بالسلامة ليمونة ..

اهم شي لا تنسي تاكلي "خينكالي" .. اكله رهيبة لو كانت مزبطة صح .. وعموما انا حبيت أكلهم جدا وهاد شي نادر بالنسبة لي ..

بخصوص الرحلات رحنا على منطقة اسمها غيرغيتي .. بس في اكتوبر كان الثلج مغطيها تقريبا والطرق خطرة، فما أتوقع تقدري توصليلها نهائيا في يناير ..

حواليك متل ما تفضل الأخ (أبو صالح؟؟) في حديقة نباتية ورود وشجر وفيها شلال بسيط..
تقدري تبدئي من جسر السلام، تعبريه لحديقة لطيفة ومرتبة ومنها تاخدي التلفريك صعود لعند تمثال الملكة تمارا وحواليه شغلات كتير بتروحيها مشي .. منها قلعة صغيرة والحدائق النباتية ومسجد الجمعة ومن هناك نزول للحمامات الكبريتية .. المطاعم والكوفي شوب حواليها كتيرة ما رح تتغلبي


التسوق عندهم ما حبيته أبداً وما حسيته بمستوى اي مكان تاني .. التاكسي تقريبا أي واحد معه اشارة بيركبها عالسيارة وبيعتبرها تاكسي .. السواقين والمكاتب اللي بيعرضوا عليك رحلات سياحية كتاااااار جدا، والموضوع لسه ما تنظّم على ما يبدو..

طبيعة البلد جميلة جدا لكن رأيي المتواضع انه جمالها ما بيبان الا في الربيع لما تذوب الثلوج وتبدا الشلالات والأنهار تتعبى وتسيل ..

بخصوص أذربيجان ما عندي علم ان شاء الله بيفيدوك الأخوة ..