بسم الله الرحمن الرحيم

نجم / سلامات باقي ( صباح الخير )

أبو علي / سلامات باقي .. وش مصحيك بدري !! وش ها النشاط والحماس !!

نجم / متحمس للتجديف

أبو علي / امممم والله أنا بعكسك قلقان شويه .. انت الله يهديك بتودينا التجديف الصعب !!

خلينا نروح تجديف نهر ( ايونق ) خفيف وحليو وساعه ونص واحنا مخلصين .. بدل تجديف نهر ( تلاقالانق ) بتذبحنا 3 ساعات !!

فطرنا فطورنا المعتاد اليومي ( البيض )

واخذنا لبس كامل ( غيار ) حتلبسه بعد التجديف .. لأنك حتنعدم موووويه

بالاضافه لصندل بحزام ( اكرمكم الله ) ضروري .. هو اللي ينفع هناك

وتوكلنا على الله

التجديف في بالي في نهرين .. واحد في نهر ( ايونق ) ويقولوا عنه خفيف .. والثاني في نهر ( تلاقالانق ) وهو الأحلى وأكثر منحدرات ومنعطفات

رحنا لنهر ( تلاقالانق ) .. يوجد العديد من شركات التجديف على النهر .. سواقنا ودانا أحدهما وقال هذي أفضلها

بدأت المكاسره على السعر .. واتفقنا بعد محاولات مستميته وركبنا التاكسي ورجعنا ( أفلام ) !! على سعر 500 ألف = 150 ريال للشخص مع الغداء

تستغرق الرحله = ساعتين ونص .. تتخللها وقفه بنص الطريق عند شلال للراحه وشرب العصيرات والماء

( السعر عند الكشكات كان 100 ريال للشخص )

سلمونا لمشرف بيرافقنا بالرحله .. واخذ أغراضنا وخصوصاً الجوالات ووضعها في كيس محكم

حاولنا معاه في الجوال عشان نصور الحدث المغامره .. لكنه رفض خوفاً من تحمل المسئولية في حال سقوط الجوال في النهر حسب تعليمات الاداره

قدم لنا / جاكيت الأمان .. خوذه للرأس .. عصا التجديف .. ونزلنا للقوارب في النهر .. وبلغنا بتعليمات للالتزام بها

صور النزول للقارب





رحلة التجديف تتم بواسطة قارب مطاطي .. صوره للقارب مع مشرفنا



عائله أمريكيه في قارب آخر .. احنا استغربنا صغر سن الأولاد !!



على طول الرحلة النهرية كانت تحيط بنا الحقول الخضراء والمزارع وأشجار جوز الهند وبعض الشلالات الصغيره

مناظر رائعة جداً جداً جداً

لكن لو ترفع عينك ناحية ها المناظر .. تخاف جذع شجره طايح يكمخك في راسك

خلال الطريق كان المشرف يقول بالعربي / تجودوا .. تجودوا كل ما جانا نزول أو اشتدت موية النهر

وكان يقول / راسك .. راسك .. كلما قربنا عند أغصان الأشجار الساقطه على النهر .. فننزل بأجسامنا ورأسنا داخل القارب

( 45 ) دقيقه سريعه من التجديف .. واللف والدوران .. والتصقيع في الجذوع الطايحه .. والصخور الكبيره

ومسابق مع قارب الأمريكان

ما حسينا فيها .. ولا بطول وقتها من المتعه والإثاره

توقفنا عند شلال وارتحنا وكان في إمراة تبيع عصيرات



نجم / ها أبو علي ؟ كيف ؟

أبو علي / عاديه .. لا تخوف ولا حاجه .. أنا توقعت أنها أصعب من كذا .. حتى النهر طلع عمقه متر واحد فقط !!

يعني لو تطيح ما تغرق !!

نجم / أنا تمنيت لو النهر أسرع

أبو علي / الحقيقه تصلح لجميع أفراد الأسره .. حتى النساء

نجم / انت ما شفت العائله الأمريكيه ومعهم أطفال !!

أبو علي / أنا مو قاهرني الا ها المشرف !! تجودوا .. تجودوا !! فجعنا !! يبغى يسوي أكشن !!

نجم / أنا اللي قاهرني حرمونا من الجوالات !! والمناظر هنا روعه !! ياليت جوالي كان فيه خاتم !! كان اخذته غصب

أبو علي / والله مناظر روعه وغابات وشلالات

نجم / أجل كيف لو رحنا التجديف الثاني اللي بنهر ( ايونق ) اللي يقولوا أنه اسهل من ذا !! أظنه بيطلع تجديف ماصخ !!

بعد راحه وتصوير عند الشلال .. كملنا تجديف .. لكن المره ذي بخبره أكبر واستمتاع بالطبيعه المحيطة أكبر

دون التركيز على النهر وانعطافاته .. ولكن بحذر من أغصان الأشجار ( جود الخوذه )



بعد( 45 ) دقيقه أخرى انتهت الرحله الجميله الممتعه .. وطلعنا درج للمطعم ذا المطل الجميل على النهر والأشجار والمزارع

صور وانا طالع الدرج للطبيعه المحيطه









ولقينا سواقنا قدامنا ومعاه ملابسنا البديله

غيرنا ملابسنا المبلله في الحمامات .. ثم رجعنا للمطعم الذي يقدم بوفيه مفتوح صغير جداً ذا خيارات محدوده



بعدها توجهنا نحو بحيرة ( كنتانامي ) الكبييييييييييره

هذي البحيرة أكبر بحيره في بالي .. تبلغ مساحتها ( 16 ) كيلو متر مربع .. وعمقها ( 90 ) متر

بينما بحيرة ( براتان ) اللي زرناها باليوم السابق مساحتها ( 4 ) كيلو متر مربع

يقع على جنبات البحيره العديد من القرى والمتجعات المشهوره بالمياه الحاره

سواقنا ودانا من فوق لتله ( مطل ) على البحيره .. واخذنا كم صوره













ثم ودانا نحو قرية تطل على البحيره ( احترت في اسمها - كنتانامي - باتور - ابدقول - المهم هي مشهوره بالمطعم المعروف عند كل السواقين .. مطعم ساري باتور )

احنا تمشينا على كورنيش القريه المطل على البحيره







وبعدها جلسنا في أحد الكافيهات البسيطه المطله على البحيره

كانت جلسه خياااااليه مهدئة للأعصاب .. وكان الجو جميل مع وجود الغيوم

والمنظر رائع بوجود الطبيعة الخضراء والبحيره الزرقاء وجبل ( باتور ) الماثل أمامنا بلحافه الأخضر والأحمر ( جبل بركاني )













بالله ايش رأيكم في التصوير

بعدها مشينا ولقينا مطعم وفندق اسمه ( منظر البحيره - lake view) وكانت جلساته ممتازه وموقعه رائع على البحيره















على الساعه ( 6 ) المساء نزل المطر .. وحبينا نختم بمطعم ( ساري باتور ) المشهور .. لكنه للاسف تبين أنه يغلق الساعه ( 6 )

وحبيت احط لكم كم صوره منه من النت .. للفائده والاحاطه







انتهينا من المرحله الأولى من البرنامج المعد مسبقاً

وحانت المرحله الثانيه الأخيره وهي زيارة مول ( بيتش وولك ) في كوتا

قال السواق / أنه سيوصلنا فقط دون أن ينتظرنا ويعيدنا للشقه .. إلا اذا اعطيناه 100 ألف = 30 ريال زياده .. لأن الاتفاق على 12 ساعه باليوم .. والمشوار تقريباً ( 2 ) ساعتين !!!! ومتى يرجع بيته ؟؟

نعم يا اخويا !! ساعتين !!

وافقنا .. وقرينا دعاء السفر

مشواااار طوووويل وزحمه عند مدخل منطقة كوتا !! نمنا وصحينا وما وصلنا !!

طار من رأسنا المتعه والروقان !! وحل مكانها الصداع والدوران !! والمغص والغثيان !!

كنا فين وصرنا فين !! محشورين في ها السياره !! شئ لا يطاق !!



وفعلاً وصلنا بعد ساعتين وعشر دقائق كمان زياده !!!

نزلنا في ( بيتزا هت ) القريبه من المول .. طلبنا بيتزا العاديه + لازانيا + كولا = 200 ألف = 60 ريال لشخصين

ثم دخلنا المول .. المول جميل .. وراقي .. ومليان حركه



ولقينا مسابقة للرقص ( روك ) .. كل فرقه من شخصين





صوره للمطاعم



تفرجنا شوي .. بعدها تمشينا على المحلات المجاوره للمول .. وعلى الساعه ( 12 ) مساء رجعنا

يوم جميل في بالي الجميله

والحمدلله أن اليوم كان ماهو حر ولا رطوبه .. لكن الزحمه والمشوااااااااااااار

وحلها انك تسكن في شمال بالي .. تخلص الأماكن الجميله هذي

وبعدين تسكن في جنوب بالي .. تتفرغ للتسوق والمحلات والشواطئ

يتبع ..