خطاب التعهد مثل اللي موجود في المرفقات

ومطلوب تعبي واحد لك وواحد للزوجة بعد

الملفات المرفقة

تعهد فرنسا.pdf‏ (128.3 كيلوبايت, المشاهدات 74)

الف شكر للمعلومات بس لو سمحت كنت عاوز اعرف طريقة ملئ الابليكيشن للمقيمين فى السعودية .
وهل لازم اطبع كل حجوزات الفنادق داخل وخارج فرنسا

شكرارررر

مساك الله بالخير الله لايهينك والله بتسوي فيني خير ومالك الا الاجر لو ساعدتني انا لي يومين ولا ثلاث ايام افتح المنتديات والمواضيع وبصراحة تشوش تفكيري ابيك تعلمني من الالف للياء وشلون اقدم وبالنسبه للروحه بعد شهرين بالضبط لفرنسا 4ايام وسويسرا 3ايام انا وزوجتي وطفل عمره ست سنوات وابي الفيزة عن طريق السفارة الفرنسية

وخلني اخذ راحتي بالكلام وبدون ترتيب بالاسئلة عشان ماانسى

الابليكيشن اقدر اسحبه فاضي واعبيه يدوي ولا اعبيه بالكمبيوتر واسحبه وبعد تعبيته وشلون اسدد المبلغ وكم اصلا المبالغ اللي دفعتها انت عشان احسب القيمه والحجز حق الموعد وشلون اخذته ووشلون دفعت المبلغ هل هو كاش اخذه معي لموقعهم اللي بام الحمام وبالنسبه لكشف الحساب امره سهل والصور الشخصية والجوازات وتعريف الراتب هذا كله يهون بس انا اللي حايسني هالمبالغ ابي كم بالضبط وتعبية الاوراق وللمعلومية انا كلمت واحد سوداني يقول انه يصلح التأشيرات بس ماوثقت فيه ومتخوف اتعامل معه وقال لي باصلح كل تاشيره ب650ريال والطفل ب400ريال وهل الشغله تستاهل مكتب اقدم من من عنده ولا انا اعبي كل شي
لاني كلمت مكتب الطيار للسفريات بالرياض وقال باخذ على كل تاشيره 990ريال للكبير والصغير

تحملني شوي لاني والله ماني من الرياض وساكن باحد المحافظات اللي تبعد عن الرياض بحدود 250كيلو ولا ودي اجي للرياض الا انا عارف كل شي

مشكور اخوي وماقصرت بس باقي التامين بكم ومن وين اخذته

التأمين اخذته عن طريق عملي لأني اشتغل في قطاع خاص فاذا كان عملك موفر لك تأمين تقدر تراسل الموارد البشرية يأمنونه لك

واذا ماعندك تقدر تاخذه عن طريق موقع التعاونية وتطبعه اون لاين من الموقع وسعره حسب المدة واللي فهمته منك ان مدة سفرتك اسبوع يعني بيكلفك 65 ريال لكل شخص لمدة اسبوع

https://www.tawuniya.com.sa/ar/indiv...avel-insurance

الحين طيب انا توني متوظف وظيفه حكوميه وراتب 8 الاف كيف اسوي كشف حساب وانا توني فاتح الحساب ونازل اول راتب بس وهل تعريف الراتب وصورة بطاقة ائتمانية وحدهل تكفي؟