السلام عليكم ورحمة الله وبركاته

تجربة اليوم في عروس البحر الأحمر مميزة في مكاني الذي أحب من وجهة نظري في مطعم وكافيه أغافي والمكان بالكامل مكشوف ومطل على جدة من أكثر من مكان وأحلى شي الإطلالة على نافورة جدة



العنوان: شارع التحلية في الطابق الثامن من مركز استر

تقيمي للمطعم :
الجلسات جميلة ومريحة والأحلى رغم إنها مكشوفة إلا أنه ماتحس بالحر
الأكل لذيذ اممممممم
الأسعار تعتبر فوق المتوسطة لكن أحسه يستاهل لأنه أدفع وأنا مبسوطة
اللي يعجبني فيه ممنوع اصطحاب الأطفال خصوصا إنه كافي وفي أرجيلة والأطفال حركتهم كثيرة
السلبيات إنه دائما زحمة ومن بدري ماشاء الله خصوصا الويك إند ومافي عنده حجز
وفي سلبيات من وجهة نظر ناس آخرين إنه الطاولات قريبة وأنه الجو مزعج لهم بسبب الأرجيلة بس بالنسبة لي ماضايقتني هذه الشغلتين

هذه الزيارة ماكان لها أي تخطيط مسبق وحكاايتها إنه الخميس اللي فات كانت أجواء جدة رااائعة فقلت من الدوام على بلو أوشن على طول لأنه مافي أحلى من هذه الأجواء مع البحر والغروب بس للأسف وصلنا على 5وربع وقلولنا في 16 عائلة انتظار ماشاء الله يعني يقفل المحل واحنا لسا ماجا دورلنا فوقفت اتفرج على البحر وكان الموج عالي وصورتلكم كم صورة




وأفكر وين ممكن نروح نتغدى ونستمتع بالجو فوقع الخيار بعد تفكير على أغافي واتصلت اتأكدت إذا في طاولات والحمدلله كان في فانطلقنا إلى هناك وأول شي جا في بالي منتدانا وبوابة الغربية فقلت راح أصور كل شي عشان أنزلكم تقرير عنه وأدري طفشتكم بس خلاص بتركم مع الصور

الجلسات

الإطلالة من طاولتنا




الإطلالة مسااااءا


حركات السناب شات

طاولتنا



المنيو







طلباتنا
أهم شي عصير ليمون ونعناااع بعد يوم شغل طويل للروقااان


سيزر سلاط لذيذة امممممم

بيتزا بيبروني لذيذة أحبها عندهم لأنه العجينة هشة

مكرونة فيتوتشيني صراحة من أكثر الاماكن اللي أحب أكلها فيها لأنه طعمها لذيذ والنكهة متوازنة

مشاوي مشكلة أول مرة نطلبها وماعجبتنا صراحة

الفاتورة


دمتم بخير

عليكم بالعافية
الاكل شكله عذاب خاصة البيتزا والمكرونة
بس انا اي مطعم او كافيه فيه شيشة ما احب ادخله
ريحتها مقرفة كأنها ريحة زبالة اسنغفر الله

كل الشكر لك
وما نطفش من تقاريرك

مكان رائع وحلو منع الاطفال

يعطيك العافية مشرفتنا

يسعد مساك

الاطلالة رائعة و الاكل مبين لذيذ
بالعافية عليكم

ذوقك رائع في اختيار الاماكن
و تقاريرك روووعة لا توقفين

يسعدك ربي