مساعدة بوضع الخطة النهائية لرحلة باريس - الصفحة 2

المستشاره · 05-02-2017, 10:16 PM

مرحبا
رحلة سعيدة
لمن سويتي الشنغن طلبوكي حجز التذاكر

بحة الشوق · 05-02-2017, 11:03 PM

اقتباس : المشاركة الأصلية كتبت بواسطة المستشاره

مرحبا
رحلة سعيدة
لمن سويتي الشنغن طلبوكي حجز التذاكر

اهلين
لي وللجميع يارب
يب طلبو حجز طيران ذهاب وعودة و حجز فنادق

وجهات أوروبية · 06-02-2017, 09:14 PM

اقتباس : المشاركة الأصلية كتبت بواسطة بحة الشوق

السلام عليكم ورحمة الله وبركاته

يسسسعد مساكم و صباحكم بكككل خير

وعليكم السلام ورحمه الله وبركاته
ويسعد لي مساك بكل خير ان شاء الله اختي

رحلتي حتكون باذن الله يوم 10 / فبراير شهر ٢ الى يوم 20 /2

حتكون مقسمه 5 ايام باريس و 5 ايام برشلونة

تقسيم ممتاز جدا

السفر بيكون من جدة ل أثيينا ترانزيت بعدها ل باريس

يوم 15 باذن الله الذهاب طيران داخلي من باريس لبرشلونه

يوم 20 العودة باذن الله من برشلونه ل روما ترانزيت و بعدها الرجوع بالسلامه لجدة

.......................ً.........

استفساراتي الان : قبل الاستفسارات فيه ملاحظة عشان تقدرو تساعدوني اكثر
انا حامل و هذا الشي اللي خلاني صعب اسوي جدول لحالي بدون خبرة

1- المواصلات بفرنسا اش افضل المترو و الا الرير و الا الباص او سواق خاص ؟!
كنت اتمنى اخذ الرير او المترو لان الميزانية ما اقدر عالتاكسي و غيرو
لكن من اللي قريته انو فيه درج كثير و طلوع ونزول فصعب في حالتي

بالنسبه للمترو والرير طبعا الافضل والارخص وخاصه لما تاخذينها لأيام متعدده والتاكسي او سواق خاص غالي
معظم محطات المتروفيها سلالم متحركه لكن اغلبها فقط للصعود وبعظها النزول بدرج عادي يعني متنوعه ممكن تنزلون بالدرج بس يكون ريلاكس وايضا هذا يرجع حسب حالتك وقت السفر من ناحيه عدد الشهور وكذا

هذا الرابط فيه اسعار تذاكر المترو

Transport Paris - RATP - Paris Tourist Office - Paris Tourist Office
طبعا انتي اتوقع يناسبج تذكره لمده 3 ايام لزون 1> 3
بسعر 28.5 يورو
واذا بتروحين دزني لاند وقصر فرساي تاخذين يومين لزون 1 > 5
بسعر 41 يورو
المجموع 5 ايام
سعر المواصلات الخمس ايام لشخصين 139 يورو

2- كيف الباصات السياحية هل مفيدة كثير ؟! وهل التذكرة تشمل يوم كامل و الا اذا كملت ساعتين ينزلوني ؟! بالذات انا وزوجي نبي ننزل بكل معلم سياحي مهم نلف فيه بعدين نكمل

الباص السياحي مفيد جدا
وفكرته ان تحجزين التذكره اليوم واحد او يومين
وهو ان اي معلم يوقف فيه الباص ممكن تنزلين وتتجولين وبعدها توقفين بنفس مكان النزول والصعود مع الباص الاخر
طبعا لما تاخذون التذكره ليوم او يومين يفضل الخروج معاهم من الصباح والتجول واذا مايكفي يوم للتجول بكل الاماكن تاخون التذكره ليومين وتكملون باقي الاماكن باليوم التالي

وطبعا تختارين الخط الاحمر ( RED LINE )
وسعر التكره ليوم واحد 29.70 يورو
وسعر التذكره ليومين 33.40 يورو

3- ابي اروح سينما مو بس افلام فرنسية وين ؟!

السينما موجوده بالشانز وهي الاقرب لكم وقريبه من محل دزني لاند ستور بالزاويه

4 - هل الطلوع لقمة برج ايفل و قوس النصر بدرج او مصاعد و بكم تذاكرها ؟!

بالنسبه للطلوع الى قمه برج ايفل الطلوع بالمصعد

الاسعار

ط§ظ„ط¹ط±ط¨ظٹط© / Arabe

للحجز

La billetterie officielle de la Tour Eiffel

ضروره بالحجز اون لاين لسبب ان الطابور حجز التذاكر طويل جدا عند البرج
ويوجد طابور ثاني وهو انتظار عند المصعد
على الاقل تتجاوزون عن طابور طويل واحد

وقوس النصر الصعود له بالمصعد لجزء منه وبعدها الصعود بالدرج 46 درجه
لان مجموع الدرجات كلها 284 درجه
يعني تم تجاوز 238 درجه وهي عن طريق المصعد

للشراء تذاكر قوس النصر اون لاين

e-billetterie du Centre des Monuments Nationaux

ملاحظه :

للوصول الى مكان الدخول والصعود لقوس النصر
في بدايه الشانز ومن جنب قوس النصر
وتحديدا مع سور السفاره القطريه في منزل درج للنفق للعبود من تحت الشارع الى القوس وملاحظه عدم النزول من منزل الدرجه الاخر وهو المخصص حق الرير + المترو شارل ديغول ايتوال

5 - المناطق اللي ابي ازورها اكثر شي فباريس بكتبها وابي الترتيب الصحيح لها على قد ايامي :

(( مع العلم الوصول حيكون الساعة 11 الظهر مطار دغول ))

هذي المناطق راح ارتبها لج ان شاء الله بالمحطات المترو
وحسب قربها من بعظها لزيارتها كامله
ومع بعض الملاحظات لبعض الاماكن

قرية بيرسي
برج ايفل
قاعة الاوبرا
متحف الشمع
السكن فالشانزلزيه
متحف اللوفر
نهر السين
هضبة مونمارت
شارع الرسامين
ديزني لاند يوم واحد
الحي اللاتيني
قوس النصر
ساحة كونكورد
كاتدرئيه نوتردام
الاوتلت
مدينة بروج البلجكية ان امكن ))

ممكن تزورون بروج البلجيكيه لكن مافي رحلات مباشره من باريس
في تبديل واحد في بروكسل وبعدها الى بروج ومده الرحله كامله مع التبديل 2:37 وبعض الرحلات تبديلين لكن اختارو الرحله ام تبديل واحد
واذا ناويين ومعزومين تروحون لها
الافضل كالتالي :
خصم يوم من برشلونه لتبقى 4 ايام
5 ايام في باريس او العكس
ويوم واحد يكون حق بروج عشان ترتاحون
وعلى هذا الافضل تقسمون السكن بباريس على اساس 3/2 بنفس الفندق
يعني السكن اول 3 ليالي بفندق بباريس وتتركون اغراضكم بالفندق بالستور وتاخذون معاكم شنطه صغيره ليوم واحد حق بروج
ومن ثم العوده لباريس وتجلسون اليومين الاخيرين قبل الهاب الى برشلونه

حظور مباراة برشلون وسان جيرمان يوم 14 الساعة ١٠ الليل

المباراه في وين بملعب سان جيرمان !!
اذا هناك يعني يوم 14 راح تقضونه مابين مجمع الفصول الاربعه باللاديفانس وغابات بولونيا وبعدها للملعب وهو قريب من الحديقه

الخروج من باريس مطار اورلي الساعة ٦ الصبح

بالنسبه حق برشلونه ياريت لو تفتحين استفسار اخر في البوابه الاسبانيه لننتقل لها ان شاء الله
وتذكرين اسم الفندق المختار هناك

و بسس اتمنى تنظمو لي جدول مريح بالتنقل و كمان لو عندكم اقتراحات لفنادق و مطاعم او اماكن سعرها حلوو و ممتعه اكتبو

الاجابه فوق باللون الاحمر

abrar_ و محمدويوسف معجبون بهذا.

وجهات أوروبية · 06-02-2017, 09:17 PM

اقتباس : المشاركة الأصلية كتبت بواسطة بحة الشوق

بانتظااارك اخوووي

للان الفندقين اللي حجزتهم عشان الشنقن بس لكن لسى ابي ادور غيرهم فمو اكيدين

و ياليت ترودو اسرع مثل منتو شايفين مافي وقت كثير محتاجة خبرتكم ربي يسعدكم

اذا لحد الحين ماحجزتي الفنادق

ممكن اعرف كم شخص
وتقريبا كم ميزانيتكم حق الليله الواحده

بحة الشوق · 06-02-2017, 09:42 PM

اقتباس : المشاركة الأصلية كتبت بواسطة qa6ar911

اذا لحد الحين ماحجزتي الفنادق

ممكن اعرف كم شخص
وتقريبا كم ميزانيتكم حق الليله الواحده

يعطيك الف عافية اخوووي ما قصصصرت

حجزناا لكن الغينااه الحين بس حجز حق الشنقن

بس انا وزوجي

مو كثير يعني لو لقيت بحدود ٢٠٠٠ لخمس ايام بباريس

وجهات أوروبيةمعجبون بهذا.

وجهات أوروبية · 07-02-2017, 12:38 AM

العفو اختي

2000 ريال تقريبا موجود لكن راح تكون الخدمات او الموقع نوعا ما تعبانه
لكن اذا تبغين فنادق حلوه واسعارهم غريبه من سعرك

1- فندق ايكتا

ظپظ†ط¯ظ‚ ط¥ظٹظƒطھط§ ط´ط§ظ†ط²ظ„ظٹط²ظٹظ‡ (ظپط±ظ†ط³ط§ ط¨ط§ط±ظٹط³) - Booking.com

فندق ايكتا نظيف جدا وموقعه رائع وسعره مناسب وقريب جدا من الشانز اقل من دقيقه مشي
ودخلته من الشانز من جنب محل BOSS
عيبه فقط ان الغرف نوعا ما صغيره

انصحك فيه وقيمته لخمس ليالي 2600 ريال

2- فندق ميليا

ظپظ†ط§ط¯ظ‚ ظ…ظٹظ„ظٹط§ ط¨ط§ط±ظٹط³ ظ„ط§ط¯ظٹظپط§ظ†ط³ (ظپط±ظ†ط³ط§ ظƒظˆط±ط¨ظˆظپظˆط§) - Booking.com

ها الفندق لايختلف فيه اثنين
سبق واني سكنته ممتاز جدا ونظيف والغرف حجمها فوق الممتاز
والمنطقه قدام الفندق حلوه للجلوس والتمشي
لكن مشكلته في اللاديفانس وتنقلك للشانز بالمترو
ومحطه المترو امام الفندق مباشره لكن في نزول درج
وصعود بدرج متحرك

سعر الخمس ليالي تقريبا 2800 ريال

ظپظ†ط§ط¯ظ‚ ظ…ظٹظ„ظٹط§ ط¨ط§ط±ظٹط³ ظ„ط§ط¯ظٹظپط§ظ†ط³ (ظپط±ظ†ط³ط§ ظƒظˆط±ط¨ظˆظپظˆط§) - Booking.com

3- فندق غاليلو
وهذا الفندق جنب فندق ايكتا مباشره وبنفس المواصفات وحجم الغرفه

وسعره لخمس ليالي تقريبا 2700 ريال

ظپظ†ط¯ظ‚ ط؛ط§ظ„ظٹظ„ظˆ ط´ط§ظ†ط²ظ„ظٹط²ظٹظ‡ (ظپط±ظ†ط³ط§ ط¨ط§ط±ظٹط³) - Booking.com

FAHAD-3022 · 20-05-2017, 03:14 PM

مساء الخير .. بالنسبة للحامل احس المترو فيه حركة كثيرة عند التوقف ممكن يأثر عليك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مساعدة فى التخطيط لرحلة	همس الليالي	بوابة سويسرا	7	18-10-2016 02:46 AM
ارجو مساعدتي بوضع برنامج سياحي متكامل	Princess	تركيا	4	09-07-2016 11:30 PM
مساعدة: رحلة شهر عسل إلى باريس ..,،	ابراهيم العسيري	بوابة فرنسا	16	11-01-2016 06:24 AM
تركيا طاح الحطب	ابو زياد 1	تركيا	12	10-09-2015 01:49 PM
مساعدة؛ شهر عسل من برشلونة إلى باريس !	ابراهيم العسيري	بوابة اسبانيا	11	24-07-2015 05:46 PM