رحلتي الى اليابان - May - 2016 " احببتك أم عشقتك لست أدرى !؟ " - الصفحة 2

Prince Kytu · 01-01-2017, 11:20 AM

شكله موضوع لون الدراجة أسبابه رياضية

بكم صرفت 1000 ين ؟ بالدينار الكويتي

بالنسبة للماركات العالمية هل تقصد سعرها مع الضرائب ولا بدون الضرائب ؟
لأن مثل هذي المحلات تحسب السعر للسياح بدون ضرائب أو بمعنى أصح يرجعون قيمة الضريبة لك بنفس المكان

رايك بتجربة التاكو ياكي ؟

سعيد بأني أرى ثمرات جهودي تنعكس على أرض الواقع
عندما تكون المعلومات مفيدة لغيري هذا ما يجعلني استمر
ويسعدني بتواجدك ودعمك لي ومشاركتي بفرحة مساعدة الآخرين
وكلما زادت العقول والتجارب زادت المعلومات والفائدة التي نقدمها عن اليابان
ولك جزيل الشكر على التقرير الجميل والمنظم والمميز والرائع
ومستمر في متابعة البقية
بالتوفيق

فيصل و توبليرون معجبون بهذا.

هاني التميمي · 01-01-2017, 02:37 PM

تقرير رائع جدا ومميز

بداية موفقة اخي

Prince Kytu و توبليرون معجبون بهذا.

ملللوك · 01-01-2017, 05:38 PM

اقتباس : المشاركة الأصلية كتبت بواسطة فيصل

وعليكم السلام ورحمة الله وبركاته
الحمدلله حققت حلمك بالذهاب لها
غراندايزر حق الطيبين

مقدمه جميله البعض يضع سقف أعلي في مخيلته عن البلد لكن توضيحك جميل

يالله شنطانا كأننا لما نشيل القش نبي نهاجر ياليت تفتح يمكن بعد كل شوي مدخل حاجه

800 ريال تاكسي يا رباه

البرنس رايته بيضاء ما يقصر
وأنت يا ملوك ما عليك زود لكن حاس بأشغالك وغيابك

حتي الباص غلي مع ان الباصات تعتبر اقتصاديه
كيوتو جميله
الحمدلله علي نعمه الإسلام

شاكر لك تعقيبك على الموضوع

الشناط هاذي مشكله دايم تحاول تقلل من الأشياء الي تاخذها معك
ولكن وفي الأخير الشنطه ياله تتقفل

صحيح التكاسي غاليه هناك خصوصا داخل المدن الكبيره مثل طوكيو واوساكا

الباص بسبب انه مخصص للنقل من المطار الى المدينه والعكس
اما الباصات داخل المدن ف أسعارها رخصيه
لكن استخدامها ممكن يكون معقد شوي لدى بعض السياح
لأن المحطات باللغه اليابانيه فقط عكس المترو

وكيوتو رمز الثقافه والجمال اكييد

Prince Kytu, فيصل و توبليرون معجبون بهذا.

ملللوك · 01-01-2017, 05:41 PM

اقتباس : المشاركة الأصلية كتبت بواسطة Prince Kytu

شكله موضوع لون الدراجة أسبابه رياضية

بكم صرفت 1000 ين ؟ بالدينار الكويتي

والله مدري كم يساوي بالدينار
لكن اذكر كان 1000 ين = 31 ريال سعودي تقريبا

بالنسبة للماركات العالمية هل تقصد سعرها مع الضرائب ولا بدون الضرائب ؟
لأن مثل هذي المحلات تحسب السعر للسياح بدون ضرائب أو بمعنى أصح يرجعون قيمة الضريبة لك بنفس المكان

سعرها بدون الضرائب

رايك بتجربة التاكو ياكي ؟
طعمه عادي لابأس , ولا أتوقع اني راح اعيد التجربه

سعيد بأني أرى ثمرات جهودي تنعكس على أرض الواقع
عندما تكون المعلومات مفيدة لغيري هذا ما يجعلني استمر
ويسعدني بتواجدك ودعمك لي ومشاركتي بفرحة مساعدة الآخرين
وكلما زادت العقول والتجارب زادت المعلومات والفائدة التي نقدمها عن اليابان
ولك جزيل الشكر على التقرير الجميل والمنظم والمميز والرائع
ومستمر في متابعة البقية
بالتوفيق

تمت الأجابه
وشاكر تعقيبك على الموضوع

Prince Kytu, فيصل و توبليرون معجبون بهذا.

ملللوك · 01-01-2017, 05:42 PM

اقتباس : المشاركة الأصلية كتبت بواسطة هاني التميمي

تقرير رائع جدا ومميز

بداية موفقة اخي

الله يسلمك
اشكرك

Prince Kytu, فيصل و توبليرون معجبون بهذا.

Haksa77 · 01-01-2017, 11:49 PM

وعليكم السلام ورحمة الله وبركاته
بداية موفقة ورائعة من مشرفنا العزيز مللوك
شكرا لك بحجم السماء

أرسلت من SM-G900F بإستخدام تاباتلك

فيصل و توبليرون معجبون بهذا.

فيصل · 02-01-2017, 02:27 AM

تسلم علي التقرير عزيزي
أعتذر عن متابعته هاليومين

نكمل من اليوم الثالث

عاد تخيل صورت والكلام كله لك بالياباني دبرها

واسطه مشرفنا

اجل تنفع الفيس الحزين
الي هالدرجه دقيقتين تفرق

يعني ترشح الأكواريوم حق أوساكا علي طوكيو
الالعاب قرأت لك أنه تحب تكون العابها أكثر أثاره هل الالعاب المميزه قليله

القلعه زين فيه شيء يشدك غيرها من حديقه وخلافه

قطار الطلقه لو حجزت من بدري بيختلف السعر أم لا

هل هو ممتع

طوكيو تكفي صورة الدب خخخخخخخخخخخخخخخخ

اطلاله طوكيو تبين الزحمه فيها بقوه

لاحظت من تحجز بدري للقطارات
هل ما خفت انك ما تلقي حجز الي فوجي يوم سويت تشيك أوت

بالعكس تجربه جميله للدراجه

لون الدراجه يمكن الي ميولك النصراويه خخخخخخخ
مالقيت أزرق

بردت قلبك ملاهي فوجي تدور الاثاره

الاطلاله ما شاءالله رهيبه هل هي من النزل

ما قصرت
واشكرك واشكر البرنس

توبليرونمعجبون بهذا.

أبو طلال* · 02-01-2017, 07:21 AM

ماشاء الله الحمد لله على السلامه

صحيح التكاسي غاليه في اليابان وتختلف من مدينه الى اخرى
والسبب الضراب المفروضه عليها
والا فيه سبب اخر

الدوله بالفعل اتجاه السياح عليها هالعام
وهل تنصح فيها
وافضل وقت للذهاب لها
واهم سؤال هل فيه صعوبه بالاكل عندهم
اقصد
فيه مطاعم غير السريعه ممكن تناسب العرب

أرسلت من SM-G925I بإستخدام تاباتلك

فيصل و توبليرون معجبون بهذا.

ملللوك · 02-01-2017, 01:16 PM

اقتباس : المشاركة الأصلية كتبت بواسطة Haksa77

وعليكم السلام ورحمة الله وبركاته
بداية موفقة ورائعة من مشرفنا العزيز مللوك
شكرا لك بحجم السماء

أرسلت من SM-G900F بإستخدام تاباتلك

حياك الله
وسعيد بتواجدك

والشكر لك حقيقه على ردك
ماسوينا شي صراحه

فيصل و توبليرون معجبون بهذا.

ملللوك · 02-01-2017, 01:37 PM

اقتباس : المشاركة الأصلية كتبت بواسطة فيصل

تسلم علي التقرير عزيزي

أعتذر عن متابعته هاليومين

نكمل من اليوم الثالث

عاد تخيل صورت والكلام كله لك بالياباني دبرها

ههههههههههههه
عاد محدثك أمي لايعرف يقرأ كلامهم ولايكتبه

الكلام ع خفيف حتى هو يعرف اني ياله اتكلم زين
وبالعكس ينبسطون اذا درو اني سائح واعرف كم جمله

امشي نفسي ب أمور الحياه اليوميه
يعني هذا بكم ؟ ابي عدد كذا , ممكن كذا وكذا
وقوقل نفزع فيه ببعض الكلمات بعد
اما سوالف وضحك وكذا لاترجي ههههههه

واسطه مشرفنا
مايحتاج عرفتني العجوز هناك خلاص

اجل تنفع الفيس الحزين
هههههه انا انصدمت انه نفع معي
مدري عن الناس الباقيه عاد
لان كان فيه واحد هندي الظاهر ولادخلوه قالوله قفلنا
لأنه وحنا داخلين شفته طالع >> ففقدت الأمل حبتين
ف انا نشبت لهم شوي ههههه
وصدقني حاس لو ان الموظفين كانو رجال ماراح يدخلوني هههههه

الي هالدرجه دقيقتين تفرق
ايه جدا
عندك المطاعم مثلا تفتح من الساعه 4 الى 11
الساعه 3.59 فاصله 59 جزء من الثانيه تحصل الموظف عند الباب عشان يفتحه
وهالشي صار قدامي وانا اناظر بالساعه ابتأكد

يعني ترشح الأكواريوم حق أوساكا علي طوكيو
نعم اكيييد حق اوساكا اكبر واجمل بكثييييير

الالعاب قرأت لك أنه تحب تكون العابها أكثر أثاره هل الالعاب المميزه قليله
يونيفرسال لابأس فيها بالنسبه لي يعني فيها كم لعبه تستاهل
وعروضهم حلوه
والصراحه انا دائم افضل يونيفرسال على ديزني
ديزني لاند هي الي اشوف انها حقت تمشي اكثر ووناسه وتصلح للأطفال اكثر
يمكن لعبتين حقت كبار بس الباقي لاتعليق ههههههه

ف اذا جينا لترشيحي
فوجي هاي لاند العابها افضل من يونيفرسال بكثييير
ويونيفرسال العابها افضل من ديزني

القلعه زين فيه شيء يشدك غيرها من حديقه وخلافه
صحيح القلعه برأيي عاديه ولاتستحق الصعود لها مره اخرى
اما الحديقه جميله وكبيره

قطار الطلقه لو حجزت من بدري بيختلف السعر أم لا

السعر ثابت لايتغير
سواء حجزت قبل اسبوع او في نفس اليوم
واقصى حد يمديك تحجزه الظاهر هو بعد 4 أو 5 ايام حسب ماشفت بالجهاز
واصلا لاتشيل هم القطارات من اوساكا الى طوكيو كثييييييره ( كل نص ساعه قطار )
انت سو مثلي لانه انا بالصدفه كنت قريب من محطه القطارات الرئيسيه
قبل الرحله بيومين فرحت للجهاز وقصيت التذاكر ( لها اجهزه خاصه لونها مختلف وموضح الكلام فوق )
وانواع التذاكر شرحها اخونا برنس ماقصر

هل هو ممتع
جدا لكن الشناط اذا ماحصلت مكان بين المقطورات تحط فيها شناطك
مافيه حل الا انك تحطها قدام رجولك وانت جالس

طوكيو تكفي صورة الدب خخخخخخخخخخخخخخخخ
ههههههههههههههههههه

اطلاله طوكيو تبين الزحمه فيها بقوه
نعم طوكيو مزدحمه في كل وقت وهالصوره وسط الاسبوع ولسى الناس بدواماتها
وفي الويكند والاجازات حقتهم كلام ثاني عاد

لاحظت من تحجز بدري للقطارات
هل ما خفت انك ما تلقي حجز الي فوجي يوم سويت تشيك أوت
تبي الصدق بالعكس هذا افضل شي سويته
لانه تاخذ راحتك متى ماوصلت للمحطه تحجز اقرب رحله وخلاص
ومثل ماذكرت لك رحلات القطارات كثيره جدا
ليست مثل بريطانيا ماتحصل الا رحلتين او ثلاثه بالكثير في اليوم تنطلق لوجهتك

ايضا بعض القطارات لاتستطيع حجز تذكره ليوم الغد ( ماعدا قطارات الطلقه )
على سبيل المثال قطار اوساكا - كيوتو
اكتشفت انه التذكره صالحه للأستخدام في نفس اليوم الي شريتها فيه فقط

ايضا لاني شيكت على قوقل ووجدت رحلات كثيره تنطلق من طوكيو - لوجهتي المقصوده
فضلا على انه المحطه الرئيسيه بعيده شوي فمشوار اروح اقص تذكره وارجع

بالعكس تجربه جميله للدراجه
صحيح لكن انتبه من السيارات والمسارات الخاصه فيك > مابغى يجيب العيد

لون الدراجه يمكن الي ميولك النصراويه خخخخخخخ
مالقيت أزرق
لا مع الاسف شكلها نصراويه الف

بردت قلبك ملاهي فوجي تدور الاثاره

ايه ولو ان المطر خلى بعض الالعاب تقفل ولاقدرنا نلعبها
لكن مستشفى الرعب عوضنا > لايفوووتك شي خورااااااافي ههههههههههه

الاطلاله ما شاءالله رهيبه هل هي من النزل
صحيح

ما قصرت
واشكرك واشكر البرنس
العفو واجبنا جميعا

تمت الاجابه وسعيد بمشاركتك

فيصل, Prince Kytu و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عربات "التكتك" الهندية تجوب شوارع "العروس"	أبوعبدالله (الاسفار )	بوابة السعودية	20	06-04-2017 10:22 AM
"مطماطة التونسية" تجذب السياح بسبب "حرب النجوم"	MOBARKI	بوابة تونس	13	07-05-2016 03:04 PM
إزالة شعار "سبان" واستبدالها بشعار "مدى" في بطاقات الصراف السعودية	عليـ الحربيـ	عام	11	21-03-2015 01:04 PM
"القرية الكونية" مصر "المصغرة" التى لا يعرفها أحد	وليد عنبه	بوابة مصر	14	19-03-2015 03:38 PM