بالقطار الكل قاعد وواحد الله يسامحه يوم شافنا واقفين يقوم ويحط رجله على الكرسي قدامه
والأحلى لما جانا اللي يقص التذاكر تزااااكر
وانا وجهي قام يعطي الوان من الأعصاب هههه
والا ابو حسين قاله بكم كلنا وقام قص المهم
ولقينا كراسي وقعدنا
خمس ساعات والقطار يمشي ويوقف صوت الحتكاك القطار بالحديد لما يوقف مززززعج
وكل شوي واقف وبطيئ

ليمو.. كنت بوقتها حامل .. بعد ما وصلنا الأسكندريه تعبت وبعدها رجعنا القاهرة
ويصير لي اجهاض
وعمليه بالمستشفى الدولي يا الغردقاوي موجود لسه والا أيه
الحمدلله على كل حال

سافرت مصر والكويت والامارات وقطر والسعودية والبحرين
واتمنه زيارة بريطانيا وامريكه

الحمدلله على سلامة اختك لموو
والله يرحم الخوات اللي توفوا
أكيد صعبة ماي النار خطير جداا
الله حفظها لكم

الغردقاوي ما تشوفني انا كنت معصبة ههههه

الحمدلله علي كل حال
الصبر مفتاح الفرج
ولا أحد يعلم قد يكون من توفاهم الله خيرا لكم في الدنيا

بما حديثكم عن الوفاة تذكرت وفاة زعيم الشعر مساعد الرشيدي غفر الله له

اللهم امين


الله يرحم جميع اموات المسلمين