جاكرتا - بالي - الجبل 14 يوم .. ولكن !! - الصفحة 23

أم احمد · 15-05-2021, 10:40 PM

اقتباس : المشاركة الأصلية كتبت بواسطة نجم السياحه

بسم الله الرحمن الرحيم

الثلاثاء - الساعه العاشره صباحاً

نجم / الو .. هلا يا قمر .. ابا خبر ؟

المدام / هلا يا شمس .. الحمدلله .. تراني اعرف اندونيسي

نجم / كفو والله .. البنات راحوا المدرسه ؟

المدام / ايوا دوبهم

نجم / احنا الحين ماشيين الجبل

المدام / المهم .. زي ما اتفقنا .. براشوت مافي

نجم / والله نفسي بالبراشوت .. حلمي اطير

المدام / والله أنا خايفه تطير ولا عاد ترجع !!

نجم / خايفه علي يا قمر

أبو علي/ اقولك .. خلصنا .. التاكسي وصل

التاكسي كان من طرف صاحب الشقه والسعر يوم كامل للجبل ( روحه ورجعه ) 600 ألف = 180 ريال

وصلنا للجبل بعد ساعه ونص

الجبل يحتوي على العديد من الأماكن والفعاليات السياحيه

سفاري ( حديقة حيوانات حره طليقه ) - حديقة الزهور - الشلالات - البحيرات - مصنع وحديقة الشاهي - منطقة شيباناس .. وغيرها ..

احنا اخترنا نبدأ بالسفاري .. في الطريق اشترينا جزر وموز للحيوانات

السفاري يتضمن الاتي ( حيوانات حره طليقه - ملاهي - عروض للفيله والنمور - عرض كاوبوي ( كوميدي ))

تذكرة الدخول للشخص = 300 ألف = 90 ريال

والتاكسي = 165 ألف = 45 ريال

التجول بالتاكسي بين الحيوانات .. وإذا جيت عند الأسود والنمور تقفل النافذه

لصراحه كانت تجربه جميله .. واتوقع بتكون ممتعه وفريده لصغار السن

الجوله اخذت تقريباً ساعه .. ( احب انوه هنا بأن الجوله بالصيفيه وقت الزحمه راح تكون على الأقل من ساعتين لثلاث )

بعدها ارتحنا في كوفي ثم الساعه ( 1.30 ) الظهر بدأ عرض النمور لمدة ربع ساعه

والساعه ( 2 ) عرض الكاوبوي ( مشهد كوميدي خفيف لمدة 20 دقيقه )

عرض الفيله

بعدها طلعنا ورحنا تغدينا في مطعم ( حضرموت ) وهو تابع لنفس المطعم اللي في جاكرتا

مطعم جيد وأكله جيد وفيه جلسات للعوائل

اخذنا لحم مندي ودجاج ومصقعه وكولا = 80 ريال تقريباً ( الشخص 40 ريال ) .

بعدها غادرنا باتجاه منطقة البراشوت .. والدخول لمنطقته بعشرين الف = 6 ريال للشخص

وكان المنظر رائع وجميل من مطل البراشوت

بعد نظره سريعه للهاويه حمدت الله ان المدام حلفتني اني ما اركب البراشوت

رسوم البراشوت للشخص 400 ألف = 120 ريال !! مبلغ كبير !!!

بعدها .. بحيرة الألوان ( تلاقا وارنا ) والدخول لها بمئة الف = 30 ريال للشخص

والصراحه ما عجبني شكل الناس اللي تاخذ الرسوم !! بدون تنظيم !! وفواتير تحسها أي كلام !!

ولذلك فاوضت حق البحيره .. وحسب الشخص بخمسين ألف = 15 ريال بدون فاتوره !!

المدخل للبحيره به مزارع شاي صغيره .. وحالما تدخل للبحيره ترحب بك القرود

لم تعجبني البحيره ووجدتها اقل من عاديه

الساعه ( 5.30 ) اقترح السواق اننا ننزل قبل زحمة السير

وفعلاً كنا الساعه ( 6 ) مساء أمام مطعم ( رويال الجزيره ) الواقع أسفل الجبل

المطعم 3 أدوار .. والدور الثاني مخصص للعوائل

الدور الثالث مطل على الحديقه الخلفيه .. جلسه جميله مع الشاهي والكوفي ( لم نطلب أكل ) .

بعدها رجعنا لجاكرتا ( ساعه ونص ) مع نوووومه في السياره

التكاليف للشخص الواحد على فرض ركوب الشراع = تاكسي يوم كامل + تذكرة السفاري + تذاكر دخول البراشوت والبحيره + ركوب البراشوت + غداء + وجبه خفيفه وشاهي = 450 ريال !!

والحمدلله .. كان يوم جميل ورايق .. نساني صخب جاكرتا

يتبع ..

الجبل أجواء حلوة والسفاري عالم ثاني وذحين إرتفع سعر الدخول للشخص 20 ريال زيادة ههههههههههههه بس تستحق الزيارة ما شاء الله ربي يباركلكم في وقتكم ومجهوداتكم تقرير من بدايته ممتع ومشوق

نجم السياحهمعجبون بهذا.

أم احمد · 15-05-2021, 10:47 PM

اقتباس : المشاركة الأصلية كتبت بواسطة نجم السياحه

بسم الله الرحمن الرحيم

نجم / هلا ببنتي العسل

البنت الكبرى / وحشتنا يابابا .. متى بتجي ؟

نجم / وحشتكم !! دوبها ( تيجا ) أيام !! لسه قدامي ( سبولو ) أيام

البنت / تيجا !! سبولو !! ايش هذي !! أكله اندونيسيه !!

نجم / تيجا يعني أربعه .. وسبولو يعني عشره .. تعلمناها من التكاسي

البنت / والله يابابا سناباتك حلوه .. تغطيه ميه ميه .. ايش المولات العملاقه ذي اللي عندهم

وماركات وحاجات فخمه .. والجبل ماشاء الله خضاااار

نجم / المولات عندكم زيها في جده .. العرب مول .. وريد سي مول

وتراني ما وريتكم الا الشئ الحلو !! الزحمه والحر والشوارع المحفره ما صورتها !!

احنا اليوم رايحين جزيرة بالي .. وان شاء الله يطلع الجو زين

اقلاعنا كان الساعه ( 11.30 ) الصباح على خطوط ( لاين اير ) بسعر 400 ريال للشخص

والمده ساعتين .. ويوجد فرق في التوقيت ساعه بين جاكرتا وبالي

( يعني اذا سافرت الساعه وحده توصل بتوقيت بالي الساعه أربعه والعكس في العوده لجاكرتا تكسب ساعه )

تنويه // على موقع ( لاين اير )التذكره 250 ريال للشخص لكن للأسف لا يقبل الحجز .. ولذلك تم الحجز عن طريق مكتب سياحي في جده

وهو تواصل مع مكتب سياحي في اندونيسيا .. وجاتني التذاكر على ايميلي من المكتب السياحي اللي في جده في يومين بسعر 400 ريال للشخص !!

وكان اصراري على ( لاين اير ) لان موعد سفرهم ناسبني بعكس ( الجارودا ) و خطوط ( اسيا اير )

الرحله للأسف تأخرت نصف ساعه في الاقلاع !!

وصلنا الساعه ( 3 ) الظهر

.................................................. .................

بالي جزيره كبيره جداً جداً

الروقان والاسترخاء والخضار والمزارع والشلالات والبحيرات والمناظر الزينه والتجديف في النهر في الجبال شمال بالي

أما الضخب والمولات والملاهي والشواطئ والألعاب البحريه في الجنوب

والمسافه بينهم كبيره ( 2 ) ساعتين بالتاكسي مع الزحمه .. بتكره الرحله !!

ولذلك اقول بعد خمسة أيام قضيتها في بالي .. وروحات وجايات في السياره اللي طلعت عيني منها

أن مدة خمسة أيام مناسبه لبالي ( وممكن الزياده لمن يرغب )

ولكن ضرور ي جداً جدا ًتقسم السكن = ( 3 ) أيام في مدينة ( ابود ) في الشمال .. للعوائل والشباب

و ( 2 ) يومين في ( شاطئ نوسا دوا ) للعوائل , أما الشباب فيسكنوا في منطقة ( كوتا )

أنا اخذت في المنتصف الغربي تقريباً قريب من أحد الشواطئ .. ولكن للأسف طلع الموقع سئ جداً جداً

وتبهذلنا في الروحه والجيه !! كل مره المشوار لا يقل عن ساعه ونص بسبب الزحمه !!!!

.................................................. ....................

بعد الوصول للمطار أخذنا تاكسي للشقه بسعر 250 ألف = 75 ريال !!

احنا اخذنا شقه ( بنتهاوس ) اسمها // ايكو بيتش ريزورت ( Echo Beach Resort )

بتكلفه عاليه = 500 ريال بالليله

غرفة نوم وحده فقط وواحد حمام وصاله

والفطور يوصل للشقه .. وكان فطور ضعيف كل يوم بيض أو بان كيك مع العصير أوالقهوه

الشقه رووووعه بتراساتها .. حبث لها 3 بلكونات .. ثنتين تطل على البحر وعلى البلد في نفس الوقت .. والثالثه داخليه على حديقة المنتجع

الاثاث كان ممتاز .. لكن النت ضعيف

صور من البلكونه

صوره للبحر

البلكونه الثانيه

سرير مو بلكونه

بعد الراحه والاستمتاع بمنظر الغروب من التراس .. ذهبنا لمنطقة كوتا ( شارع كارتيكا ) للتمشي وتناول العشاء

وكذلك لزيارة الكشكات اللي تبيع التذاكر حقة الالعاب البحريه والتجديف والقروبات السياحيه

عملاً بنصيحة أخونا المشرف ( الردادي ) جزاه الله خير

تاكسي لكوتا ( شارع كارتيكا ) = 30 ريال

الشارع جميل وضيق ونشط وصاخب .. مليان مطاعم وبارات ومحلات ملابس وهدايا

فيه حوالي خمسه أو سته كشكات للتذاكر

دخلنا أولها وبدأت المكاسره .. اخترنا أربعة ألعاب بحريه ( كل لعبه لها سعر )

وكانت بسعر نهائي شامل التوصيل من الشقه للموقع رايح جاي ووجبة غداء بعد المكاسره للشخص = 400 ألف = 120 ريال تقريباً

والتجديف كان نفس السعر وكمان مع التوصيل رايح جاي

احنا فضلنا نروح بأنفسنا .. لأن معانا سواق .. نروح في الوقت اللي نبغى .. ونرجع متى ما نحب

ونوقف في المكان اللي يعجبنا .. حتى لو ندفع زياده .. لكن براحتنا

والنقطه الأهم أن الشركه اللي بتجيك للشقه حتمر على غيرك وغيرك !! يعني شغلانه متعبه !!

راسك يدوخ وانت تلفلف على الناس !!!

وكمان احنا ما حنكتفي بالالعاب فقط .. لكن سواقنا بيودينا أكثر من مكان

الهدف من الاكشاك أن احنا عرفنا الاسعار ونقدر نفاوض على أساسها لما نروح للألعاب

كملنا تمشي وكان هدفنا العشاء في المطعم الهندي ( كوين )

وكان خيار ممتاز .. المطعم جيد .. أكله جيد .. جلسنا عشر دقائق ننتظر الدخول من الزحمه !!

طلبنا / كاري لحم + دجاج برياني + خبز نان + رز برياني + كولا = 400 ألف = 120 ريال لشخصين !!

راحت أيام الرخص !!!

صورة الاكل اللي كان

رجعنا بتاكسي = 35 ريال

يتبع ..

الله يحفظلك زوجتك وذريتك ، نصائح مهمة لتقسيم أيام ومناطق السكن في بالي

توبليرون و نجم السياحه معجبون بهذا.

أم احمد · 15-05-2021, 10:53 PM

اقتباس : المشاركة الأصلية كتبت بواسطة نجم السياحه

بسم الله الرحمن الرحيم

أبو علي / قريت الخبر ذا !!

نجم / اي والله .. غريبه 120 سعودي مره وحده !!

( رابط الخبر المزعج )

ط£ط®ط¨ط§ط± 24 | ط§ط¹طھظ‚ط§ظ„ 120 ط³ط¹ظˆط¯ظٹط§ظ‹ ظپظٹ ط¥ظ†ط¯ظˆظ†ظٹط³ظٹط§.. ظˆط³ظپط§ط±ط© ط§ظ„ظ…ظ…ظ„ظƒط© طھطھط¯ط®ظ„ ظ„ط¥ظ†ظ‡ط§ط، ط§طXXXطھط¬ط§ط²ظ‡ظ…

نجم / تصدق كان في نفس اليوم اللي رحنا فيه للجبل

أبو علي / الحمدلله .. الله ستر علينا .. احنا مشينا بدري

نجم / وش السالفه ؟؟ وكيف مسكوا العدد ذا كله ف يوم واحد !!

أبو علي / آخر خبر .. يقولوا .. أنهم مسكوهم في مطعم الساعه 10 مساء وقت مباراة الهلال السعودي مع الاستقلال الايراني

3 شباب سعوديين تناولوا مشروبات روحيه !! وعملوا مشكله !! وجاء البوليس واخذ كل السعودين اللي بالمطعم .. وبالمره لفوا على كم كافي ومطعم !!

وحطوهم في باصات وارسلوهم جاكرتا !! وجاء السفير السعودي وفزع لهم وفكهم

نجم / يا سلام !! وش ذنب الباقي !! ايش الافتراء ذا !!!

أبو علي / هيا سواقنا جاء .. خلينا نمشي

( السواق تم الاتفاق معاه من جاكرتا عن طريق صاحب الشقه = 400 ألف = 120 ريال باليوم )

كان يوم مشمس حار .. للأسف

توجهنا نحو الألعاب البحريه

( الألعاب البحريه في بالي موجوده في شاطئ نوسا دوا فقط .. ووقتها من الصباح إلى الساعه 5 العصر )

وصلنا الساعه(12.30 ) وكانت الشمس قادحه ومافي غيوم !!! ورمال الشاطئ لهب !!

اخترنا 4 ألعاب ( البراشوت - الموزه - الدونات - المشي تحت البحر ) كل لعبه لها سعر

وبدأت المكاسره والحركات والأفلام .. وتم الاتفاق النهائي بعد نشفان الريق على سعر = 800 ألف = 240 ريال للشخص الواحد

الله يعين اللي معاه عائله !!! كنت اتوقع سعر أقل من كذا !!

( أسعار الكشك من كوتا كان الشخص = 400 ألف لنفس الألعاب لكن البراشوت لشخص واحد .. أما البراشوت اللي اخترناه الان أبو اثنين وهذا كان غالي )

البدايه بالبراشوت وكانت لعبه ممتعه جداً جداً .. محلق في السماء والبحر والفنادق تحتك .. قمة الروقان

وسواليف أنا ورفيقي وصفقنا وغنينا

شعوري لا يوصف .. كنت سعيد جداً .. تحقق حلمي بالطيران

لكن للأسف مدتهاقصيرة جداً ( 6 ) دقائق فقط !!! وممكن تزيد المده مقابل مبلغ زياده ( هذا الكلام ينطبق عل كل الألعاب .. تدفع زياده وتاخذ وقت زياده )

وبعدها الموزه .. لعبه بايخه عاديه .. كأنك راكب بوت .. مافيها أي متعه ( ربع ساعه )

ثم الدونات .. وهذي رهيبه ومثيره وما تتفوت أبداً ( ربع ساعه )

واخيراً السير تحت الماء .. تنزل على عمق ( 5 - 6 ) متر وعلى رأسك خوذه تنفس

وتمشي بين الشعب المرجانيه .. والسمك الصغير يحيط بك من كل جانب ( 20 ) دقيقه

في لعبه أخرى اتوقع أنها مثيره .. لكن ما ركبناها اسمها ( فلاينق فيش )

انتهينا الساعه ( 3 ) تقريباً

بعدها توجهنا نحو شاطئ ( باندوا )

شاطئ جميل كله اندونيسيين .. وجلسات وكشكات أمام الشاطئ

ارتحنا فيه وشربنا واكلنا جوز الهند حقهم

بعدها توجهنا نحو شاطئ ( جمباران ) لمشاهدة غروب الشمس

وصلنا الساعه ( 6 )

مطاعم تقدم وجبات بحريه على الشاطئ مباشرة .. وجلسات بمظلات

جلسه جميله جداً وراقيه وروقان ورومانسيه أمام الغروب وأمواج البحر والنسمه الجميله التي جاءت مع الغروب

كان يوجد عائلات سعوديه وخليجيه قليله بدون أطفال

طلبنا عشاء سمك مشوي .. قمبري مقلي .. رز أبيض .. كولا = 500 ألف = 150 ريال لشخصين !!!

السمك مش ولا بد .. مو على سعره الغالي للأسف !! والقمبري زين ..

على الساعه ( 8 ) جات فرقه موسيقيه تلف على الجالسين

كان يوم بحري أكشن بالالعاب .. ولكن !! مشمس وحر بصراحه في النهار .. وكان أمر مزعج !!

وذكرى الباراشوت لا تزال في بالي

صوره ختاميه لمنظر الغروب الجميل

يتبع ..

أعتذر على كثرة الردود لكن تقرير مفصلووميز بشكل ممتاز ، حركة إحتجاز السعوديين زعلتنا جداً مالهم حق الحمدلله على نعمة حكومتنا وخوفها ووقفتها مع أبناء هالوطن العظيم 🇸🇦🇸🇦

توبليرون و نجم السياحه معجبون بهذا.

أم احمد · 15-05-2021, 11:28 PM

اقتباس : المشاركة الأصلية كتبت بواسطة نجم السياحه

بسم الله الرحمن الرحيم

الثلاثاء 27 / فبراير

اليوم حبينا نتمشى ونفطر في مول ( كوتا كازابلانكا ) الذي يقع بالقرب من شقتنا .. ( 5 ) دقائق سيراً على الأقدام

المول يعتبر من المولات الراقيه .. جيد .. كبير

فطرنا في ( ستار بكس )

صور للمول

بعدها توجهنا نحو واحد من أقدم المولات المعروفه في جاكرتا .. المول المشهور سابقاً عند السعوديين

لا يوجد سعودي ذهب جاكرتا إلا وزار هذا المول .. إنه

( اتريوم مول )

عند دخولي للسوق تذكرت عام ( 2000 م ) وكيف كان المول راقي .. افطر فيه واتمشى .. والعصر انفرج على فلم في السينما

المول تغير من ناحية الجوده .. وجدناه مزدحم بشده .. من الطبقه ذات الدخل المحدود من الاندونيسيين

ومحلاته وبضاعته لم تكن بنفس الجوده السابقه .. وكان فيه بازار شعبي للملابس والاكسسوارت وخلافه .. جوده ضعيفه

صعدنا للدور الرابع .. وصرفنا فلوس من محلات الصرافه ( سعر جيد )

ثم توجهنا لمحل الحلاقه .. وكان مزدحم بالسعوديين .. فنزلنا للدور الأرضي ولقينا محلات مكياج وبودي كير

وافقوا على الحلاقه فحلقنا عندهم

صور من المول

على الساعه ( 7 ) المساء توجهنا ( لأندونيسيا بلازا ) .. قاصدين محل ( مساج ) .. كنا رأيناه سابقاً أثناء زيارتنا السابقه لهذا المول

محلات المساج في اندونيسيا بالهبل .. مرررررره كثيره خصوصاً في بالي

ولكننا كنا نرغب في محل مساج متخصص شغل محترفين .. وتوقعنا أن وجود مساج في أرقى مول في جاكرتا يعني أنه مساج محترف

وبالفعل كان المحل ممتاز جداً جداً ( انصح به بقوه )

محل صغير به خمس أسره بجوار بعض مكشوفه .. ولذلك لا يصلح للنساء

ولديهم طاقم رجال محترفين .. وتوجد إمرأه واحده فقط لعمل مساج

المساج لديهم للقدمين واليدين .. أو للظهر .. أو كامل الجسم

احنا أخذنا كامل الجسم .. كنا مكسرين من رحلات بالي .. وكان السعر ( 130 ألف = 40 ريال فقط ) والمده ساعه كامله

صوره لاسم المحل .. الذي يقع في الدور الأرضي في ( اندونيسيا بلازا الراقي )

الساعه ( 9 ) ذهبنا للعشاء ومشاهدة مباراة الأهلي السعودي ضد فريق ذوب اهان الأيراني في مطعم ( عمر كافيه )

المطعم جيد .. وأكله جيد .. وعيبه أن الأكل وشرب المعسل في نفس المكان ( لا يصلح للعوائل )

شاشات التلفاز للمباريات كبيره وجيده .. ولذلك يعتبر مكان جيد لمشاهدة المباريات ( الدوري السعودي .. أبطال اوروبا .. اسيا )

الكافيه يأخذ رسوم على مشاهدة المباريات .. وإذا تعشيت عنده ممكن يغض الطرف عن هذه الرسوم

الأسعار للأطباق الرئيسيه لديه أقل من باقي المطاعم العربيه .. ولكنه يزود في السلطات والمشروبات ( تيتي تيتي )

وفي النهايه يصبح مثلهم .. عشانا المعناد كلف ( 300 ألف = 90 ريال لشخصين )

صور للمطعم

بعد خروجنا من الكافيه الساعه ( 12 ) .. استوقفتنا نقطة تفتيش .. ضابط ومعه سبعة عساكر !!

فتحوا أبواب التاكسي الأربعة مداهمه !!! حسيت أني بوسط فلم أكشن !!

العسكري / معاكم هويات ؟

أبو علي / لا .. خليناها في الشقه .. ما نوقعنا نحتاجها .. وخفنا تضيع مننا

العسكري الثاني / امممم .. طيب معاكم نسخه منها ؟

نجم / لا .. خير في شئ !! سلامات !!

قام العسكر يطالعون في بعض ويتهمهمون !! وفجأه أدخل الضابط رأسه .. وعلى وجهه ابتسامه خبيثه !!

الضابط / هديه .. هديه !!

أبو علي / هذي آخرتها !! بسيطه .. عطيه وفكنا .. وانتبه لا يشوفون الفلوس في المحفظه !!

اخرجت ( 100 ألف = 30 ريال ) وقدمتها للضابط

العسكري الثالث / اممممم ( 100 ألف ) كلنا !! هديه هديه !! الأخ يبي ( 100 ألف ) لكل واحد !!

نجم / سوري .. سوري .. فقط مية ألف .. وش ها الطمع !!

أبو علي / زيده ( مية ألف ) ثانيه .. الله يقلعهم

قدمت مية ألف ثانيه للضابط وحطها في جيبه .. والعسكر مو عاجبهم المبلغ !!

انهى الموضوع الضابط .. وقال للعسكر قفلوا أبواب التاكسي .. خلاص روحوا .

هذا الموضوع يتكرر دوما ً في اندونيسيا .. خصوصاً في جاكرتا والجبل

هؤلاء العسكر الفاسدين هدفهم معروف .. وهو المال

حتى وإن كان وضعك سليم !!

ولذلك انصح بعدم المماطله والعباطه معهم .. فربما تدخل في مشاكل انت في غنى عنها !!

يا غريب خليك أديب

ولا تقدم مبلغ كبير في البدايه .. ولكن إبدأ بمبلغ صغير .. ثم زده

كما أنصح بعدم تقديم المال مباشرة .. فربما تطيح في ضابط شريف ( وإن كنت أشك في ذلك !! )

انتظر حتى يطلب منك المال .. حتى لا تتهم بتقديم الرشوه !!

ونسأل الله أن يغفر لنا على تقديم هذى الرشوه .. ولكننا مضطرين

فربما يتم وضع مخدرات .. سلاح .. في التاكسي .. ويتم اتهامك بها ( وان كنا لم نسمع بهذا من قبل )

لكن الاحتياط واجب .. ادفع وانت ساكت .. وتمشي امورك .. والله يستر عليك

يتبع ..

الإستغلال هذا أكرهه في شرق آسيا حصل لنا موقف في دبي ليلة رأس السنة مافي تكاسي ولا مترو وكان في سيارات الفنادق اللكزسوكان هندي أو بنجلاديشي فقال لنا سكستي درهم 60 درهم أو ريال المهم المشوار كان 20 دقيقة فقلنا بنكرمه ونعطي 100 عصب وقال أنا قلت 600 600 درهم الوالدة وخالتي قالو نعطي 100 زيادة وأخذها ومو وراضي دخلنا الفندق ولحقنا وبلغت موظفين الريسبشن لو لحقنا ولا أعطو رقم الغرف بكلم الشرطة السياحة والسفارة وبغيت أخذ منه ال 100 الثانية بس ولد خالتي قال أتركي جايين ننبسط ، وبمطار جاكرتا إضطر أخوي وولد خالتي يحطون فلوس في الجوازات علشان يمشون لأن مع العائلة الواحد يتجنب المشاكل وكذلك والدة صديقتي فقدت محفظتهافي مول الصن واي بماليزيا ووقت ما فتحو الكاميرات شافو اللي سرقتها ولا سوو شي لكن الواحد يحاول ينتبه وما يسوي معاهم مشاكل علشان لا يتنكد في السفر

توبليرون و نجم السياحه معجبون بهذا.

أم احمد · 16-05-2021, 12:07 AM

اقتباس : المشاركة الأصلية كتبت بواسطة AL Tunaiji

اشكرك على التقرير الرائع

صراحة إندونيسيا ليست من الدول التي تستهويني ولكن اسلوبك جعلني اقرأ التقرير كاملا

فعلا الرجل يحتاج لوقت لنفسه ولأصدقائه ، واعرف بعض الناس بعد الزواج أصبح لا يسافر مع أصدقاءه !!

الأبناء يمكنهم الصبر على غياب الأب لعدة أيام لاكن لا يستطيعون الصبر على غياب الأم وخصوصا اذا كانوا صغارا

من فوائد السفر مع الأصدقاء استكشاف الدول والمناطق واذا كانت مناسبة يمكن تكرار السفر مع العائلة من دون متاعب

صراحة الأجواء الحارة والرطوبة تعرقل أي فكرة سفر لسنغفورة ، وكذلك ليس لدي حماس لزيارة ماليزيا و تايلند

لذلك ابحث عن الدول التي يكون جوها أبرد والخدمات أفضل والمواقع السياحية أكثر عددا وتنوعا

ماليزيا بلد جميل وتختلف به الأجواء عندك لنكاوي جوها جميل وليس بالرطوبة للعالية أو الحر وعندك مرتفعات جنتنق وكاميرون وعندك كوالالمبور جوها بالنهار حار ورطوبة لكن بعد الـ 5 عصراً يكون مقبول وتطور وطبيعة وتسوق

توبليرون و نجم السياحه معجبون بهذا.

أم احمد · 17-05-2021, 10:14 PM

اقتباس : المشاركة الأصلية كتبت بواسطة أم احمد

ماليزيا بلد جميل وتختلف به الأجواء عندك لنكاوي جوها جميل وليس بالرطوبة للعالية أو الحر وعندك مرتفعات جنتنق وكاميرون وعندك كوالالمبور جوها بالنهار حار ورطوبة لكن بعد الـ 5 عصراً يكون مقبول وتطور وطبيعة وتسوق

جنتنق وكاميرون أجوائها باردة 👑👑

نجم السياحهمعجبون بهذا.

نجم السياحه · 22-05-2021, 05:09 AM

هلا ام احمد

شاكر مرورك وتعليقاتك

تحياتي

Moony2424 · 13-06-2024, 09:34 AM

شكرا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
انا في انترلاكن ... ولكن .......	whatever	بوابة سويسرا	4	14-05-2016 09:47 PM
رحلتي لبلاد الإندومي ابريل 2015 ( بالي - باندونغ - بونشاك - جاكرتا )	om sohaib	بوابة اندونيسيا	69	30-03-2016 10:38 AM
مطلوب أرقام سواقين في جاكرتا و بونشاك و بالي	modi	بوابة اندونيسيا	0	03-09-2015 06:26 PM
وصلت الدعوة ولكن ......	الحبوب	بوابة البوسنة	3	21-07-2015 03:12 AM
من جاكرتا الى بالي	عاشقة السفر	بوابة اندونيسيا	12	09-02-2015 03:25 PM