رحبا يعطيكم العافيه

يا ريت تفيدوني برحلة شهر عسل الوصول يوم الاربعا الموافق 19/5 الساعه 1 ظهرا
والمغادره يوم الاربعاء الموافق 27/5 الساعه 10 ليلا

انا حابه ازور لانكاوي كوالالمبور وقضاء يومين في سنغافوره
بدي مساعدتكم باختيار الفنادق ... في كوالالمبور بدي فندق بين شارع العرب والبرجين عشان ما اتغلب ... شو ابرز الاماكن يلي ممكن اروح عليها ويا ريت توضيح واسطه النقل من الفندق كم بتكلف ,,, وكيف احسن احجز مع شركه ولا اتفق مع تاكسي للتوصي للاماكين السياحيه
هل تنصحوني بجويا تايمز سكوير هل هو قريب من شارع العرب والبرجين يعني اوصلهم بدون مواصلات ؟؟؟


بالنسبه للنكاوي ,,, بدي فندق مناسب انا اقتنع بمنتجع برجايا لانكاوي هل هو مناسب؟؟
وكيف ممكن انسق للرحل للجزر الثلاث ومنقطه النسر والمانجروف ؟؟

بالنسبه لسنغافوره كيف يكون خط رحلتي الها ؟؟ من وين كوالالمبور ولا لانكاوي
يا ريت تفيدوني؟؟

المخطط يلي بفكر فيه لانكاوي , سنغافوره , كوالالمبور
شو شركات الطيران الداخلي يلي بتنصحوني فيها ؟؟؟
وهل تنصحوني بالوصول والمغادره مباشره الى لانكاوي ام الذهاب الى كوالمبور اولا ؟

أهلا عزيزتي.. فترة الرحلة قصيرة نوعا ما أعتقد صعب تكون اكتر من وجهتين لأنه كلها بدها طيران.. يعني لو مكانك بلغي سنغافورة خاصة انها بتحتاج لفيزا على الأغلب ..

الوصول مباشرة إلى لنكاوي غير ممكن طبعا لازم تمري من مطار كوالالمبور عالأقل .. وفيك تحجزي رحلة على طيران داخلي مباشرة بعد وصولك . أحسبي حسابك يكون في عالاقل تلات ساعات بين الرحلتين تحسبا للتأخير والترانزيت والشنط وهالشغلات..

الطيران الداخلي إير آسيا ممتاز وفي كمان فايرفلاي والخطوط الماليزية نفسها وغيرهم. ممكن تحجزي عن طريق الإنترنت بدون مشاكل .. والرحلة مدتها أقل من ساعة

بقية الاستفسارات ما عندي خبرةكافية زرت كوالالمبور مرة وحدة بس

الزواج والله يتمم لك على خير
مثل ماقالت الأخت دينا الأفضل تكون رحلتك ماليزيه وتكنسلين سنغافوره من خبرتي المتواضعه جدا بيكون الجدول
سيلانجور فندق صن واي لاقون راائع جدا وملاصق ل سوق البراميد والالعاب المائيه وزيارة الماينز وبتروجايا واي ستي
لنكاوي فندق فيلا موليك رحلة المانقورف حديقة الفواكه وميدان النسر والقريه الشرقيه والترفريك
كوالا من تجربه أنصحك في فندق الماريوت في شارع العرب ومقابل لمول البافليون
أو فندق تريدز غرفه مطله على البرجين
ويوم لجنتق الصعود بالترفريك وزيارة القريه الفرنسيه ومزارع الفراوله
الأيام انتي قسميها

شكرا لكم لردوركم
يعني اذ1 زدت الرحله يومين بئدر اروح ع سنغافوره براحلتي
لانه بصراحه واصلين هناك وواصلين ههههههههه

ههههه واصلين واصلين معك حق . طبعا بتقدري بس بدك تعملي حسابك انه سنغافورة اغلى بمراحل من ماليزيا.. وأكيد الشغلة بتستاهل ازا انت حابة سنغافورة لهالدرجة

الطيران أكيد من كوالالمبور أفضل لك .. وممكن تروحي بالأول لنكاوي - كوالالمبور - سنغافورة ومنها مباشرة لبلدك..

شكرا كتير ديما

اه عندي علم انه سنغافوره اغلى لهيك بس بدي اروح يومين واهرب من الغلاء هههههه

هلا بدي نصائح بالنسبه للمواصلات ؟؟ بتنصحوني اركب بالتاكسي واحكيله ع المكان ويوصلني وكذا
او اخذ شركه سياحيه تبقى معي جولات مع العلم انه غاليه ... بس بدي افهم انه التاكسي حيكون بنفس المستوى الغلاء؟

ع هيك رح ازيد رحلتي يومين ... لسنغافوره
واقضي 4 ايام في كوالمبور و3 في لانكاوي بتصور هيك منيح ومريح ؟؟ او في اقتراحات اخرى

دينا دينننننا .. ههه

عموما التكاسي بالشارع مو غالية ابدا .. ممكن تاخدي تكسي بسهولة والأحمر دايما هو الأرخص.. وممكن أعطيك ارقام سواقين تتفقي معهم عالمشاوير (وفي كمان موضوع مثبت هون بالبوابة للسائقين مجربين ..) يعني التنقلات مش مشكلة وبتوقع انها اكيد ارخص من الالتزام مع شركة سياحية

تقسيمك للوقت هيك ممتاز وفي كتير مواضيع بالبوابة فيك تقرئيها ومنها تحطي جدول باللي بيناسبك من انشطة وجولات .. والاعضاء كلهم ما رح يقصروا اكيد

مبروك الزواج مقدما وربنا يتمم لك على خير

حبيبتي ديناااا يسلمووو لتفاعلك وانا عم اقرا رحلتك

ان شاء الله تكون رحلتي موووفقه زيك
بس باقي موضوع الفنادق انا كتير محتاااره فيه
في لانكاوي كتير حابه لانكاوي لانجووون بس حابه اشوف تجربه حدا فيه

في كوالمبور تايمز سكوير بس كمان حابه اشوف تجارب حدا اذا بتقدري تفيديني

الله يسعدكم أينما كنتم .. وان شاء الله تكون رحلتكم مميزة

بالنسبة للفنادق فهي متنوعة ومختلفة بحسب ميزانيتكم

من افضل الفنادق المجربة والتي تقييمها عالي في بوكينج

هو تريدرز بجانب البرجين في منطقة المثلث الذهبي

ايضا ريناسيس جميل ومقابل المونوريل ( القطار )

كذلك اجنحة باسفيك ريجنسي حلوة مقابل منارة كوالالمبور واطلالتها روووعة

كذلك سويس جاردن ممتاز وقريب جدا من شارع العرب

هذه مجموعة فنادق اختاري واحد منهم وانتي مرتاحة بدون قلق او تردد

بالنسبة للاماكن السياحية

منارة كوالا
عالم تحت البحار
حديقة الحيوانات
حديقة بيردانا
حديقة الفراشات
حديقة البرجين

سوق سواريا الملاصق للبرجين

زيارة بوترا جايا وركوب القارب
وغيرها

بالنسبة للسكن في لنكاوي فالمنتجعات كثيرة ومتفاوتة الاسعار جدا

افضلها بلا مقارنة الفورسيزون
كذلك ويستن مميز

بالتوفيق