رحلتي الى اليابان - May - 2016 " احببتك أم عشقتك لست أدرى !؟ " - الصفحة 3

ملللوك · 02-01-2017, 01:37 PM

اقتباس : المشاركة الأصلية كتبت بواسطة فيصل

تسلم علي التقرير عزيزي

أعتذر عن متابعته هاليومين

نكمل من اليوم الثالث

عاد تخيل صورت والكلام كله لك بالياباني دبرها

ههههههههههههه
عاد محدثك أمي لايعرف يقرأ كلامهم ولايكتبه

الكلام ع خفيف حتى هو يعرف اني ياله اتكلم زين
وبالعكس ينبسطون اذا درو اني سائح واعرف كم جمله

امشي نفسي ب أمور الحياه اليوميه
يعني هذا بكم ؟ ابي عدد كذا , ممكن كذا وكذا
وقوقل نفزع فيه ببعض الكلمات بعد
اما سوالف وضحك وكذا لاترجي ههههههه

واسطه مشرفنا
مايحتاج عرفتني العجوز هناك خلاص

اجل تنفع الفيس الحزين
هههههه انا انصدمت انه نفع معي
مدري عن الناس الباقيه عاد
لان كان فيه واحد هندي الظاهر ولادخلوه قالوله قفلنا
لأنه وحنا داخلين شفته طالع >> ففقدت الأمل حبتين
ف انا نشبت لهم شوي ههههه
وصدقني حاس لو ان الموظفين كانو رجال ماراح يدخلوني هههههه

الي هالدرجه دقيقتين تفرق
ايه جدا
عندك المطاعم مثلا تفتح من الساعه 4 الى 11
الساعه 3.59 فاصله 59 جزء من الثانيه تحصل الموظف عند الباب عشان يفتحه
وهالشي صار قدامي وانا اناظر بالساعه ابتأكد

يعني ترشح الأكواريوم حق أوساكا علي طوكيو
نعم اكيييد حق اوساكا اكبر واجمل بكثييييير

الالعاب قرأت لك أنه تحب تكون العابها أكثر أثاره هل الالعاب المميزه قليله
يونيفرسال لابأس فيها بالنسبه لي يعني فيها كم لعبه تستاهل
وعروضهم حلوه
والصراحه انا دائم افضل يونيفرسال على ديزني
ديزني لاند هي الي اشوف انها حقت تمشي اكثر ووناسه وتصلح للأطفال اكثر
يمكن لعبتين حقت كبار بس الباقي لاتعليق ههههههه

ف اذا جينا لترشيحي
فوجي هاي لاند العابها افضل من يونيفرسال بكثييير
ويونيفرسال العابها افضل من ديزني

القلعه زين فيه شيء يشدك غيرها من حديقه وخلافه
صحيح القلعه برأيي عاديه ولاتستحق الصعود لها مره اخرى
اما الحديقه جميله وكبيره

قطار الطلقه لو حجزت من بدري بيختلف السعر أم لا

السعر ثابت لايتغير
سواء حجزت قبل اسبوع او في نفس اليوم
واقصى حد يمديك تحجزه الظاهر هو بعد 4 أو 5 ايام حسب ماشفت بالجهاز
واصلا لاتشيل هم القطارات من اوساكا الى طوكيو كثييييييره ( كل نص ساعه قطار )
انت سو مثلي لانه انا بالصدفه كنت قريب من محطه القطارات الرئيسيه
قبل الرحله بيومين فرحت للجهاز وقصيت التذاكر ( لها اجهزه خاصه لونها مختلف وموضح الكلام فوق )
وانواع التذاكر شرحها اخونا برنس ماقصر

هل هو ممتع
جدا لكن الشناط اذا ماحصلت مكان بين المقطورات تحط فيها شناطك
مافيه حل الا انك تحطها قدام رجولك وانت جالس

طوكيو تكفي صورة الدب خخخخخخخخخخخخخخخخ
ههههههههههههههههههه

اطلاله طوكيو تبين الزحمه فيها بقوه
نعم طوكيو مزدحمه في كل وقت وهالصوره وسط الاسبوع ولسى الناس بدواماتها
وفي الويكند والاجازات حقتهم كلام ثاني عاد

لاحظت من تحجز بدري للقطارات
هل ما خفت انك ما تلقي حجز الي فوجي يوم سويت تشيك أوت
تبي الصدق بالعكس هذا افضل شي سويته
لانه تاخذ راحتك متى ماوصلت للمحطه تحجز اقرب رحله وخلاص
ومثل ماذكرت لك رحلات القطارات كثيره جدا
ليست مثل بريطانيا ماتحصل الا رحلتين او ثلاثه بالكثير في اليوم تنطلق لوجهتك

ايضا بعض القطارات لاتستطيع حجز تذكره ليوم الغد ( ماعدا قطارات الطلقه )
على سبيل المثال قطار اوساكا - كيوتو
اكتشفت انه التذكره صالحه للأستخدام في نفس اليوم الي شريتها فيه فقط

ايضا لاني شيكت على قوقل ووجدت رحلات كثيره تنطلق من طوكيو - لوجهتي المقصوده
فضلا على انه المحطه الرئيسيه بعيده شوي فمشوار اروح اقص تذكره وارجع

بالعكس تجربه جميله للدراجه
صحيح لكن انتبه من السيارات والمسارات الخاصه فيك > مابغى يجيب العيد

لون الدراجه يمكن الي ميولك النصراويه خخخخخخخ
مالقيت أزرق
لا مع الاسف شكلها نصراويه الف

بردت قلبك ملاهي فوجي تدور الاثاره

ايه ولو ان المطر خلى بعض الالعاب تقفل ولاقدرنا نلعبها
لكن مستشفى الرعب عوضنا > لايفوووتك شي خورااااااافي ههههههههههه

الاطلاله ما شاءالله رهيبه هل هي من النزل
صحيح

ما قصرت
واشكرك واشكر البرنس
العفو واجبنا جميعا

تمت الاجابه وسعيد بمشاركتك

فيصل, Prince Kytu و توبليرون معجبون بهذا.

أبو طلال* · 02-01-2017, 07:21 AM

ماشاء الله الحمد لله على السلامه

صحيح التكاسي غاليه في اليابان وتختلف من مدينه الى اخرى
والسبب الضراب المفروضه عليها
والا فيه سبب اخر

الدوله بالفعل اتجاه السياح عليها هالعام
وهل تنصح فيها
وافضل وقت للذهاب لها
واهم سؤال هل فيه صعوبه بالاكل عندهم
اقصد
فيه مطاعم غير السريعه ممكن تناسب العرب

أرسلت من SM-G925I بإستخدام تاباتلك

فيصل و توبليرون معجبون بهذا.

ملللوك · 02-01-2017, 02:24 PM

اقتباس : المشاركة الأصلية كتبت بواسطة أبو طلال*

ماشاء الله الحمد لله على السلامه
الله يسلمك طال عمرك

صحيح التكاسي غاليه في اليابان وتختلف من مدينه الى اخرى
والسبب الضراب المفروضه عليها
والا فيه سبب اخر
الأسباب كثيره
صعوبه استخراج الرخصه + سعر الوقود + التأمين + تكلفه المعيشه + البلد نفسها غاليه + الضرائب
والتاكسي بالذات يشددون وعليهم تفتيش لسياراتهم كل سنتين او ثلاث
لكن انا اتكلم عن المدن الكبيره ( طوكيو + اوساكا + الخ ... )
لو مثلا رحت ل كيوتو راح تحصل التاكسي ارخص من طوكيو
لكن مب مررره

الدوله بالفعل اتجاه السياح عليها هالعام
وهل تنصح فيها
البلد حلووووه لكن غاليه شوي
ومثل ماذكرت لك في اول رد لي بالموضوع
ماتصلح للي عنده اطفال صغار + ماتصلح للعوائل الكبيره اكثر من 4 اشخاص
اذا تبي طبيعه اوروبا اجمل
اذا تبي مدن حلوه ومرتبه لندن وباريس وبرشلونه وجنيف ارتب بكثير
البعض يكون متعود على مدن اوروبا وترتيبها ويتوقع اليابان نفس الشي ثم يصدم
عرفت قصدي اخوي , فيعتمد عليك انت وش الاماكن الي بتروح لها

وافضل وقت للذهاب لها
برأيي شهر 3 + 4 + 5 + 6 و شهر 9 + 10

يفضل تتجنبها في شهر 7 لأنه موسم الأمطار وتكون بشكل شبه يومي
وشهر 8 اغسطس الجو حار جدا وشمسهم عموديه يعني على الراس مباشره

واهم سؤال هل فيه صعوبه بالاكل عندهم
اقصد فيه مطاعم غير السريعه ممكن تناسب العرب
الأكل موجود الي يناسبنا لكن بتتعب شوي عشان تبحث وتحصل
وبعض الأحيان تضطر تأكل من نفس المطعم اكثر من مررره
والمشكله حتى لو المطعم امريكي تحصلهم يستخدمون الخمر في كل طبخهم !!
فلازم كل مره تدخل مطعم تعلمهم وتسئلهم

أرسلت من SM-G925I بإستخدام تاباتلك

تمت الأجابه

Prince Kytu, فيصل و توبليرون معجبون بهذا.

Prince Kytu · 02-01-2017, 03:04 PM

تعقيباً على كلامك هل كنت مجهز قائمة المطاعم الحلال قبل السفر
ولا رحت بدون تخطيط ؟ ولا المطاعم الحلال مثل التركية والهندية ما تعجبك ؟

وشنو المشكلات إلي واجهتها في اليابان علشان أقدر أسوي مواضيع تفيد المسافرين من خلال تجربتك

فيصل و توبليرون معجبون بهذا.

ملللوك · 02-01-2017, 03:34 PM

اقتباس : المشاركة الأصلية كتبت بواسطة Prince Kytu

تعقيباً على كلامك هل كنت مجهز قائمة المطاعم الحلال قبل السفر
ولا رحت بدون تخطيط ؟ ولا المطاعم الحلال مثل التركية والهندية ما تعجبك ؟

وشنو المشكلات إلي واجهتها في اليابان علشان أقدر أسوي مواضيع تفيد المسافرين من خلال تجربتك

لا بالعكس التركيه جدا جميله وهي الأولى هناك بالنسبه لي
الهنديه لابأس بها مع اني اشوفها غاليه بزياده

والخيار الأمثل بالنسبه لي هناك كانت
المطاعم الأيطاليه + التركيه
ثم الأمريكيه

انا كنت مجهز + محمل تطبيق اسمه Halal Navi يدلك على المطاعم وتقييمها لأكثر من 8 دول
لكن مثل ماذكرت اماكنها قد تكون ليست بالقريبه من مكان السكن
طبعا استثني من كلامي مدينه طوكيو واوساكا تقريبا

اما جبل فوجي مثلا مافيه الا مطعم هندي مقابل البحيره
وحقيقه لم يعجبني اسلوبه ولا شكل المكان ورائحته كذالك
حتى استغفر الله اشك انه حلال من طريقه صاحب المحل فضلا عن اسلوبه
كان كاتب باللوحه انه يفتح الساعه 5 يوم جيناه يقول لا نفتح بعد ساعه
عاد قلت له وانا معصب وأشر على اللوحه
" عدل لوحتك المره الجايه واحترم الوقت
اوقات الناس مب لعبه "
فذاك اليوم عشنا على النواشف من السوبر ماركت والحمد لله

فيصل و توبليرون معجبون بهذا.

Prince Kytu · 02-01-2017, 04:06 PM

اي عرفت المطعم الي تقصده فعلا المطعم عادي
لكن موضوع الشك إنه حلال هذا تحت مسئولية الجهات المختصة هناك وعلى مسئولية صاحب المحل
لكن في مطعم ياباني لذيذ عند البحيرة أكلت عنده تمبورا ربيان مع رز وشوربة وسلطة كان طيب
بالنسبة لأوساكا وطوكيو وكيوتو الحمد لله الطعام الحلال منتشر

فيصل و توبليرون معجبون بهذا.

Loai Nasser · 13-01-2017, 07:39 PM

يعطيك العافية

Prince Kytu و توبليرون معجبون بهذا.

توبليرون · 06-02-2017, 04:39 PM

يعطيك العافية اخوي على التقرير الياباني الجميل
الصور روعه ما شاءالله وصورة المطل على جبل فوجي مميزة
تعرفنا على البلد واستفدنا من معلوماتك والردود في الموضوع
شكراا لك ونتمنى لك زيارات سياحية أخرى وممتعة

Prince Kytuمعجبون بهذا.

ملللوك · 07-02-2017, 12:39 AM

اقتباس : المشاركة الأصلية كتبت بواسطة توبليرون

يعطيك العافية اخوي على التقرير الياباني الجميل
الصور روعه ما شاءالله وصورة المطل على جبل فوجي مميزة
تعرفنا على البلد واستفدنا من معلوماتك والردود في الموضوع
شكراا لك ونتمنى لك زيارات سياحية أخرى وممتعة

الله يعافيك
وشاكر لك مرورك

جبل فوجي جميل مايحتاج

ان شاء الله اكون وفقت في نقل الصوره الصحيحه عن البلد
بشكل مبسط وواضح

Prince Kytu و توبليرون معجبون بهذا.

فتى لندن · 06-02-2017, 06:30 PM

تقرير رائع وحلو ..
استمعت
خطتي الجاية اليابان ،، لكن بعد كلامك قمت اشك 😅
يعطيك العافية ..

Prince Kytu و توبليرون معجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عربات "التكتك" الهندية تجوب شوارع "العروس"	أبوعبدالله (الاسفار )	بوابة السعودية	20	06-04-2017 10:22 AM
"مطماطة التونسية" تجذب السياح بسبب "حرب النجوم"	MOBARKI	بوابة تونس	13	07-05-2016 03:04 PM
إزالة شعار "سبان" واستبدالها بشعار "مدى" في بطاقات الصراف السعودية	عليـ الحربيـ	عام	11	21-03-2015 01:04 PM
"القرية الكونية" مصر "المصغرة" التى لا يعرفها أحد	وليد عنبه	بوابة مصر	14	19-03-2015 03:38 PM