السلام عليكم ورحمة الله وبركاته

نشارككم الذكرى والابتسامه مع مواقف جميله لاول فطور صباحي او اطرف فطور صباحي في رحلاتكم خارج دياركم

خالي الله يحفظه نزل فطور الفندق وكل فطورهم فلفل هههه
والشاي كان فيه ثلج
مسكين ماتهنى

صديقتي تقول بعد ماختارات فطورها
ماجلست جات ماشيه بتروق عليه في الغرفه
وتقول 3 وراها ههههههه وين رايحه افطري هنا ياحلوه هههه
قمه الاحراج

موضوع جميل يا راعية مبدأ

كنت في فندق في السعوديه
وطلبت فطور ومن ضمن الطلبات بيض مطقش
والأخ معرفش أيه هو البيض المطقش
وفضل يقولي بيض مسلوق تقصد أقوله لأ
طب تقصد بيض أومليت أقوله لأ
طب تقصد بيض عيون أقوله لأ
قالي مفيش عندنا بيض مطقش
طلعت الغرفه وأخبرت الوالده فطلع في الآخر الأومليت والمطقش واحد ههههه

يسعد مساك راعية مبدأ

مواقف حلوة و موقف صديقتك محرج جداً

بس عاد شوفي قمة الاحراج

من كثر الفنادق اللي حجزتها ببريطانيا نسيت وين حاجز فطور

الصبح بدري نزلت للوبي في فندق بمانشستر و دخلت مع الناس
بوفيه مفتوح و قهوة و وناسة و المطعم من كثر الناس صعب تلقين كرسي
بعد ما خلصت جيت خارج الا وحدة كنها سيكيورتي عند الباب تسألني
سير كم رقم غرفتك ؟ قلت لها جناح طال عمرك و عطيتها الرقم
طلبت مني أروح معها للاستقبال حسيت أني مسوي شي خطأ
هناك بلغوني بأن حجزي ما يشمل الفطور

أتوقع جاء ببالهم أني عارف بس العب عليهم
اعتذرت لهم و قلت خلاص حطوه على الفاتورة طلع بـ 20 باوند للشخص
تذكرت أني ما حجزته عشانه غالي بس تدبست فيه
و لا جنبهم مطاعم كثير تقدم فطور أحسن و أرخص

اول فندق كان بشرم الشيخ ولما نزلنا فطرنا اتا واختي كان في فاصوليا بيضا فاستغربت قلت لاختي هذا فطور ولا غدا
بس في اسطنبول كان الفطور من ٧-٩ونص اول يوم نزل معي اخي وبعدها صار يسحب على الفطور عشان ينام فكنت انزل لوحدي اول مايشوفيني يقولولي وين البوي فرند ليه ماصحيتي ولا شكلكم متزاعلين قلهم هذا اخوي مو راضين يقتنعوا جلسنا ٨ ايام واللي في المطعم يفكرونا اصدقاء بالاخر قلتلهم انا ما اصاحب هيك اشكال هههههههه

بتركيا قبل ممممممممممم 20سنة كنت صغيرة


سألت بابا قال اسم الفندق


حميد


اتذكر شفت فيه الممثل الكويتي ناسيه اسمه لكن هو طيووووب رجال كبير بالسن

والله ما اذكر اول فطور ،،،،،،
بس بقول موقف ...
في البحرين كنا ماخذين فندق بو طقه يعني بو ٣ نجوم يمكن
مع الريوق وغرفتين كلنا انا والعيال
واتهدد بالعيال اللي مايقوم مبجر بروح عنه اتريق (( غرامي ريوق السفر وصوت القفاش الصبح ))
المهم قعدت ورحنا انا وبوحسين و٣ من العيال
وافتح اول سخان والا بيكون استغفر الله وبنفس السخان فاصوليا بيضاء اللي احبها
بس تعرفين السخان مسكر والحرارة مخليه البخار في الغطا يقطر على الاكل
يعني حتى الفاصوليا صار فيها من ابخرة البيكون
شافني الجرسون اني ما اخذت شي الا جبنه ومربى
ياني وقال الحين اسوي لكم ريوق عربي
قعدنا شوي والا اييب لنا حمص وبيض اومليت واجبان متنوعه
والحمدلله
العيال طلبوا بالغرفه وطلع ريوقهم احلى من عندنا بوايد
وعقبها كلنا نطلب بالغرفه خخخخخخ

السلام عليكم


اول فطور لى اتذكر فى فندق الراجحى بالبطحاء ( الرياض )
عاد الفندق موجود او تم تحويله الى متحف !!!

ماشاء الله تبارك الرحمن مواقفكم روعه
واسعدتني مشاركتكم متصفحي