رأيكم سياحة و تسوق في دبي

بوصلووح · 12-01-2017, 01:35 PM

السلام عليكم و رحمة الله و بركاته ,,

ناوي اروح دبي الشهر القادم بإذن الله 4 ايام , و ما شاء الله على دبي على كثر ما نروحها كل مرة نحتار وين نروح ..
الرحلة مع العائلة عددنا 3 بالغين و طفلين 3 و 4 سنوات .. و الرحلة مع العائلة يعني لازم يستمتعون الحريم بالسوق و يستمتعون الأطفال باللعب و السياحة و انا استمتع بالدفع هههه ..

الصراحة انا حجزت و اعددت جدول مبدئي و الي يقدر يفيدنا و يقترح علينا يتفضل

من 7\2 إلى 11\2
اليوم الأول الثلاثاء : الوصول الظهر تأجير سيارة من المطار و الذهاب للفندق و الغداء , ثم السوق الصيني 2
اليوم الثاني الأربعاء : زيارة حديقة الخور و حضور عرض الدلافين ثم زيارة قرية البوم " فيها مطعم زمان اللول و شعبية الكرتون " أو العكس إذا كان عرض الدلافين لا يبدأ مبكراً , ثم الذهاب للقرية العالمية ..
اليوم الثالث الخميس : حديقة الحيوان "صغيرة" و ستي ووك أو بوكس بارك "مول مفتوح" ثم اوت لت دبي الي على طريق العين او جبل علي .
اليوم الرابع الجمعة : السوق الصيني ثم دبي مول " حوض السمك و النافورة الراقصة " أو زعبيل لرؤية الحديقة المضيئة ( لأن خايف دبي مول يكون مزدحم جداً )
اليوم الخامس السبت : الساعة 5 في المطار .. ممكن نتغدى في ديرة سيتي سنتر قريب من المطار

السكن في فندق بيرل ستي في منطقة ديرة , جناح غرفتين بمبلغ 2200

أسألتي كالتالي :
حديقة الحيوانات الي عند جميرا صغيرة ويقولون متواضعة بس خاطري عيالي يشوفون الحيوانات هل تستاهل ولا مضيعة وقت ؟ انا متهيء نفسياً انها صغيرة و لن اقضي فيها وقت طويل ..
اعرف ان في أماكن ألعاب جديدة في دبي مثل ليغولاند و اي ام جي لكن يقولون انها ماتناسب اعمار عيالي 3 و4 هل هذا صحيح ؟؟
شنو احلى ستي ووك او بوكس بارك ؟؟ و أيهما أفضل الاوت لت الي على طريق العين ولا الي عند جبل علي ؟؟
و طبعاً ماخصصت نفس اليوم حق السوق الصيني القديم و الجديد لأن الأهل يحبون القديم و يخصصون له يوم كامل و بنروح الجديد من باب الاستكشاف ..
نسعد بسماع آرائكم لاي مقترحات او تعديل

عشقي السفر و توبليرون معجبون بهذا.

عشقي السفر · 12-01-2017, 03:54 PM

اقتباس : المشاركة الأصلية كتبت بواسطة بوصلووح

السلام عليكم و رحمة الله و بركاته ,,

وعليكم السلام ورحمه الله وبركاتو

ناوي اروح دبي الشهر القادم بإذن الله 4 ايام , و ما شاء الله على دبي على كثر ما نروحها كل مرة نحتار وين نروح ..
الرحلة مع العائلة عددنا 3 بالغين و طفلين 3 و 4 سنوات .. و الرحلة مع العائلة يعني لازم يستمتعون الحريم بالسوق و يستمتعون الأطفال باللعب و السياحة و انا استمتع بالدفع هههه ..

الله يعطيك العافيه ويكون بعونك

الصراحة انا حجزت و اعددت جدول مبدئي و الي يقدر يفيدنا و يقترح علينا يتفضل

من 7\2 إلى 11\2
اليوم الأول الثلاثاء : الوصول الظهر تأجير سيارة من المطار و الذهاب للفندق و الغداء , ثم السوق الصيني 2

انا زرت السوق الصيني في زياره قريبه لي لدبي وبصراحه انصحك لاتضيع وقتك فيه انا يوم رحته المول شبه فاضي من الناس واسعاره تختلف عن القديم واصلا هم متلاصقين ممكن تكتفي بزيارته في نفس يوم زيارتك لسوق الصيني القديم لانه مشواره بعيد جدا يكفي مشوار واحد وتوجد سيارات قولف توصلك مجانا الى السوق الصيني الجديد

اليوم الثاني الأربعاء : زيارة حديقة الخور و حضور عرض الدلافين ثم زيارة قرية البوم " فيها مطعم زمان اللول و شعبية الكرتون " أو العكس إذا كان عرض الدلافين لا يبدأ مبكراً , ثم الذهاب للقرية العالمية ..

جميل لكن تاكد من مواعيد عرض الودولفين لان توجد 3 عروص على مااذكر باليوم عرض يبدا الساعه 2 الظهر والثاني 6 المغرب واما الثالث ما اذكر صراحه لكن على مااذكر 11 قبل الظهر لكن تاكد واحسب انك تكون عند القريه العالميه الساعه 4 حتى يمديكم تغطون اغلبها لانها من اجمل الاماكن

اليوم الثالث الخميس : حديقة الحيوان "صغيرة" و ستي ووك أو بوكس بارك "مول مفتوح" ثم اوت لت دبي الي على طريق العين او جبل علي .

جديقه الحيوان مغلقه مريت عنده قبل 20 يوم وكانت مغلقه وبالنسبه للاوت ليت القديم لم ازره واما الجديد بعيد عن المدينه يعني من فندقك الى الاوت ليت ساعه كامله رايح وساعه راجعه وتقريبا ثلث المول لم يفتح بعد بالنسبه لي احس انه يحتاج وقت على ما انصح انك تزوره واذا قررت تزوره فنصيحه زوره الصباح يعني الساعه 9 اطلع من الفندق

اليوم الرابع الجمعة : السوق الصيني ثم دبي مول " حوض السمك و النافورة الراقصة " أو زعبيل لرؤية الحديقة المضيئة ( لأن خايف دبي مول يكون مزدحم جداً )

صراحه دبي مول عالم اخر ومستحيل ادخل دبي وما ازوره لكن انت شوف اللي يناسبك

اليوم الخامس السبت : الساعة 5 في المطار .. ممكن نتغدى في ديرة سيتي سنتر قريب من المطار

ممتاز

السكن في فندق بيرل ستي في منطقة ديرة , جناح غرفتين بمبلغ 2200

أسألتي كالتالي :
حديقة الحيوانات الي عند جميرا صغيرة ويقولون متواضعة بس خاطري عيالي يشوفون الحيوانات هل تستاهل ولا مضيعة وقت ؟ انا متهيء نفسياً انها صغيرة و لن اقضي فيها وقت طويل ..

تم الرد عليك بالاعلى

اعرف ان في أماكن ألعاب جديدة في دبي مثل ليغولاند و اي ام جي لكن يقولون انها ماتناسب اعمار عيالي 3 و4 هل هذا صحيح ؟؟

اذا كنتو انتو الكبار مكن محبين الالعاب روحو اذا لا فصحيح بيكفيكم الالعاب الموجوده في دبي مول

شنو احلى ستي ووك او بوكس بارك ؟؟ و أيهما أفضل الاوت لت الي على طريق العين ولا الي عند جبل علي ؟؟

السيتي ووك جميل فيه مقاهي وفيه مطاعم ومحلات ويوجد فيه ذا جرين بلانيت بديل عن حديقه الحيوان

و طبعاً ماخصصت نفس اليوم حق السوق الصيني القديم و الجديد لأن الأهل يحبون القديم و يخصصون له يوم كامل و بنروح الجديد من باب الاستكشاف ..

المشكله السوق الصيني القديم والجديد ( متجاورين ) مشوارهم بعييد عن دبي فحرام تروح المشوار مرتين
نسعد بسماع آرائكم لاي مقترحات او تعديل

بالتوفيق

توبليرون و بوصلووح معجبون بهذا.

البيلسان · 13-01-2017, 01:45 PM

انا كمان احتاج برنامج متكامل لكن لاني جديدة في المنتدى لاتسمح مشاركاتي بوضع موضوع جديد

عشقي السفر و توبليرون معجبون بهذا.

عشقي السفر · 13-01-2017, 02:11 PM

اقتباس : المشاركة الأصلية كتبت بواسطة البيلسان

انا كمان احتاج برنامج متكامل لكن لاني جديدة في المنتدى لاتسمح مشاركاتي بوضع موضوع جديد

اهلا اختي تقدرين تفتحين موضوع جديد حتى اذا كان ماعندك مشاركات واللي ماتقدرين تسوينه هو ارسال رساله خاصه
اكتبي موضوع جديد فيه جميع استفساراتك

توبليرونمعجبون بهذا.

البيلسان · 13-01-2017, 02:20 PM

اقتباس : المشاركة الأصلية كتبت بواسطة عشقي السفر

اهلا اختي تقدرين تفتحين موضوع جديد حتى اذا كان ماعندك مشاركات واللي ماتقدرين تسوينه هو ارسال رساله خاصه
اكتبي موضوع جديد فيه جميع استفساراتك

والله جربت
لا يمكن اضافة موضوع جديد قبل ان تصل مشاركاتك 10 مشاركات

عشقي السفر و توبليرون معجبون بهذا.

عشقي السفر · 13-01-2017, 02:24 PM

طيب اختي حطي هنا استفساراتك هنا

اولا تاريخ السفر والعوده من ساعه الوصول
ثانيا عدد االاشخاص
ثالثا اسم الفندق
رابعا نوع المواصلات
خامسا الغرض من السفر هل سياحه فقط سياحه وسفر
سادسا اماكن سامعه عنها وودك تزورينها
سابعا ميزانيتك بالمصروف

توبليرونمعجبون بهذا.

البيلسان · 13-01-2017, 02:52 PM

اقتباس : المشاركة الأصلية كتبت بواسطة عشقي السفر

طيب اختي حطي هنا استفساراتك هنا

اولا تاريخ السفر والعوده من ساعه الوصول
ثانيا عدد االاشخاص
ثالثا اسم الفندق
رابعا نوع المواصلات
خامسا الغرض من السفر هل سياحه فقط سياحه وسفر
سادسا اماكن سامعه عنها وودك تزورينها
سابعا ميزانيتك بالمصروف

شكرا لكِ

تاريخ السفر 30 يناير الوصول الساعة 9 مساءً
العودة 10 فبراير الساعة 7 صباحاً

عدد الأشخاص زوجين وطفلة 11 شهر

اسم الفندق فلورا كريك

نوع المواصلات احتاج استشارتكم بالأفضل

الغرض من السفر سياحة

الأماكن ودي ازور احلى الأماكن واللي تنفع لكوننا معنا طفلة صغيرة

الميزانية بحدود 10000 غير شاملة الفندق والطيران

عشقي السفر و توبليرون معجبون بهذا.

البيلسان · 13-01-2017, 02:53 PM

والفندق قابل للتغيير لو كان عندكم خيار افضل ..

عشقي السفر و توبليرون معجبون بهذا.

البيلسان · 13-01-2017, 02:55 PM

والجو كيف يكون في تواريخ تواجدنا ؟

يحتاج اخذ لبنتي ملابس شتوية او لا ؟؟

عشقي السفر و توبليرون معجبون بهذا.

عشقي السفر · 14-01-2017, 01:02 PM

اقتباس : المشاركة الأصلية كتبت بواسطة البيلسان

والفندق قابل للتغيير لو كان عندكم خيار افضل ..

بالنسبه للفندق

اذا كنتي بتستاجرون سياره الفندق مناسب لكم وهذا اللي انصحكم فيه خصوصا ان معاكم طفله
وعن تجربه التكسي جدا غالي ومكلف
والمترو راح يكون مترو متعب ومعاكم رضيعه

اذا اخترتي السياره خليك على نفس الفندق

اما اذا بتستخدمين المترو او التكسي انصحك تغيرين الفندق

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رأيكم في خط السير تكفون رأيكم وتجاربكم	sandersawa88	ماليزيا	7	24-11-2016 01:43 PM
انتبه إلى زيادة حسناتك عند زيادة مشاركاتك	توبليرون	عام	24	13-09-2016 12:27 AM
تسوق وترفية.(روائع المكتبات)	ملاك	بوابة السعودية	17	29-04-2016 07:02 AM
فيزا تسوق و stc	alvaronegredo	البوابة السياحية	1	13-02-2016 04:29 AM
فيزا الراجحي تسوق والفنادق	الشهري	البوابة السياحية	26	03-05-2015 11:39 PM