السلام عليكم ورحمه الله


قضيت ايام جميلة في اندونيسيا والحمدلله رحعنا بالسلامه حبيت ارد الجميل للمنتدى واكتب تقرير عن رحلتي
هو يعني مو تقرير زي تقاريركم ممكن ملاحظات ونقاط
واعذروني لاني اول مره اكتب ملخص رحلتي للافاده

الرحله بتاريخ 15يناير لشخصين وطفلين لمده 15يوم
كانت حجوزاتنا قبل الرحله ب3شهور ب(8000)ريال تذاكر
ع الخطوط القطريه ماعليها كلام بس المشكله ممكن مع الصغار شوي تعب بالترانزيت خاصه ادا وقت نومهم مع انه اخترت ترانزيت ساعتين ومواعيدها شوي تتاخر رحلتنا من جده تأخرت ربع ساعه واحنا رجعين تاخرنا ممكن نص ساعه


وصلنا بتوقيت جاكرتا الساعه 7صباحا وكنت مجهزه الحجوزات وتذاكر الرجوع بس ماطلبوها مننا
والكرت اللي اعطونا بالطياره نعبيه نسيناه بالمقعد قبل ماننزل بدايه الفهاوه ولما شفنا الناس معاهم كرت مع الجواز قلت لزوجي بس اكيد محيدخلونا بنرجع ع اول طياره والحمدلله جلست اردد( وجعلنا من بين ايديهم سدا ومن خلفهم سدا ) الى جا دورنا وسلمنا الجوازات وختملنا ولاسألنا عن شي تاني





--طبعا كنت متفقه مع سواق من قبل 3شهور ولما وصلت مطار قطر ارسلي انه مايقدر يجي وبيرسل لنا شخص ثاني بس انا قلتله خلاص شكرا ناخذ احنا بطريقتنا ورحنا المطار وربي وفقنا بسواق جددا محترم
من المطار الى بونشاك 550الف حساب اليوم كامل وباقي الايام 500الف لليوم تقريبا الطريق ساعه ونص من الوناسه والمطر والمناظر نسينا النوم والتعب كنا جوعانين رحنا مطعم السندباد(ماعجبني) ومزارع الشاي حلوه للتصوير
فندقنا بيسونا علم الرائع كنا حاجزين 4ايام واليوم الاخير بنشوف فيلا طبعا ماعجبني ولاشي واللي عجبتني وحده وكانت فل بس ماقتنعت لاانا ولازوجي بالفيلا نهائي وقررنا نمدد حجزنا بيسونا والحمدلله لقيت حجز


--السفاري يوم كامل بصراحه ممتعه جدا وعروضها وشلالها افضل شلال عجبني بالرحله كلها


--حديقه الفراوله عاديه بس عصيرهم لذيذ

--حديقه فينيسيا ماتسوى ابد ولا بحيرة الليدو


--حديقه الزهور رووووعه للتصوير واللي معاه اطفال في مصورين يصوركم ب20الف (4ريال)تقريبا للصوره مره بطله الصوره
تمنيت جبت لبنتي فستان او لبس ثاني واصورها كمان قد ماقلكم الصور جنان قليله في حقها


--حديقه شيبوداس حديقه الجنه يسموها جدا رايقه جلسنا وطلبنا شاي وقهوه وبطاطس مقليه لذيذه فيها خيول طبعا اولادي يمكن اخذوا 5 جولات ب50الف الجوله تمنيت لو طبخنا وكدا بس حسيتها لعوائل اكبر

طبعا المطاعم ولاشي اعجبني ابدا ابدا
كل يوم نجرب مطعم كماننا والجزيره ريم البوادي سندباد ونخرج ونروح ع بيتزاهت الحمدلله اللي موجود ولا يمكن مت من الجوع وجايبه معايا من السعوديه معلبات فادتني لانه ماتقبل اي اكل بس الكبير يتصرف بس الاطفال يحزنوا ولدي نفس الحال مرا تعبنيبالاكل بس هو عموما بالسفر مرا مايعجبه شي حتى اكل الطياره نهائيا ماياكله اذكر لما رحنا تركيا وهيا مشهوره بألذ الاكل مايعجبه اي مطعم




اليوم السادس توجهنا لباندونغ وحجزنا كان بفندق سينسا
الجدول كان الحمامات الحاره والبركاان واسواااااااق
اللي صار رحنا البركان نزول ممكن 2كيلو والرجوع 1كيلو اول يوم وتكسرت رجولنا ع الاخر بالعافيه نمشي الله يسامحكم ع كثر ماقريت وختمت التقارير قبل ماسافر مافي احد قال مانصح الاطفال يروحون) لانه مو تعب الا هلااااك جلسنا بعده 4ايام ممكن بالقوه نحرك رجولنا نهائي مافي لياقه انا وولدي اكثر شي

طبعا كنسلنا المياه الحاره والاسواق رحت لشارع الجنز وماعجبني الوضع ورحنا للمول اللي جنبه في اشياء حلوه اشترينا كم غرض وع الفندق




اليوم الثامن رحلتنا الى بالي
بأذن الله بكره اكمل -----تحياتي

الحمـد لله على السلامة
بــداية موفقــة

يعطيج العافية
ملخص حلو وجميل
التقرير كامل بس ناقصه الصور الجميلة
ويصير تقرير ممتاز

الحمدلله استمتعتوا بالسفرة بس الأطفال لازم تكونون عارفين الأماكن اللي يقدرون عليها او لا
عليكم بالعافية كل ما شريتوا واكلتوا