وعليكم السلام ورحمة الله وبركاته
سبق لي زيارة أوروبا ولم يسبق لي زيارة ايطاليا وبالخطة اذا يسرها ربي
لكن بفيدك باللي أعرفه

بخصوص التأشيرة ضروري تطلعونها من سفارة ايطاليا لأن الأقامه كلها بأيطاليا والوصول والمغادرة منها
والأفضل لكم يتم البدء بأجرائتها من الأن وماعتقد تأخذ أكثر من شهر لأنه ماعليهم ظغط مثل الصيف
بخصوص الوصول والمغادرة بيكون الوصول روما والمغادرة ميلان أو العكس
فينيسيا الذهاب لها عن طريق ( القطار أو الطيارة أو استئجار سيارة )
12 يوم أشوفها كوويسه بالنسبة لثلاث مدن خاصة انه فينيسيا ماراح تطولون فيها ( يوم أو يومين )
وممكن تستأجرون سيارة وتطلعون من روما وتمرون على أكثر من مدينة اذا عندكم وقت
مثلا تجلسون بروما 3 أيام وبعدها تطلعون على فلورنس وتجلسون يومين أو ثلاث وتمرون بيزا من فلورنس اذا تحبون
وبعدها تكملون على فينيسيا وتقضون فيها يومين
وبالأخير تتوجهون على ميلان 4 أيام .. طبعا تزورون ضواحيها مثل كومو ولوقانو ( كومو تبعد 50 كم ولوقانو بسويسرا بعد كومو بـ 30 كم


موفقين ان شاء الله