رحله لندن الخريفية 2016 أكتوبر - الصفحة 2

Meme Bahrain · 29-12-2016, 10:34 AM

اقتباس : المشاركة الأصلية كتبت بواسطة PrinceOfPersia

الحمد لله على السلامة ونورت القسم البريطاني بالتقرير

ولكن تواصل مع الدعم الفني بخصوص الصور وإن شاء الله تنحل المشكلة

الله يسلمك يا اخوي والمنتدى منور باهله واعضاءه ... ان شاء الله باحاول اشوف طرق سهله للتحميل وانشرها حمستني الردود لنشر الصوره

شكرا على مرورك وتحياتي

فيصل و توبليرون معجبون بهذا.

Meme Bahrain · 29-12-2016, 10:38 AM

اقتباس : المشاركة الأصلية كتبت بواسطة توبليرون

واااااو واخيرااا تم كتابة التقرير
مع اني حابة اشوف صور ليتل فينس دام اللي قالت لج امدحتها وما راحتها ههههه بس دام استانستوا انا اعتبر نفسي شفتها الحمدلله انها عجبتج

وبعد سكاي غاردن بحط صورها انا بتقريري بس لو شايفينها
معاج بصورج ربي يحفظج

بداية تحميل الصور صعبة شوي
بس صدقيني لو تعلميتها ودج تحطين كل اللي عندج

بالاول جربي تنزلينهم ببرنامج التابلتك
سهل ومن جهازج للمنتدى

درسي الموضوع عدل وبتستانسين صدقيني وحطي لنا صور
واي استفسار احنا حاضرين يا عسل

تقريرج جميل ومرتب وعليكم بالعافية كل ما أكلتوا وشريتوا
بارك الله فيج والحمدلله ان معاملة البريطانين وايد حلوة وما تضايق في طلباتهم
واللي ماعنده شي ما يخاف وهذا ما حصل معاكم وقت صلاة بوالعيال
بارك الله فيكم
بانتظار الصور

تسلمين يالغاليه على نصايحج الذهبيه واقتراحاتج الحلوه ..ماشاء الله ذوقج في السفر راقي واقتراحاتج دايما تكون اماكن خطييره ومبهره ...الله يجزاج الجنه عنا وعن كل واحد ونستيه باقتراح او نصيحه .

وبخصوص الصور صراحه حمستني التعليقات اني احطها ...باشوف لي طريقه وان توهقت تواصلت معاج يالغاليه ماتقصرين .

وتحياتي لج

فيصل و توبليرون معجبون بهذا.

Meme Bahrain · 29-12-2016, 10:40 AM

اقتباس : المشاركة الأصلية كتبت بواسطة ليمونه حزينه

تقوير رائع وممتعه لكم ولنا احنا عشنا الرحله معاكم
وين الصور ياحلوه

أرسلت بواسطة iPhone بإستخدام Tapatalk

تسلمين يالغاليه من ذوقج والحمدلله ان تقريري عجبكم وان شاء الله الصور يايه بالقريب العاجل

تحياتي لج وشكر على المرور

ليمونه حزينه, فيصل و توبليرون معجبون بهذا.

Meme Bahrain · 29-12-2016, 10:47 AM

اقتباس : المشاركة الأصلية كتبت بواسطة فيصل

شكرا لك علي التقرير

رأيك بالفندق مناسب
وهل يستحق التنقل 98 باوند الي المطار
التطبيقات صارت تساعد حقيقه السائح

نكون شاكرين اذا نزلتي الصور

هلا بك اخوي فيصل ...بخصوص الفندق جيد ..هي الغرفه ليست راقيه وكذلك المرافق لكن الفطور والمنطقه والتعامل يشفع لهم . تقيمي لهم في البوكنج كان التالي وعطيتهم 8.5

The location was excellent so many bus stations and metros are close to the hotel. Breakfast was good but lacks variety. The exact buffet everyday for 8 days is a bit too much. Staff are super friendly and helpful.

Bed is a bit small.breakfast needs a lil veges and variety

التنقل من المطار الى الفندق حسيته غالي بس هذا احسن سعر حصلت عليه للتاكسي . وبخصوص التطبيق ممتاز واظن حتى اهل لندن يستعملونه لان الرسبشن بالفندق قالت لي عنه ومدحت فيه .

وان شاء الله الصور قادمه بالقريب العاجل .. التعليقات حمستني اني احطها .

اسعدني مرورك

تحياتي

فيصل و توبليرون معجبون بهذا.

Meme Bahrain · 29-12-2016, 11:03 AM

اقتباس : المشاركة الأصلية كتبت بواسطة نجم السياحه

الحمدلله على السلامه

سعر التاكسي رايح جاي 98 باوند يعتبر ممتاز .

النت .. أنا زيك ما أخذت خط انجليزي .. النت كان موجود بكل مكان .

بالنسبه لسكاي جاردن .. طلبتوا فقط ( هوت شوكلوت ) ؟؟

الله يسلمك يا اخوي ...انا افضل الحجز المسبق وغالبا بالنت للتنقلات من والى المطار لانها ارخص واريح للبال عن العفسه في المطار وقت الوصول .

سكاي قاردن مكان جميل وفيه اظن مطعم بس وقتنا كان بين الفطور والغدا ...فكان الهوت جوكلت جميل ويدفي

شكرا على مرورك

فيصل, توبليرون و نجم السياحه معجبون بهذا.

Meme Bahrain · 29-12-2016, 11:36 AM

اقتباس : المشاركة الأصلية كتبت بواسطة آخـــرفـــرصـــة

الحمد لله على السلامة

يوميات حلوة و تفتح النفس للسفر
أعجبني تفهمكم لموقف البوليس وتفتيشهم لكم
هذا دليل على وعيكم الكبير وخبرتكم السياحية

التسوق حلو وأنا مثل أبو الشباب يعجبني كثير
زين جربتوا رحلة ليتل فينس ومشكورة اللي دلتكم لأنها رحلة تستاهل

شكراً للتقرير الخفيف اللطيف
اللي مثل أجواء لندن ترد الروح

مالقيت وردة حطيت لك هذي

الله يسلمك يااخوي ....تسلم من ذوقك .

اسعدني مرورك وكلامك الجميل ووردتك الجميله

تحياتي

فيصل و توبليرون معجبون بهذا.

Meme Bahrain · 29-12-2016, 11:50 AM

اقتباس : المشاركة الأصلية كتبت بواسطة ابو عبدالله

ماشاء تقرير جميل ويوميات حلوه ممكن تساعد في ترتيب جدول ...
على كثر مااصلي بشوارعهم ومحطات القطار واخرها امس بإدنبره ماحصل لي هالموقف الحمد لله .. هي مره وحده كنت بالسوق اللي يجي بالهايد بارك في الشتاء واحد جلس يطل علي .. بس حلو انه مانكد عليكم الموقف .

شكرا لك ع التقرير والله يهنيكم

تسلم يااخوي من ذوقك ... اتوقع شرطتهم خافو لان زوجي صلى وعلى طول كنا بنركب المركب بالنهر ..خاف نفجر المركب هههههه

بالسفر الانسان عنده خيار بردود افعاله بكل المواقف ...في ناس تسافر وحامله هم كل شي ولا تستمتع بشي من كثر ما اهي تصعب الامور على نفسها وفي ناس رايحه وببالها كل الي يصير خير ويحسن الظن برب العالمين ويقول انا في كل الاحوال رايح استمتع بغض النظر عن الصعوبات الي ممكن نسميها مغامرات .. احنا دايما نختار الخيار الثاني الحمدلله

شكر على مرورك وتحياتي لك

فيصل, توبليرون و ابو عبدالله معجبون بهذا.

Meme Bahrain · 30-12-2016, 12:08 PM

فيصلمعجبون بهذا.

Meme Bahrain · 30-12-2016, 12:09 PM

توبليرون, فيصل و نجم السياحه معجبون بهذا.

Meme Bahrain · 30-12-2016, 12:10 PM

توبليرون و فيصل معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أنا و تركيا.... عشق ابدي بين مكة المكرمة وأسطنبول..أكتوبر 2016!!	الدوسي	بوابة تركيا	281	10-11-2022 11:06 AM
تجربتي مع تاكسي لندن 2016	آخـــرفـــرصـــة	بوابة بريطانيا	61	06-08-2019 02:22 PM
29 تشرين الأول/أكتوبر من العام القادم 2016 موعداً لافتتاح الجسر الثالث في اسطنبول	هوايا شمالي	تركيا	10	16-02-2017 06:34 PM
السفر الى لندن بنص شهر مارس 2017	lbdfk	بوابة بريطانيا	10	10-01-2017 11:52 PM
احتاج مساعدتكم في تخطيط رحله لشمال تركيا في شهر اغسطس 2016	Meme Bahrain	تركيا	9	09-05-2016 04:57 PM